عرض للطباعة
السلام عليكم انا قرر اشترى عربيه شبابى بعد تدوير لاقات السوبارو امبريزا هل هى عربيه جيده و هل قطع الغيار متوفره و ايه نظام السحب حلو ولا وحش انا كان معايا لانسر بوما 2009 هل هى احسن و سعرها ممكن يعمل كام بالضبط للموديل 2007-2008 ما هى العربيات اللى احسن منها؟
شكراً مقدماً
حدد الموديل عشان 2007 شكل و 2008 شكل تاني
انا قدامى ال 2007 و ال 2008 انا محتار مين احسن ال 2008 شكلها احلى بس انا كنت عايز اعرف مين افضل غير الشكلاقتباس:
المشاركة الأصلية كتبت بواسطة pioneerahmed
بص ال 2008 ظهرت فيها مشاكل مع الاعضاء هنا بس اعتقد انها مشاكل فردية
لف لفة في منتدي السوبارو عشان تبقي على نور
بس قلي الاول مواصفاتها اية و سعرها كام؟
هو انا بحبها بس في رينج سعرها انا شايف عربيات تانية احسن منها
يعني ال2007 المازدا 3 احسن منها
ال 2008 الهوندا سيفيك احسن منها
شكراً pioneerahmed لاهتمامكاقتباس:
المشاركة الأصلية كتبت بواسطة pioneerahmed
ال 2007 عامله 160 الف و رشه حزام الراجل بيتكلم على 80 الف كده
و ال 2008 عامله 120 الف رشه اكصدامان و ورفرف بيتكلم على 87
انا مش عارف اذا كانت الاسعار دى كويسه ولا لا و فى برضو مازدا 3 2008 على 80 الف بردو عامله 175 الف كيلو
اية يا عم الاسعار دي
اولا السوبارو ال 2008 دي مانوال؟ اصل السعر كدة قليل
ثانيا ال 2007 كدة كتيير جدا عليها
ثالثا المازدا بردو كتيير اوي عليها 80000 دي لو فابريكة بالكامل و هاي لاين بصمة بردو هيبقي كتير اخرها 77000 عشان الكيلو متر عالي
انا بايع عربيتى المازدا كاملة هاي لاين ماشية 120000 رشة حزام بس ب 72000
اقتباس:
المشاركة الأصلية كتبت بواسطة pioneerahmed
ال 2008 مانيوال
طيب ايه السعر المناسب لل 2007
لو كده تنصحنى بايه احسن يكون فى نفس السعر كده
لو عايز رايي دور على مازدا 3 2009 هاي لاين بصمة
عربية من الاخر و مفيهاش اي مشكلة
ال2009 بالذات عشان معدلين فراملها ديسكات ورا و ادام
طيب و قطع غيرها و سحبها ايه نظمهماقتباس:
المشاركة الأصلية كتبت بواسطة pioneerahmed
اقوي سحب عربية شفتة في حياتي من 0 الى 100 اقوي حتى من السيفيك
استهلاك بنزين عالى سنة
قطع غيار رخيصة زي مثلا تيل الفرامل بنجيب الريمسا افضل من الاصلي بتاعها ب 230 جم
فلتر هوا ب 100 جم
بوجيهات اصلي ب 140 جم بتعد 60000 كم
فلتر زيت ب 40 و بتاع اللانسر بيشتغل زي الفل
فلتر بنزين بتاع اللانوس هو هو بالظبط و نفس درجة البار ب 50 جم و الاصلي بتاعها ب 180 جم
مشكلتها لو خبطها هتلاقي حاجتها غالية شوية يعنى مثلا الفانوس الاصلي الزينون بالماتور و اللمبة و الموديول ب 6000 جم
انما الفانوس الاصلي العادي ب 800 جم و الديبو ب 300 (كشاف اللانسر الشارك الزينون ب 8000)
الشبكة باللوجو ب 350 جم
بس عيبها من وجهة نظري الفتيس 4 نقلات بس و سحبها من بعد 100 ضعيف شوية
لكن اقوي تكيف و ثبات و هاندلينج فعلا بي ام الياباني