بقيت بشد في شعري و السبب ...!!!

**ashrafwolf** · 05-10-2014 11:36 AM

+ مبيعات التوكيل فاشله
+ المعارض بتدور علي المكاسب السهله و الاوفر برايس العالي
+ توكيلات ضعيفه فنيا مش قادره تجاري العربيات اللي سابقه تكنولوجيا الميكانيكي المصري
+ شوارع مكسره لا تصلح حتي للاغنام (لو أن بغلة عثرت في العراق لسألني الله عنها لما لم تمهد لها الطريق) رحمك الله يا عمر
و بعدين يجي يقولك اصل العربيه مش اعتماديه علشان كده سوقها ميت , ياخي ***
ديه مافيا مسيطره علي سوق السيارات و والله لو ليها نفس تخلي عربيه زي الميجان ديه زي اللانوس في الشارع هيعملوها
يكفي ان التوكتوك في مصر كان بيستورده غبور مع العلم ان الحكومه كانت بتحاربه !!!!!!

**Super_Star_h** · 05-10-2014 11:43 AM

الميجان تضرب معظم العربيات دى بالشبشب لمؤخذه
ولكن ده حال السوق

**sonaeg** · 05-10-2014 11:55 AM

معاك حق بس الاسوأ فعلا العربيات الملحومة والمشيسة اللي بتتجدد ويتلعب في عدادها وتتباع كانها كسر زيرو .....

كنت حشتري سوبر اكشن ماشية 30 الف موديل 2010 باين ... حالتها فلة

من الفحص المبدأي لقيت كونسول الفتيس بيتهز مكانه ... قلقت وحسيت ان في حاجة غلط

بالفحص الدقيق تبين انها عربية نصين ملحومة وملعوب عدادها

البومة بشوف فيها لعب كتير جدااا

ربنا يسترها معانا من غش الناس..

**medo_31** · 05-10-2014 12:27 PM

المشكلة في الناس اللي بتشتري بالاسعار المبالغ فيها دي ,اللي بيبيع طبعا عايز اعلى سعر وطالما لاقي ناس بتقوله امين هيسوق فيها كمان وكمان

**S O P H O S** · 05-10-2014 03:54 PM

شراء مستعمل حاليا بقي عملية تضحية كبيرة

**Hunting_Eagle** · 05-10-2014 04:01 PM

الكورولا بصراحة هي اللي مسخرة

الكورولا اللي هي موديل 2013 الشكل اللي فات و خليجي كمان بتتباع أغلى من الجديدة .. علشان ياباني

و السيراتو اللي هي موديل 2007 بتتباع ب 90 الف .. اغلى من الميجان و المازدا 3

بقيت بحب اعرف اسعار المستعمل .. بس علشان اضحك مش أشد في شعري

**abokoko** · 05-10-2014 06:51 PM

يا عم متزعلش
ال لادا بتعتى 2007م /134الف كيلو -- ابيعها لك 34 وممكن امشيها 33 الف

هههههههههههه

هى مساله عرض و طلب
وما دام فى ناس بتشترى بالاسعار اللى ذكرتها يبقي رزق ....

**john55** · 07-10-2014 11:21 AM

ثقافه شعب بيقول ابعد عن الفرنساوي علشان محدش بيفهم فيه وقطع غياره غاليه وخليك في الكوري حاجاته في كل حته وقطع غياره رخيصه زي الفورد مثلا عربيه محترمه لو اشترها مثلا جديده 130 الف تيجي تبعها بعد كدا ممكن تخسر حوالي 30 الف علشان ثقافه الشعب اللي بتموت في الكوري مع ان العربيات دي محترمه وافضل من الكوري بمراحل ومتزعلوش انا واحد عملت كدا جبت الكوري وسبت الاوربي ولو رجع بيا الزمن كنت دورت علي عربيه اوبل او فلوانس افضل بمراحل يلا النصيب وشكرا