بقيت بشد في شعري و السبب ...!!!
بصراحة السبب هو سوق المستعمل اللي محدش حتي الان لاقيله حل !!!
-لانسر 2008 سوبر أكشن عاملة 88000 كم و معروضة علي 112000 جنيه
-كورولا 2005 1300 سي سي عاملة 132000 كم (خليجي) و سعرها 103000
-فيات برافو 2011 عاملة 46000 كم و سعرها 108000 مع إن سعرها زيرو 171000
-كيا سيراتو 2007 الشكل القديم عاملة 141000 كم و سعرها 86000 و الالنترا 2006 و شكلها نفس النظام
-سوبارو xv جديدة (مش الهاي لاين) ب 200000 معروضة مستعملة 20000 كم ب 215000 جنيه
-الميجان مثلا عربية أحلام أي حد ... أمان و موتور كويس و السوفت الجديد حل المشاكل المعروفة ليها و تلاقي سعرها لو موديل 2008 مثلا ب 78-85 !!!
-البيكانتو الشكل القديم (مع إنها معايا و عجباني) سعرها مبالغ جدا فيه و بقت بتتباع مانيوال ب 63000 و أوتو 65-72 مع إنها لا سحب و لا أمان و لا اعتمادية و لا كماليات و مفيش داعي أكمل عشان مرتضي منصور اللي جوايا مايخرجش ... كل ما يميزها هو قلة مصاريف تشغيلها و صيانتها (نسبيا)
و عربيات تاني كتير فاشلة (واخدة سمعة علي الفاضي) و سعر إعادة بيعها في السماء و عربيات تانية محترمة و سعرها مخفوس في الأرض
هو أنا الوحيد اللي حاسس إن الموضوع بقي ميئوس منه ولا حد ليه رأي تاني ؟!
اشمعني إحنا البلد الوحيدة في العالم اللي سعر المستعمل بيبقي أغلي من الزيرو عشان التسليم مش فوري ؟!
-والدتي كانت في ألمانيا 2007 و شافت مرسيدس E300 موديل 2004 ب 11500 يورو ...و العربية فعلا فابريقة (استعمال أجانب ... ده غير إنها عمرها ما عرفت حاجة اسمها مطبات)
-بجد يا مصر أنا حزين عليكي أوي :pffft:
