شحن البطارية 12 فولت بالادبتر

**mohamedbamby** · 05-10-2014 01:51 PM

ارجو من المختصين المشاركة لان بركن العربية ممكن 3 ايام ولما اجي ادور تعتل معي وساعات بركنها اسبوعين واقرب كهربائي حوالي 10 كيلو بخلاف ان مرة عملتا معايا وكان في العيد ، ومرة البطارية نامت في اجازة نص السنه اللي فاتت ركنتها اسبوعين وكان الشارع كله طين ومياه ومش عارف ازقها ولا اروح بيها ياريت الرد والمشاركة .

وجدت اكثر من موضوع بيتحدث علي كيفية شحن البطارية بمحول 12 فولت لكن بسبب رجوع الكهرباء يوجد مكثف ومقاومة وديودات واشياء بسيطة والدائرة جميلة 3 امبير

لكن السؤال لو معي ادبتر 500ملي امبير يعني .5 امبير

اولا: ما الوقت المطلوب للشحن !!
وثانيا: كيفية تنفيذ الدائرة لعدم انصهار الاسلاك واخيرا هل سيتم الشحن ام لا !!

**ahmed_eng2001** · 06-10-2014 01:13 PM

متابع معاك

**HishamElgazzar** · 07-10-2014 04:37 AM

مينفعش لازم ع الأقل 3 امبير وهيشحنها ف 12 ولا 24 ساعة عشان يدوب تدور بيها مرتين تلاتة وممكن تنام تانى

**ayam7** · 07-10-2014 05:11 AM

عندك تسريب ... إفصل كابل البطارية لو هتركنها أكثر من يومين

500 مللى أمبير يعنى 5. أمبير (نص أمبير)

الفكرة فى عملية إعادة الشحن هى إعادة تشبع الواح البطارية بالالكترونات
يعنى لازم عشان إعيد شحن بطارية يكون فولت الشاحن اعلى من فولت البطارية
وتتوقف سرعة عملية الشحن على كمية الطاقة المنتجة للشاحن
بمعنى لو الشاحن ينتج 1 أمبير / ساعة يبقى هيشحن البطارية لو هى 50 أمبير فى 50 ساعة

**ahmed_eng2001** · 07-10-2014 01:35 PM

المشاركة الأصلية كتبت بواسطة hishamelgazzar

مينفعش لازم ع الأقل 3 امبير وهيشحنها ف 12 ولا 24 ساعة عشان يدوب تدور بيها مرتين تلاتة وممكن تنام تانى

منور يا هشام باشا ....

العربية مش عاوزة تدور !!!! و كنت بفكر اشترى جهاز شحن للبطارية ( تونجر ) علشان اخليه معايا

بطاريتى 70 امبير و نايمة خالص .... و رحت شحنتها بس مش قادرة تدور العربية
و جبت بطارية 55 امبير مقدرتش تدور

**osam173** · 07-10-2014 06:54 PM

اشتري تونجر صغير بيتباع في باب اللوق 15 امبير ب 250 جنيه يشحن لك البطارية في 3 ساعات

التنجر بيشحن ولما البطارية تتشحن بيفصل الشحن اتوماتك وينور الجهاز اخضر

انا بستخدمه في البيت لاني بستخدم انفنتر بالبطارية لما الكهربا تقطع وباشحنها بالتنجر لما الكهربا تيجي

**osam173** · 07-10-2014 06:55 PM

والتنجر ال 20 امبير وال 30 ب حوالي 300 و 350 جنيه
بس ال 15 معقول

**ahmed_eng2001** · 07-10-2014 07:42 PM

شاكر لحضرتك ردك ..... ان شاء الله ... لما المحلات تفتح انزل اشترى تونجر كويس

**moumen_hs** · 08-10-2014 12:22 PM

التنجر ال20 أمبير 6 فولت و12 فولت فى ش الجمهورية 250 جم بس دة تنجر مش أدبتر شحن يعنى حجمة كبير نسبيا

**ahmed_eng2001** · 08-10-2014 05:17 PM

اشتريت تونجر شحن 30 امبير ... APT ... المفروض انه حاجة صينى بس نضيفة ... اتمنى هذا ...

و وصلته بالبطارية و سايبه يشحن ... و دى صوره ...

و صورة عداد الامبير بعد ساعة من وضعه على الشحن

و ده معناه ان البطارية بتسحب تقريبا 25 امبير من التونجر ....
و يتم الشحن عندما لا تسحب البطارية اى امبير من التونجر
على حسب التقديرات المبدئية .... البطارية ال 70 امبير سوف تحتاج ساعتين و نصف تقريبا من تونجر 30 امبير ...
و ده بفرض ان التونجر يعطى 30 امبير / ساعة .... و ده مش بيحصل علشان الفاقد فى الطاقة
متابع معاك و حبلغكو بالنتائج ان شاء الله