تجارب التعدد في الزواج

**الاسد المهاجر** · 06-10-2014 07:01 PM

قول والمصحف

**S.h.a.h.e.r** · 07-10-2014 01:59 PM

التعدد حلله رب العالمين ولا يجوز تحريمة او التهكم عليه او عدم ترغيب الناس فيه عن عمد

**Y a r i s** · 07-10-2014 02:24 PM

المشاركة الأصلية كتبت بواسطة svneleven

المشكلة أن بنات الناس كتير و مش لاقيين يتجوزو و مع ذلك تلاقي رجالة مش لاقيين حد عدل يتجوزوه. أنا مش عارف المشكلة فين.

الاخلاق بقت زبالة يا عزيزي ... والتربية بقت وسخه ...
تصرفات الناس وسلوكياتهم بقت في النازل ... انتا ممكن تتجوز منى ليزى ... وتيجي تتكلم معاها تحس انها متغزية على لبن حمير او واكلة طبق برسيم ... زمان الي بيتجوز. كان بيقولك خدلك بت صغيرة وطبعها على طبعك وعرفها بتحب ايه وبتكره ايه ... النهرده انتا علشان تاخود بت صغيرة ولا شحطه كبيرررة البت مطابعه جاهز على اوسخ ماممكن عينك تشوفوا ... بوقها ده ساعت الغضب مش بعيد تلاقيه تحول فجئة الى صفيحة زبالة وردح وحبت حجات من الي كنا بنسمع عنهم في الافلام زمان. النهرده ممكن تشوفها لايف في مراتك ام عيالك مربيت الاجيال. :)

غير كده القوانين الكتير الي المفروض تحمي المرأة من ظلم الرجل بقت تظلم الزوج بشكل من الاشكال وتقوي شوكة المرأة على جوزها ... فبالتالي الي رايح يتجوز ده. عارف انوا هيتجوز وحده. تربية زفت وباسعار عالمية وفلكية. والقانون كمان في صفها. علشان كده انتا او غيرك وغيروا وغيروا بتلاقيه بيقدم رجل وبيأخر رجل في موضوع الجواز

@@@@@@

اما بالنسبة للموضوع الاساسي : ياسيدي موضوع تعدد الزوجات سهل مش صعب ولا مستحيل بس الي يقدر عليه ... ولازم يكون عندك اسباب قوية زي مثلاً مراتك الأولانيه. بارده ومفيش منها رجه حتى بالعلاج ... او مثلاً لاتنجب وحضرتك نفسك في حتت عيل يشيل اسمك ويورث سلسلة الشركات العالمية الي حضرتك سايبهالوا :) ... بس الناس الي عمالين يتجوزوا عمال على بطال دول ... ويقلك بشرع الله. ومش احسن ما اقع في الحرام ... دول في حد ذاتهم كارثه لان بمنتهى البساطة كل وحده يتجوزها بيخلف منها ... وماشي على نظام خلف وارمي ... والنتيجة بتكون تربية غير سليمه. بالمره .

على مستوى لو راجل انفصل عن زوجتوا واتجوز غيرها. فبنلاقي الأولاد بيختلفوا عن الاولاد الطبيعين الي اتربوا على ايد رجل وامراة. متحابين ومتزوجين ومتحديين ... ففي الحالة الؤولانية بتلاقي الاطفال عندهم نوع من العقد النفسية وضاربين الحياة صرمة ... فتصور مثلاً لمن تشوف ولدتك اتجوزت انسان تاني غير ابوك ... والمفروض انتا تقولوا يا عموا .... وباباك اتجوز وحده تاني غير امك والمفروض تقلها انتا يا طنط ... وامك الي متجوزه عموا ... مش طايقه طنط مرات بابا الجديدة والحياة بتبقى كده زبادي خلاط ورمان بالشربات ... والنتيجة هيا الي احنا شايفينوا كده مجتمع معقد او جزء منوا مفكك ... وتربية يوووك واخلاق سيزززز ... امان ياربي أماااااان .... وتحياتي

**banboty** · 08-10-2014 04:01 PM

المشاركة الأصلية كتبت بواسطة s.h.a.h.e.r

التعدد حلله رب العالمين ولا يجوز تحريمة او التهكم عليه او عدم ترغيب الناس فيه عن عمد

التعدد مشروط و أول شروطه العدل مش الطفاسة والاستسهال والسرية زي ما معظم الناس بتعمله !!

**ahmed4000** · 08-10-2014 04:19 PM

المشاركة الأصلية كتبت بواسطة banboty

التعدد مشروط و أول شروطه العدل مش الطفاسة والاستسهال والسرية زي ما معظم الناس بتعمله !!

مش موضوع طفاسة
بس اكيد قابلت حالات كتير لمتزوجين والزوجة بمجرد مخلفت افتكرت ان مهمتها فى الحياة انتهت واقتصرت على اولادها
وان الزوج انتهى الغرض منه وكل المطلوب منه احضار فلوس وبس

دى حالات كتير مش حننكر..واعتقد ان فى الحالة دى من حقه يتجوز وخاصة انه بيكون فى عز شبابه وله متطلبات

وهنا مبقتش طفاسة ولا استسهال

وارجوك بلاش كلام من نوعية يتكلم مع مراته ويفهمها لان دى ثقافة فى المراة المصرية عامة

طيب فى الحالة دى لو الزوج حب يتجوز تانى البيت حيتخرب والاولاد حتتشرد ولازم السرية

طيب ايه الحل فى الحالات اللى زى كده وهى كتير

**أسامه الحسيني** · 08-10-2014 04:58 PM

كيد النساء
يا رب لو حبيت حد غيرى تموت انت وهي - عن زوجتى اتحدث وتقولى رد فعلها ايه

**geoammo** · 08-10-2014 05:04 PM

الازمة
وببساطة
مش البنت المتوسطة الجمال
ولكن تدني مستوي الاخلاق و اهمال الاهل و الاختلاط الزايد مع الشباب و الصداقة بين البنات و الشباب وتقبل الاهل ده عادي
وانا شخصيا مش مع الجواز مرتين