الموضوع: ميتسوبيشي لانسر إيفوليوشن

يتبع

ميتسوبيشي لانسر إيفوليوشن (بالإنجليزية: Mitsubishi Lancer Evolution) تسمى ايضاً إيفو (بالإنجليزية: Evo) هي سيارة رياضية من إانتاج شركة ميتسوبيشي موتورز اليابانية, الإيفو مبنية على سيارة الشركة الميتسوبيشي لانسر.

بدأ إانتاج الإيفو في اكتوبر عام 1992 وتم إنتاج عشرة أجيال إلى الان ويتم تسمية كل جيل برقم روماني والأجيال الحالية هي:

X, IX, VIII, VII, VI, V, IV, III, II, I
والإيفو ذات دفع رباعي الحركة. دي الانتاج الرياضي من الميتشوبيشي لانسر اللي في مصر، من احسن السيارات في العالم في الثبات، المنافس الاول لها سوبارو امبريزا، مواتيرها بتكون ٢٠٠٠ سي سي مش زي اللي هنا ١٦٠٠، خش على جوجل هتلاقي صورها مليانه، الوكيل هنا نزل اعتقد ٣ سيارات منها من كام سنه، بس انت عارف طبعا سعرها كان نااااار، يتبع عشان داخل من موبايل.

ايه الجمال ده يا برنس منور والله منتظر بقيه ردك وهي اللي هنا 1600 بس ولا في منها 2000

بص هي ليها كذا شكل زي اللانسر العاديه، لحد الايفو ٩ كان شكلها زي الانسر البومه بس الفوانيس اللي قدام مسحوبه مش كبيره زي العاديه الايفو ١٠ هي الشارك، بره اساسا مبيقولوش لانسر كتير على الشارك يقولك ايفو تن، في مصر موجوده بس قليله اوي وغاليه عشان الموتور بتاعها جبار، شوفت واحده في عباس العقاد والتانيه في الميرغني، كنت بدور عليها عشان اشتريها بس ملقتش حد عايز يبيع، يتبع.

هي كانت بتزل لسباقات الرالي والدريفتنج، مع السوبارو والرينو، من احد السيارات القلائل ذات الاربع ابواب الاي تنفع للاستخدام اليومي والرياضي، استنا لما اقعد على اللاب هجبلك فيها حاجات حلوه