السلام عليكم
لو سمحتم يا جماعة
هو سوق سيارات مدينة نصر فاتح طول الاسبوع و لا الجمعة بس
أنا أعرف انه فاتح يوم الحمعة بس
وواحد صاحبى مصر انه فاتح طول الاسبوع
حد يحل المشكلة دى بأه لو سمحتو
السلام عليكم
لو سمحتم يا جماعة
هو سوق سيارات مدينة نصر فاتح طول الاسبوع و لا الجمعة بس
أنا أعرف انه فاتح يوم الحمعة بس
وواحد صاحبى مصر انه فاتح طول الاسبوع
حد يحل المشكلة دى بأه لو سمحتو
فاتح يومي الجمعة والاحد.
شكرا يافندم... :D
فعلاً الجمعة والأحد فقط
ويوم الأحد بيكون أهدى شوية من الجمعة
وخلى بالك من التجار والسماسرة كتير جداً جداً فى السوق ، وممكن يبوظولك أى بيعة أو ينصحوك أن دى عربية تعبانة وماتستهلش المبلغ ده علشان يخدوها همة!
فاتح يومي الاحد والجمعة
أحترس ثم أحترس ثم أحترس من اللصوص و النشالين خاصة داخل مكتب الشهر العقاري و لقد تم نشل أكثر من حالة داخل المكتب
جمعة وحد بس الجمعة بيكون ازحم شوية
وربنا يكفيك شر السماسرة خللى بالك
خد بالك لانى جبت منهم قبل كدة عربية 128 الحمدلله طلعت مقلوبة :D وملحمة :oops: وحالتها اية :wink: ماولكش وبعتها بعد 3 شهور وخسرت 8000 فيها :(
أنا لى تجربة فى السوق ده لما كنت ببيع عربيتى السويفت. كان معايا زوج أختى اللى شاف تاجر بيقول لمشترى للعربية: اوعى توافق على السعر ده لأنه كتير أوى عليها. ولما جالى كان موافق على نفس سعر المشترى بس كان بيحاول ينزل منه برضه.
نصيحة لو كنت بتبيع. اقفل عربيتك واتمشى فى السوق اعرف اللى زيها فى حدود كام وقيمها.
يوم الجمعه والأحد و متصدقش أى كلمه حد يقولهالك على أى عربيه سواء شكر فيها أو قال عليها وحشه و متستاهلش لأنه ممكن يقولك وحشه عشان يشتريها هوه بالتمن اللى هوه عايزه من صاحبها و ممكن يقولك حلوه عشان هياخد حاجه من وراها أفضل حاجه إنك تروح بالناس بتوعك سواء الميكانيكى أو الناس اللى انتا بتثق فى كلامهم و يكونوا خبره فى الموضوع ده و ربنا يوفقك