مطلوب شخص عبقرى بفكرة عبقرية لتوصيل مياة الى سبيل !!

بدون مقدمات اكراما لذكرى وقاة والدتى فكرت اعمل سبيل مياة(كولدير ) عند قبرها فى البلد خصوصا ان القبر فى مكان مميز جدا جدا بجانب اول بوابة

وقابلتنى المشكلة الاتية لتوصيل المياة للسبيل فى مصدرين

المصدر الاول للمياة

على بعد 300 متر من البوابة وبالتالى من المقبرة وطبعا صعب جدا اعمل مواسير بطول 300 متر لحد ما توصل المياة للسبيل ومكلفة جدا غير ان الضغط المياة مستحيل يمشى مسافة دى كلها

المصدر التانى للمياة

على بعد 30 متر فقط بعرض الشارع اللى بتمشى فى السيارات وبالتالى اى ماسورة مياة هتتعمل بعرض شارع هتكسر بسبب مرور السيارات

فهل من شخص عبقرى يحل لى المشلكة والدال على الخير كفاعلة تماما

شارع اسفلت ؟
مشى المواسير تحت اقرب مطب يعنى حفر بعرض الشارع تحت المطب على عمق معقول و بعد كده اعمل المطب تانى و بكده تبقى الماسوره على عمق مناسب يحافظ عليها من اى كسر

اقتباس:

---

المشاركة الأصلية كتبت بواسطة shiko85

شارع اسفلت ؟
مشى المواسير تحت اقرب مطب يعنى حفر بعرض الشارع تحت المطب على عمق معقول و بعد كده اعمل المطب تانى و بكده تبقى الماسوره على عمق مناسب يحافظ عليها من اى كسر

---

انت عايزنى اكسر واحفر فى الاسفلت !!!!!!

اعتقد ان ساعتها هروح ورا الشمس

حط الكولدير فى الناحية التانية من الشارع يعنى بدل ما تعدى بالمياه وبالمواسير عديه هو هناك واكتب عليه انه سبيل على روح السيدة كذا

اقتباس:

---

المشاركة الأصلية كتبت بواسطة maka

حط الكولدير فى الناحية التانية من الشارع يعنى بدل ما تعدى بالمياه وبالمواسير عديه هو هناك واكتب عليه انه سبيل على روح السيدة كذا

---

ساعتها هيكون فى مشكلة فى الكهربا لان الكهربا هجبها من البوكس اللى جوة المقابر وممنوع تطلع برة سور المقابر وهما ادونى تصريح بالعافية اصلا عشان اجيب كهربا منهم

طالما الموضوع كله صدقة جارية لماذا التقيد بمكان محدد
حضرتك نيتك صدقة جارية لوالدتك الله يرحمها إذن يمكنك وضع المبرد في اي مكان و قد يكون هناك أماكن تحتاج لتركيب المبرد اكثر من المكان اللي حضرتك بتفكر فيه حاليا
تحياتي

دق طلمبه حبشيه على عمق كويس وركب عليها موتور وفلتر .. هتضمن مياه دائمه مجانيه ..

عاوزين شوية معلومات : يعنى الطريق ال30 متر تدفق العربيات عليه قد ايه ؟؟ , هل فيه مبانى على الجاهتين من الطريق ؟؟ , الميزانية للموضوع ده كام ؟؟ هل تاكدت من مصادر المياه جيدا

اقتباس:

---

المشاركة الأصلية كتبت بواسطة طارق _عبد السلام

دق طلمبه حبشيه على عمق كويس وركب عليها موتور وفلتر .. هتضمن مياه دائمه مجانيه ..

---

هتحتاج تسليك بعد فترة وممكن طعم المياه يكون مغير

فيه كولديرات الي هي بتكون فوقها سله بلستك فيها ماية انت الي بتملاها وتوصي اي حد يملا الماية كل متخلص

اقتباس:

---

المشاركة الأصلية كتبت بواسطة maka

ا



هتحتاج تسليك بعد فترة وممكن طعم المياه يكون مغير

---

عندى شغاله من 7 سنين ماشاء الله لا تسليك ولا اى شىء الحمد لله

موضوع تغير طعم المياه مع الفلتر بيخلى طعم المياه ثابت نفس اللطعم اللى كنت بشربه من البلديه هو نفس الطعم....... وطبيعى جدا ان لو فيه سبيل لازم حد ياخد باله منه ويراعيه ولازم يكون له مصدر كهرباء ومصدر مياه

هات تنك مياه متر في متر حته جنب الكولدير وطبيعي اهل المنطقة حايملو عشان حا يستفيدو منه

لو انا زى ما يتقولوا هروح اجيب مياة واعبيها فى التانك او اخلى الناس هيا اللى تعبى المياة فى التانك

اعتقد انة حل غير عملى بطبع

و اعتقد انة اسهل يروخ يشرب مياة مكان المياة الى بيعبى منها افضل من تعبئة المياة وشيل المياة للتانك !!!!!!!!!!!!!!!!!
!!!!!!!!!!!!!

اتبرع بالكولدير لجامع

خرطوم مياه وارفعه من فوق الطريق

او تانك كبير حطة جنب الكولدير ...وكل يوم جمعه املاه بخرطوم المية او وصي حد يملاهولك ...

والله وجهة نظري طالما انت عاوز تعمل حاجة لاهل الله مش لازم بجانب مدفن الحاجة
ممكن تحط الكولدير في مكان أخر يكون في احتياج اكتر ليه والثواب واحد باذن الله

اقتباس:

---

المشاركة الأصلية كتبت بواسطة الفجر

لو انا زى ما يتقولوا هروح اجيب مياة واعبيها فى التانك او اخلى الناس هيا اللى تعبى المياة فى التانك

اعتقد انة حل غير عملى بطبع

و اعتقد انة اسهل يروخ يشرب مياة مكان المياة الى بيعبى منها افضل من تعبئة المياة وشيل المياة للتانك !!!!!!!!!!!!!!!!!
!!!!!!!!!!!!!

---

يا سيدي الفاضل٠ الناس مش حتشرب من التنك التنك عشان يتوسل باالكلدير وبتالي حيكو في ميه سقعة خصوصا في الحر الشديد الي احنا في دلوقتي

عداية
دى بتكون حفر اسفل الطريق
بيكون ليها مقاول مخصوص
عادة تستعمل فى اسفل الطرق او السكك الحديد لامرار كابلات تليفونية او كهربية
فنياً هتنفع عندك او لا المقاول هيحددها
وممكن تحتاج تصريح من الوحدة المحلية عندك