خبطت كلب..

**Anaslbda** · 06-10-2014 01:20 AM

كلب سرحان في شارع رمسيس الساعة 7 الصبح أوّل ايام العيد خبطته على سرعة 60, نزل تحت العربية وفضل يدربك في الدنيا تحت مع رجرجة عنيفة وبعدين طلع من ورا وكمّل جري الناحية التانية.

عرفت بعدين ان خبطات الكلاب عواقبها وخيمة وبتدمّر العفشة.. ازاي أقدر احصر التلفيات وأتأكّد من وجودها من عدمه لحد ما الاقي عفشجي بعد العيد؟ مع العلم ان مفيش رسايل أخطاء ظهرت على الكومبيوتر.
الاضرار الواضحة قدّامي هي تنية بسيطة في الصاج اللي ورا الإكصدام فقط لا غير. والعربية ماشية زي الفل مفيش اي اختلاف

Peugeot 307

**J A G U A R** · 06-10-2014 01:24 AM

الكلب عضمه ناشف حجر اعوذ بالله

طالما مفيش حاجه ظهرت على الكمبيوتر ومفيش اصوات فى العفشه متقلقش ان شاء الله

**Anaslbda** · 06-10-2014 06:01 AM

المشاركة الأصلية كتبت بواسطة j a g u a r

الكلب عضمه ناشف حجر اعوذ بالله

طالما مفيش حاجه ظهرت على الكمبيوتر ومفيش اصوات فى العفشه متقلقش ان شاء الله

خير بإذن الله, في ناس تقوللك خش في الحيط ولا تخش في كلب.

المشاركة الأصلية كتبت بواسطة mr.moustafa

الكلب ماشي سرحان ؟!! المفروض انك انت مصحصح ، افرض لا قدر الله ان اللي سرحان ده كان بني آدم
الحمد لله على كل شيء و ياريت يكون تركيزك كله للطريق

أقصد ب سرحان إنّه نط فجأة في الشارع, لو حاولت أفاديه كان ممكن أخبط في بني آدم :)

شاكك بعد الخبطة ان صوت الدريكسيون اتكتم حبّتين, واحد ركب معايا قاللي الصوت زي ما هو انت بتوسوس..

**ENG.MaRk** · 06-10-2014 10:35 AM

ماتقلقش يا باشا ... خير إن شاء الله بس حاول بعد كدة ماتخبطش حيوانات لسببين : الأول إن ده روح مهما إن كان و التاني إن الكلب عضمه ناشف جدا و أنا لي صديق كان معاه فيات سيينا و خبط كلب علي 80 ف العربية اتقلبت و بقت توتال لوس !!!