المساعدة فى شراء سكوتر بالشكل دا
السلام عليكم ورحمة الله وبركاته
تحية لكل اعضاء المنتدى الكرام
ياجماعة بعد اذنكم اللى ليه خبرة فى موضوع الاسكوتر دا يساعدنى ربنا يكرمه
انا زهقت من ركوب المواصلات وانا رايح شغلى فاشتريت موتوسيكل صينى كويسكى
المهم انه كان مستعمل فطلع عين اللى خلفونى فى الاعطال وصوته المزعج دا غير
شكله اللى مش لطيف المهم انى قررت اشترى سكوتر على دخول 2015 علشان
الموديلات الجديدة تكون نزلت وكدا وقلت فى الفترة دى اكون بحثت فى النت وشوفت
ايه الفرق بين الموديلات وكدا وبعد بحث وتمحيص عجبنى جدا ثلاثة اشكال الشكل الاول
هو ايجوس صنى ودا شكله
http://www.egosmotor.com/images/model8.jpghttps://fbcdn-sphotos-g-a.akamaihd.n...4ad33c8d62ece8
والشكل التانى هو ايجوس جوج ودا شكله
http://www.egosmotor.com/images/model7.jpg
والشكل الثالث هو نوع اسمه فارلى ودى اشكاله
https://scontent-b-ams.xx.fbcdn.net/...2c&oe=54AE39F1
بس بصراحة معرفتش اوصل للفروق اللى بينهم او المزايا والعيوب والاختلافات الفنية
فياريت حد محترم كدا وابن حلال يكون عارف ويدلنى على الصح وعلى خلاصة
الموضوع كله فى الاسكوترات وافضل اماكن ومعارض لبيعهم فى القاهرة او القليوبية
لانى ساكن فى القليوبية والف شكر مقدما لجميع الاعضاء اه حاجة اخيرة هل موتور الايجوس يابانى فعلاً ؟؟؟