استفسار بخصوص تصريح السفر ( شئ غريب جدا )

السلام عليكم
انا الحمد لله قضيت خدمه و خلصتها على خير و سافرت بره من فتره
لما جيت اعمل تصريح السفر روحت مكتب التجنيد اللى فى قسم الشرطه اللى انا تابع له
عملت ورقه تثبت ان انا مفيش ليا استدعاء
و روحت ختمتها من مكتب التجنيد فى مديريه الامن و بعد كده على منطقه التجنيد فى الحلميه عملت التصريح لحد كده عنب و لوز و مفيش مشاكل و دى الخطوات الطبيعيه لاستخراج تصريح سفر لواحد قضى الخدمه
انا دلوقتى فى مصر و مسافر بكره روحت اعمل نفس الخطوات لقيت مكتب التجنيد اللى فى مركز الشرطه اجاااااااااااازة !!!!!!!!!!!! اجازة ازاى يا عم
هو فى جيش بيقفل يقولى الدوله كلها اجازه ( ده امين الشرطه اللى على بوابه القسم ) دخلت لحد المكتب لقيته مقفول و ضلمه و يقولى هيشتغل يوم الاربع
طيب اللى عاوز يسافر بكره ده يعمل ايه انا مرديتش اروح اول يوم العيد او تانى يوم قولت حتى لو شغالين بلاش ارخم عليهم و خليهم يشتغلوا خليهم مريحين انا م فاهم

اعتقد في مكتب في المطار للحالات دي
او تطلع تجرب في الهايكستب او الفرع اللي في حلميه الزتون ده مش فاكره

فيه مكتب في المطار

من منطقة التجنيد على طول او في مكتب في المطار

منطقه التجنيد التابعه لك هتخلصها على طول

مكتب التجنيد حلمية الزتون بلييييييييييييييل على 12 كده بيبقى في شباك برا مفتوح تقدر تعمل من خلاله

وعيد او غيره شغالين

يا باشا متقلقش .
أولا ممكن أصلا ضابط الجوازات ميسألش على التصريح .
ولو سأل ومكنش معاك بتروح المكتب بتاعهم فى المطار (فى نفس الصاله) وتدفع فى فرع البنك الى فى المطار .... اسوء اسوء الظروف انه يمضيك على اقرار انك تعمله المرة الجاية ... لكن متقلقش مش هييلغى سفرك .
هم أصلا مش عاوزين حد يقعد فى البلد ...