لوجان ولا جين 2 اوتوماتيك ارجو المساعده
السلام عليكم و كل عام وانتم بخير
انا يا جماعه محتاج مساعدتكم انا معايا ميزانيه 65000 جنيه و كنت عاوز اجيب عربيه اوتماتيك و صراحه دورت كتير و محتار بين الجين 2 و اللوجان اوتماتيك و مش لاقي حاجه افضل منهم في الفئه السعريه ده و بصراحه انا ميال للجين 2 و برده عاوز عربيه تكون مريحه في قطع الغيار و تكون معمره معايا و مش فارق معايا اوي سعر إعادة البيع فانتم ايه رأيكم ايه افضل عربيه اجيبها في الميزانيه ده و عندي استفسار برده هي لو العربيه ماشيه حوالي 120000 كيلو فهل كده العربيه يعتبر مستهلكه عشان معظم العربيات الي في الميزانية ده معدي 100000 كيلو و هل ده معناه الي العربيه هتفتح بقها للمصاريف و الصيانة ولا مش شرط يعني ايه هو العمر الافتراضي للعربيه عشان انا فعلا عاوز اجيب عربيه تريحني و تكون اعتماديه عشان محسش اني رميت فلوسي في الأرض و فحين ان العربية مهمه جدا بالنسبالي في شغلي و فمشاويري فبرجاء المساعده و كنت عاوز اعرف مركز صيانه عشان ابقي اكشف علي العربية لما اجي اشتريها خصوصا انها بروتون و عرفت من الناس ان مش أي حد بيفهم فيها و قطع غيارها مش متوفره بشكل كويس فكنت عاوز مكان ارحله يكشف علي العربيه قبل مااشتريها و برده عاوز اعرف رأيكم في الجين 2 عموما و في اللوجان
و جزاكم الله كل خير
