انا كنت راجع من القاهرة الى الاسماعيليه والعربيه كان اقصى سرعة ليها 170 وكنت مشغل التكييف
العربيه ما زادتش عن 170 مع انى كنت دايس على اخر دواسه البنزين!!!
حد عندة تفسير لكدة
يمكن عشان التكييف او فى سبب اخر؟؟؟
عرض للطباعة
انا كنت راجع من القاهرة الى الاسماعيليه والعربيه كان اقصى سرعة ليها 170 وكنت مشغل التكييف
العربيه ما زادتش عن 170 مع انى كنت دايس على اخر دواسه البنزين!!!
حد عندة تفسير لكدة
يمكن عشان التكييف او فى سبب اخر؟؟؟
اعتقد الهوا كان في وشك وكمان راعي أن العربية عالية و بتصد في الهوا جامد. ال فورد ال اكسبيديشن علي طريق الغردقوة كان أخرها 200 كم/س بردو بسبب انها عالية و بتصد في الهوا و راعي أنها 5700 سي سي.
مش ضعف موتور أو حاجة ماتقلقش ... تعتمد علي ظروف الطريق و الحالة المناخية له بمعني إنك لو ماشي عكس إتجاه الهواء أقصي سرعة هتختلف عن لما تبقي ماشي مع إتجاه الهواء (Aerodynamics) ...لو انت مشغل التكييف مستحيل تقفل عداد حتي و لو علي أول سرعة و ماتنساش إنها 1600 !!!
-عامل تاني مهم و مؤثر في السرعة القصوي و هو ارتفاع العربية و ده بيزود مقاومتها للهواء و بيقلل ثباتها !!!
العربية أصلا اخر سرعتها تقريبا 191 كم/س و ده متجرب برة علي طرق مخصصة و غالبا بتكون تراك في مطار مثلا و ماتنساش الفرق في الطرق بين هنا و برة
اعذرني بس سؤال المفروض كنت أسأله الأول قبل ما أحكي و أقولك الأسباب ... حضرتك عايز أكتر من 170 ليه ؟!
"في التأني السلامة" يا باشا و خليك فاكرها كويس لأن أنا شاب و كنت بجيب سرعات عالية بس حاجتين خلوني أبطل الموضوع ده ...الرادار و حادثة عملتها (مش أنا اللي كنت سايق) ... أنا ماكنتش بمشي أقل من 180 كم/س و بالبيكانتو 160 و اكتشفت إنها مش فتاكة بصراحة و لا الناس هتصقفلي و لا هاخد نيشان علي اللي بعمله و افتكر كمان يا باشا إنك بعد الشر لو حصل طارئ الاير باجز و أنظمة الأمان في العربية مش هتلحقك و ربما قد تندم "حيث لا يفيد ندم"
كلامك جميل وكله خبره وافاده انا مره جبت بلعربيه180 وكان معايا زوجتي والاولاد وصلت بلسلامه البيت وبعد كدا فكرت في السرعه اللي كنت عليها ولو حصل اي حاجه علي الطريق كنت هتصرف ازاي الحمد لله اخري في السرعه 120 غير كدا بمزودش طرق مصر مينفعش فيها السرعات العاليه وشكرا للنصيحه
شكرا جدا لكلام حضرتك المحترم
انا بس كنت عاوز اكتشف قوة محرك العربيه وفعلا الهواء كان عكسى وكنت مشغل التكييف ايضا
انا لم استغرق اكثر من دقيقتين على سرعة ال 170 لكن خوفى من الطريق وعدم ملائمة الطرق فى مصر خلانى انزل بالسرعة
طبعا انا حاولت اكثر من مرة وفى المرة الاخيرة لقيت الكارتة فى وشى وكلت مطب محترم لزقت فيه انا ومراتى وعيالى فى السقف
بعدها وحياتك كملت الطريق على 100 ك وانا ركبى بتخبط فى بعض
الخلاصة انا مش ناوى اعملها تانى وانصح اى صديق الا يتعدى ال 120 ك لان الطرق فى مصر زبالة زبالة وغير مهيئة
مبدئيا كدة ما تزودش أوي في سرعة و حضرتك معاك المدام و الأولاد لأن ده أكبر غلط ... أنا مش بزود في سرعة غير لما أبقي لوحدي و زهقان أو معايا شباب أصحابي في الجامعة ف بيسخنوني و مع ذلك مش بزود عن 140 نهائيا غير بالألماني !!!
-ربنا يسترها معاك و يحفظلك طريقك انت و المدام و الأولاد :)
نسيت أحكيلك موقف حصل مع حد قريبي شخصيا !!!
كان رايح مارينا و كان ماشي 180 و العربية كانت سوبارو xv و شتان الفرق بصراحة بين السوبارو و الهيونداي ... السوبارو أتقل و صاجها محمل ده غير إنها دفع رباعي و ده بيزود الثبات ... المهم حصل اللي حصل بقي و كانت الكارثة و العربية لعبت منه علي 180 و دخل في الرملة اللي علي جانب الطريق و العربية اتقلبت بيهم و كان معاه زوجته و بنته (3 سنين) ... المهم الراجل اتصاب جامد و ركب شرايح في دراعه بس الحمد لله هو الوحيد اللي اتصاب و العربية طبعا توتال لوس !!!
فى عربيات بتنزل مقفوله على كده