مساله تعود يابشا انك منعود على السرعه العاليه ممكن واحد يمشى على ١٠٠ ويحس انه طاير من كتر السفر اتعود على السرعات العاليه انا اتعودت على كده اقل سواقه ليا ١٦٠
عرض للطباعة
مساله تعود يابشا انك منعود على السرعه العاليه ممكن واحد يمشى على ١٠٠ ويحس انه طاير من كتر السفر اتعود على السرعات العاليه انا اتعودت على كده اقل سواقه ليا ١٦٠
انا واخد مبدا فى حياتى انا جايب العربيه علشان استهلكها مش علشان اطبطب عليها انا من النوع برده الى بحافظ جدا على العربيه حتى لو قطع الغيار غاليه لازم مخليش العربيه ناقصها حاجه زى ما هديها هتدينى بس انا جايب العربيه علشان استخدمها
فالسرعات العاليه ده عادى بالنسبالى
واشكر Hunting_Eagle
وده من ضمن ردى على سوالك
لصاحب الموضوع هي عربيتك طاسات ولا جنوط؟
جنط ١٦
ليه ياباشا ابيعها ليه مش معنى انى قرفان من العربيه ابيعها ده راى فى العربيه مش اكتر بس هى مش هطول معايا اكتر من سنتين او سنه
اقضى بيها غرض دلوقتى مدام بتتباع بسرعه على كلام الناس
ربنا يعوض عليك خير ان شاء الله بس في تقطه عاوز اعرفها من حضرتك العربيه خليجي ولا واكيل ولو خاليجي ايه بلدها عراقي سعودي كويتي ؟ (عمتآ انا شايف ان حضرتك متحامل علي العربيه شويه العربيه دي مع اقرب اصدقاء ليهواحد اشتكا منها وتاني مشتكاش الي اشتكا منها بسبب ( ان العربيه خليجي عراقي ودا اردأ خط انتاج لشركه كيا الي بيروح العراق ) الي مع صديقي التاني سعودي ماشاء الله مفيهاش الهوا اما بالنسبه للعراقي فهو فعلآ تقفيل وحش جدآ خامات سيئه جدآ غيوب صناعه كتير التبلو والفوانيس الونهم غيرت مع الشمس حته لون الدهان (انا زكرت العيوب دي عشان كان معايه كيا ريو 2013 عراقي وظهر فيها نفس العيوب الي ظهرت في السيراتو بتاعت صديقي الي هي خليجي( عراقي ) اما صديقي التاني الي معا خاليجي سعودي ماشاء الله مظهرش فيها اي حاجه ولو سيارتك واكيل اعتبرها عراقي العيب مش في العربيه يباشه العربيه دي في اوربا منافسه بشكل قوي جدآ الجيل الجديد من كيا منافس جدآ في الوقت الحالي العيب في الواكيل والمعرض الي مبيتقوش الله
ربنا يعوض عليك
من حقق تروح حقوق المستهلك وتذكر العيوب والمشاكل يمكن يقدرو يسعدوك
مع العلم اني كان معايه ريو 2013 وظهر عيوب كتير جدآ وعملت حادثه واتقلبت بالعربيه بسبب نظام التعليق وعوامل الامان
ولسه مختش حقي حتي وقتنا هذا وقضايه ومحاكم وط\بعآ قضئنا الشامخ الغني عن التعريف 5 تأجيلات في 8 شهور (حسبنا الله ونعمه الوكيل )
الف سلامه عليك وفداك الف عربيه المهم الصحه والستر العربيه خليجى عمانى وكشفت عليها فى السايت انا مش عارف الناس ليه زعلانه اوى ده راى فى العربيه انا ركبت اوبل وباسات وبى ام ٧ وكيا ويالنسبالى الكيا اسواهم ده راى
ممكن حد يكون راكب عربيه وحشه جدا بدون زكر انواع ويركب عربيه الكيا تعجبه او لا ده راى كل واحد فى واحد شايفها ملاك وواحد شايفها هلاك
في رائي تقيم اي عربيه من صاحبها يرجع لامكانياته الماديه
واحد امكانياته يركب عربيات اوروبي بسعرها المرتفع واعاده بيعها المنهاره ومصاريف تشغيلها المرتفعه
مش مهم لكن متعته انه بيركب عربيه بجوده مرتفعه
شايف ان ما دوناها من العربيات لا يرقي ان يركبها
واحد تاني بيركب الفئات المتوسطه ياباني كوري اوروبي شعبي
شايف انها الافضل
وانها افضل من الصيني الذي لايرقي للمقارنه معها
ناس غلابه زي حالتنا راكبين الصيني وشايفين انه من افضل العربيات وانه مايقلش عن اي عربيه في فئتها
لكن الاماكنيات لاتسمح باكثر من ذلك
ولو الفرصه وجدت لركوب عربيه اعلي
لن يتردد
لكنه يتصرف حسب المتاح
الله يسلمك يباشا كلامك ساليم 100%100 دا رأيك ونتا حر ونتا بتكلم عن تجربه ونتا شايفها كدا وبعدين حضرتك دافع فلوس فوق ال160الف مش ورق خس بس عمتآ اكيد العربيه بالنسبه لناس جميله وحلوه وبالنسبه لناس تنيا مش حلوه ووحشه ودا بيعتمد علي العربيات الي ركبتها ابل كدا انا عن نفسي كنت راكب جين 2 لمدة 5 سنين شايفها برقبت الكيا من حيث التحمل والثبات والامان وقطع الغير
بس نصيحه من اخ حاول متكرهش العربيه اكتر من كدا وحاول تصلح العيوب في الضمان للسيارات الخليجي اعتقد حضرتك تبع ضمان aaa لانك عامل موضوع عن aaa او تروح حقوق المستهلك وتطلب استبدال السياره هو طبعآ مش سهل موضوع الاستبدال دا في مصر بس حاول تحبها شويه عشان متتعبكش نفسيآ
ربنا يعوضك خير
زوقي في ايه هوا انا قلت حاجة غلط..؟
وبعدين متزعلش مني انا مش من النوع اللي مستني تقرير علشان احكم على عربية شاريها ب 190 الف غير تأمينها وترخيصها
ومفيش حاجة اسمها مش عجبك الموضوع متعلقش عليه ..انتا فاهم غلط انا مش جايلك بيتك وبشتمك. انتا اللي جاي وسط عشرة الاف واحد تقول كلمتين غير موضوعيين وبدون حيادية .
وكلمة عضو جديد دي مش شتيمة ..انا كنت بردو عضو جديد ..بس فيه ناس بتدخل تعمل عضوية جديدة علشان تزيط وتهزر وبس.
لعلمك بقا انا راكب العربية بقالي شهرين وكان معايا السيراتو2011 وكان معايا 320 موديل 2010 وركبت عربيات بعدد شعر رأسي سفر وتنطيط واقدر اقولك ان كلامك كله غلط ف غلط
انا بمشي بالعربية 215 وبدون توتر والغرز معايا ل 180 غرز شديدة مش مفتوحة وملفات الحمد لله مقصرتش.
العربية جنط 17 وأنعم من الطاسات للموديل اللي قبليها .. عفشة محترمة ناعمة جدا ...مفيهاش غلطة الحمد لله غير أن قطع غيارها غالية علشان لسه موديل جديد
انا بس لو تسمحلى انا معرفش موديل الاوبل الاسترا اللى معاك ايه بس الاسترا عربيه تعبانه و عيبها مش ضيقه و الكلام ده ... حضرتك معاك ف اكيد عارف ان عيبها القاتل فى مكان الكومبيوتر بتاعها فى الحوض جنب الموتور و بيتغير للاسف كل فتره و طبعا مش زى الكومبيوتر اللى كان راكب حتى لو كنت مغيره فى التوكيل ... ف بالنسبالى عربيه فيها عيب زى ده م اركبهاش والله لو ببلاش و الاوبل اصلا كان كويس لحد الفيكترا 1999 و بدء يحاول يرجع تانى انما الاوبل مش زى بقية الالمانى
ياجماعة احنا هنا فى الموقع علشان نساعد بعض ونتبادل وجهات النظر وبلاش العنف ده.
صاحب الموضوع بيقول ندمان مش ان العربية مش نافعة وكلها مشاكل لا الراجل ليه وجهة نظر بتختلف من واحد للتانى.
يعنى انا مثلا موسوس واى صوت تكه بحس ان العربية مش طبيعية ولكن معظم صحابى مكبرين دماغهم والصراحة يابختهم.
اللى عاوز اقوله كل واحد ليه مقياس معين لعربيته واحد شايف انها كويسه والثانى شايف انها ناقصه حاجات مقابل سعرها زى التقفيل وجودة الخامات وثالث شايف ناقصها الثبات والتجميع يعنى كل واحد حسب اللى ركبه قبل كده ووجهة نظرى انها مقبولة جدا فى فئتها وسهلة فى البيع.
من الاخر لولا اختلاف الاذواق لبارت السلع وربنا يبارك لينا كلنا فى عربياتنا ويكفينا شر الطريق.
باشا ادخل على الموضوع ده زميل عمله لاستفده منه الجميع
http://www.nilemotors.net/Nile/186717-vin.html
العفو يا استاذ معتز دا انا مش فاهمك وبس دا انا عارف اللى انت حاسس بيه علشان انت فكرتنى بواحد كان عنده سبورتاج ٢٠١٣ لمدة ٨ شهور وربنا قدر انها تتخبط وقرر يبيعها (موسوسسسسسسس) ويجيب ٢٠١٤ وفرح جدا لما عرف انها تجميع اوروبى بس للاسف لقاها غير الكورى خالص زى مثلا الدريكسيون مش جلد خياطة واستهلاك البنزين ازيد ب ٢٠٪ وكفاءة التكييف اقل والفرش عامل زى الصوف مش زى الووتربروف اللى كان فى الكورى وحتى عزل الزجاج للشمس مش زى الكورى ولازم ترزع الباب علشان يتقفل وصوت الموتور ولا اكنها جرار تخيل فى عربيه سعرهل ٢٢٤٠٠٠ جنيه وعلشان كده بعها بعد ٣ شهور بس.
على العموم لو انت تقدر تستحمل اللى انت شايفه فى العربية خليها شويه لحد لما ربنا ييسرلك تبيعها وتجيب الالمانى ان شاء الله.
علي اساس إن الاسترا فئة و السيراتو فئة تانية يعني؟؟؟
الاتنين نفس الفئة
قصة اوروبي باوروبي و كوري بكوري لو كدة مكانتش السوبارو امبريزا و الهوندا سيفيك اتقارنوا غير باللانسر و الكورولا.مواقع عالمية زي whatcar و car advice بيقارنوا عربيات نفس الفئة من كذا بلد.
طيب السؤال هنا
انت رحت دفعت 160 الف جنيه في عربيه --- بدون متكون جربتها او عرفت مميزتها وعيوبها
يعني حضرتك اشتريت قبل متجرب --علي وزن سلخت قبل مدبح
انا معايا فيرنا 2008 والحمد لله
وناوي اجيب السيراتو وقدامي فتره بتاع 6 شهور
انا بقي في الفتره دي مفيش حاجه غير اني اسال واستفسر واتابع واجرب
علشان في الاخر لما اشتري ابقي عارف بجيب ايه واي الي معايا
ومتفجاش باي حاجه
مش هو ده المفروض