التنازل عن الجنسية المصرية

**YahiaAshraf** · 07-10-2014 02:28 PM

السلام عليكم
دلوقتى انا هاخد كورسات المانى قريب علشان ناوى بعد الكلية اسافر للاقامة الدائمة فى المانيا لان والدى دكتور هناك المهم للاسف القانون الألمانى يمنع ازدواج الجنسية يعنى لو اخدت الجنسية الالمانية لازم اتنازل عن المصرية أيعنم ما اخدناش من الجنسية المصرية غير القرف و البهدلة بس انا مش عايز اتنازل عنها هل من طريقة لعدم التنازل عن الجنسية المصرية ولا ايه عايز ارائكم وشكرا

**zorg** · 07-10-2014 03:32 PM

انتا او كنت قلت انك هتتنازل عشان جنسية تعبانة كنت قلتلك لا
اما طالما جنسية المانية اتنازل عيطول
انا سمعت قبل كد معلومة بس مش متاكد منها وهى انك ممكن لو اتنازلت عن الجنسية المصرية وحصلت ظروف لك وحبيت ترجعها القانون بيديك الحق انك ترجعها تانى بس مش متاكد صراحة من المعلومة دى اعتقد لازم تشوف محامى فاهم فى الامور دى

**Bassem Youssef** · 07-10-2014 03:34 PM

هي دي محتاجه تفكير ؟؟؟؟؟؟؟؟؟

انت كنت المفروض تروح تدرس هناك مش تستني لبعد ما تتخرج

**Ahmed_Ramadan** · 07-10-2014 04:56 PM

معلش هو إيه الضرر اللى ممكن يحصلك لو إتنازلت عن الجنسية المصرية ؟

الإجابة : و لا حاجة الجنسية مش بتديك أي مميزات و لو عايش بره إبقي إسأل على علاقة السفارات المصرية بالمواطنين اللى المفروض إنك مسؤل منهم بيعاملوا المصريين إزاي

أنا شايف بعيدا عن جو الأغانى الوطنية و الحمقة اللى هتلاقى الناس فيها فى بعض الردود, إن مفيش فرق بعد ما تاخد الجنسية و هتنزل مصر عادى وقت ما تحب و هتعمل اللى عاوزه و لو حد كلمك من شرطة و لا جيش حتى عندك سفارتك تلمهم و تاخدلك حقك

**Ahmed A Rahman** · 07-10-2014 05:05 PM

انت عارف يعني ايه تتنازل عن الجنسية المصرية ؟؟؟؟

يعني مش حتعرف تترشح لرئاسة الجمهورية تاني هههههههههههههههههه

**adihamo** · 07-10-2014 06:04 PM

سؤال هو والدك الدكتور اتنازل عنها والا اخدها ومازال معه المصرية

وبعدين انت عاوز تتعلم هناك وتدرس وبعدين ناوى تعيش هناك وتتجوز وتخلف هناك وتستقر حتى تموت هناك والا حاسس انك ممكن تعيد تفكيرك لما تعرف انك طبقا للقانون فى الاتحاد الاوربى المراة والرجل ليس من حقهم تحديد ديانة الاطفال وانما لو اختلفتم بخصوص الاولاد ببساطة الحكومة هتاخدهم منك او منها او منكم انتم الاثنين وتودعهم فى دار للرعاية وموضوع الدين انساه بقى وعلى فكرة دة واقع للكثير مثلك ومنهم اصدقاء لى والان طبعا بعد ماتعدى العمر الاربعين الندم ثم الندم ثم الندم

استخير الله قبل ان تستخير اى واحد فينا