رنتك من شخصيتك (مشاهد)

**MoDyBeNz2008** · 27-10-2008 03:50 PM

نوكيا تون !!!!!!!!!!!!!!!!!!!!! على k800i

بجد انا بحس انها هادية و حلوة واحيانا بحط حاجة لمساري زي ريل لوف او بي ايزي (فاهم الكلام اللي فيها)

**elassar2010** · 27-10-2008 03:52 PM

المشاركة الأصلية كتبت بواسطة karim_monir

المشهد الرابع :
شاب او رجل يظهر علية مظاهر الالتزام وطبعا اول ما يرن الموبيال تلاقي صوت دعاء او المصيبة تكون ايه من القرءان الكريم وطبعا اول ما البيه يرد ينقطع الدعاء او الايه وتطلع بشكل مبتور مع ان كل علماء المسلمين حرموا ان تكون نغمات الموبيال ادعية واو ايات لان فيه اداب للدعاء وطبعا قرءاة القرءان اولى بالاداب دي

كثيرا من المشاهد المزعجة اللي بقت تضايق وتنرفز وطبعا مش هاتكلم عن اصوات الموبيال في المسجد او كمان بين الاذان والاقامة وتلاقية البية بيرد ويتكلم ويعمل حوار دون مراعاة شعور المتواجدون للصلاة والعبادة

حضرتك فعلا قلت اهم حاجة والى كان نفسى اقولها كل واحد يدخل الجامع وسايب موبايلة مفتوح والمهم ان كل الجوامع واضعة ورق فى كل الجوانب من فضلك اغلق الموبايل وبرضة الناس مصممة انها تسيبة مفتوح اكنها بتعاند مع الامام
وكمان لما يرن اثناء الصلاة مش يحاول يقفلة او اي حاجة يسيبة يرن اغانى واجنبى ومقاطع افلام والناس تصلى والشيخ يعلى صوتة وبرضة عامل نفسة مركز فى الصلاة ومش عايز يقفلة!!!!!!!!
وطبعا بيستهبل لانة لو بيصلى بجد والنية خالصة فهو عارف انة شايل ذنوب كل واحد فى المسجد لانة طلعهم من التركيز
اما الى عاملين نفسهم عارفين الدين والرسول وحاطط ادعية او صورة من القران كانغمة فطبعا دة مافيش تعليق لان القران مش نغمة نسمعها ونقطع الصورة علشان يرد واحتمال يكون فى التواليت ويرن بالقران هيبقى اية ساعتها بجد انا بحتقرهم لانهم فاكرين انهم داخلين الجنة واحنا جهنم مع انهم بيعملو حاجات كتير عن قصد حرااااااااااااااام واحنا مش بنعملها
والدين عمرة ماكان بنطلون شكلة مسخة ودقن طويلة وتكشيرة فى وشك
هقول اية ولااية شكرا للموضوع القيم جدا دة

**MoDyBeNz2008** · 27-10-2008 03:56 PM

و الموبايل الصيني دة حكاية لواحدة قد البرطوشة حتة بتاع ب 600 جنيه تقريبا 6 سمعات و شاشة قد الكف و توتش سكرين بتعلق و معرفش 2 و لا 3 كميرات المشكلة ان السماعات صوتها مش نقي فتحس انها مزعجة

**aif** · 27-10-2008 04:21 PM

المشكلة دي كانت بتبقي واضحة وصريحة جدا في الحرم في مكة .....
معظم الناس كانو بيعملو الرنة جرس عادي .... وطبعا وقت الصلاة بيبقى صامت .... لكن طبعا فيه ناس بتنسى ... وناس مش بيقفلوه ....
لكن فعلا انسب حاجة في المواقف دي رنة الجرس بتبقي وقورة ومش مزعجة خاصة مع خفض الصوت
...................

**Karim_Monir** · 28-10-2008 04:58 PM

شكرا لردودكم وتفاعلكم
اصل كلها مواقف سخيفة وتافهة وهايفة وفعلا بقت احد مداخل الشخصية للي قدامك هيا النغمة
في ناس بتحكم على العربية او الساعة او الملابس وغلوها
انا بحكم على مظهر الشخص من تنظيم الوان هدومة ودي مش محتاجة غني وفقير
من رنة موبيالة وبتعكس ذوقة ومودة على طول
طريقة تسريح شعره ودي بتفرق كتير
بس لو زي حالاتي محدش هايعرف يحكم
ها ها
من اسلوب مشيتة
ده غير body language
مصيبة تانية

انا بق رنة تليفوني بتعكس الموود بتاعي
بس عندي اكتر من 5 بروفايل ببدل فيهم
ما بين واحد للاجتماعات والكورسات
وواحد للبيت
وواحد للشغل
وواحد للشارع والاوت دور زي ما بيقولو

ولما بزهق خالص اقلة واشغل الخط الخاص

**SHNORY** · 28-10-2008 06:26 PM

بعد تحياتي ليك يا كيمو باشا بس انت قلبت عليا المواجع والله
انا بيجيلي ناس بتهتم اهتمام عجيب بالنغمات زي ما تكون النغمات دي ضروره من ضرورات المعيشه
وانا شغلي الاول كان كله نغمات لما كانت هوجه
وممكن الزبون يقعد ساعتين وتلاته ينزل نغمات وكان الاول الناس بتصرف عليها مصاريف لا تتخيلها
مره وصلت معانا ان واحد دخل نزل حاجات علي الموبايل ب90 جنيه ومره 150 جنيه بس دي كانت طفرات مش حنشوفها تاني
دا غير الدوشه وانعدام الزوق العام وحاجات تانيه مينفعش تتقال
وفعلا انا شايف انها حاجه مش صح ان حد يحط نغمه قرئان او دعاء لان ممكن التليفون يرن ووالواحد موجود في مكان حرام انه يتقراء فيه قرئان او يذكر اسم الله
وغير كده انك بتقطع القرئان علشان ترد يعني برضه مش بتسمعه وحاجات كتير اوي
بس عموما انا بحترم النوكيا تون والموسيقي الهاديه
والحاجه اللي بحطها علي موبايلي مش ببيعها لحد هههههههههههههههههههه(تميز بقي)

وفعلا احسن حاجه للموبايل واللي انا بعملها اغلب الوقت اني بعمله صامت وبشغل الفيبريشن علشان وجع الدماغ وانا شايف كمان ان صوت الفيربيشن صوته عالي لما بيكون التليفون محطوط علي المكتب

**Karim_Monir** · 28-10-2008 09:43 PM

المشاركة الأصلية كتبت بواسطة shnory

بعد تحياتي ليك يا كيمو باشا بس انت قلبت عليا المواجع والله
انا بيجيلي ناس بتهتم اهتمام عجيب بالنغمات زي ما تكون النغمات دي ضروره من ضرورات المعيشه
وانا شغلي الاول كان كله نغمات لما كانت هوجه
وممكن الزبون يقعد ساعتين وتلاته ينزل نغمات وكان الاول الناس بتصرف عليها مصاريف لا تتخيلها
مره وصلت معانا ان واحد دخل نزل حاجات علي الموبايل ب90 جنيه ومره 150 جنيه بس دي كانت طفرات مش حنشوفها تاني
دا غير الدوشه وانعدام الزوق العام وحاجات تانيه مينفعش تتقال
وفعلا انا شايف انها حاجه مش صح ان حد يحط نغمه قرئان او دعاء لان ممكن التليفون يرن ووالواحد موجود في مكان حرام انه يتقراء فيه قرئان او يذكر اسم الله
وغير كده انك بتقطع القرئان علشان ترد يعني برضه مش بتسمعه وحاجات كتير اوي
بس عموما انا بحترم النوكيا تون والموسيقي الهاديه
والحاجه اللي بحطها علي موبايلي مش ببيعها لحد هههههههههههههههههههه(تميز بقي)

وفعلا احسن حاجه للموبايل واللي انا بعملها اغلب الوقت اني بعمله صامت وبشغل الفيبريشن علشان وجع الدماغ وانا شايف كمان ان صوت الفيربيشن صوته عالي لما بيكون التليفون محطوط علي المكتب

وحضر شاهد من اهم الشهود في الموضوع
لانه في نطاق عملة
فعلا يا محمد ممكن اكون بدخل اجيب اكسسوار او حاجة من محل موبيلات
والاقي ناس ظراف عماليت يجربو كل النغمات

انا يمكن زي حالاتك بس من زمان قوي كمان
ايام الموبيلات ال 6610 تقريبا اللي كانت بكابل غلس وتشتغل على برنامج عقيم كدة مش فاكر اي اسماء طبعا
وكانت النغمان بصيغة ميدى بس
بس والله ارحم من ال mp3 وقرفة اللي بنشوفة
وانا كمان طول عمري بحب اقطع نغماتي لنفسي عشان بضمن اني لما بسع نغمة ببقى عارف انها من موبايلي بدون اي تشابه اخر لاني بقطعها من حتت معينة
ومانساش موقف غتت قوي
كنت لسه مترقي كدة من سنتين وداخل المكتب الجديد وداخل ورايا واحد من اللي عنيهم مدووووورة والمكتب والسجاد والحوارت وموبيالي بيرن بنغمة مميزة قوي برضه وكان في جيبي وبتكلم في تليفون تاني واللي بيرن في جيبي وده عمال يزن هات النغمة دي انا فاتح البلا توووث اهو وبطلع الموبيال من جيبي وقع في الحتة الوحيدة اللي مفيهاش سجاد نزل على الرخام 817 قطعة (كان N73 )

من يومها اللي يقولليهات التون دي افتكر الذكرى السيئة دي

-

-

-

الموضوع: رنتك من شخصيتك (مشاهد)

LinkBack

أدوات الموضوع

عرض

-

-

-

-

-

-

المواضيع المتشابهه

مشاهد على هامش يوم الاستفتاء

رنتك باسم حضرتك (شباب)

مشاهد لا تُنسى

الكلمات الدلالية لهذا الموضوع

المفضلات

المفضلات

ضوابط المشاركة