الموضوع: رنتك من شخصيتك (مشاهد)

اولا عذرا للانسة نور القمر عشان كنت عامل الموضوع من يومين وفاضلة رتوش ومنزلتوش لمشغوليات فقط
بس انا المحتوى بتاعي غيرة تماما

رنتك بشخصية حضرتك
كثيرا ما افاجئ وانا باماكن عامة او عمل او حتى المسجد بانطلاق رنين الهاتف المحمول باغني بشعة سواء بصوت عاللي جدا او بنوعية النغمة
انظر خلفي الاقي عجب العجاب
المشهد الاول :
عملاق طوله ما يقرب من مترين ولابس بدلة وكمان بشنب وشكلة مايوحيش ابدا ان ممكن يكون نغمة موبيايلة اغنية مسلسل حمادة عزو وهوب
يتربى في عزو حمادة عزو والى اخر الاغنية
ما يغيظك اكثر ان البية المحترم بيسيب الموبيال شغال ومصمم ومصر على اسماعنا تلك التحف الفنية وهو ينظر الى الموباييل بتلك النظرة المصطنعة ايه الرقم الغريب ده ويحضرني فيها مشهد احمد حلمي في فيلم زكي شان لما كان عامل بودي جارد ولما رن موبيالها خطفة ولما لقى اولة 012 قالها انتي تعرفي حد في الجيزة
نفس النظرة البلهاء عشان يسمعنا ام النغمة للاخر حتى لو ادى ذلك لانقطاع الخط على المتصل

المشهد الثاني :
سيدة يبدو عليها مشهد الاحترام والالتزام والتدين ايضا والحشمة وتلاقي احلى نغمة مشخلعة ومطرقعة وكل الالفاظ السيئة اللي ممكن تتقال على نغمة موسيقية لدرجة انها تثير اشمئزازك وتديلك انطباع ان صاحبة التليفون هاتقوم تتحزم وترقص

المشهد الثالث :
شاب صغير نقول في جامعة او لسه مخلص او كمان في شغل محترم وشركة كبيرة والهدوء بيحف المكان وتنطلق نغمة من موبيال غالبا سوني اريكسون فئة ال w او سامسونج لان صوت السكسة بتاع التربلات بشع يجبلك طنين باذنك وتسمع معاه كلمات من عينة اغاني النجرو والهيبز والميتال او صاحبنا بتاع ال 50 سنت بكلام من اقبح ما يمكن انه يتغنى
والمصيبة انه ممكن يكون شغال في شركة او ادارة هادئة تماما ومليانة عملاء وتدي انطباع عام عن طاقم العمل بالسوء

المشهد الرابع :
شاب او رجل يظهر علية مظاهر الالتزام وطبعا اول ما يرن الموبيال تلاقي صوت دعاء او المصيبة تكون ايه من القرءان الكريم وطبعا اول ما البيه يرد ينقطع الدعاء او الايه وتطلع بشكل مبتور مع ان كل علماء المسلمين حرموا ان تكون نغمات الموبيال ادعية واو ايات لان فيه اداب للدعاء وطبعا قرءاة القرءان اولى بالاداب دي

كثيرا من المشاهد المزعجة اللي بقت تضايق وتنرفز وطبعا مش هاتكلم عن اصوات الموبيال في المسجد او كمان بين الاذان والاقامة وتلاقية البية بيرد ويتكلم ويعمل حوار دون مراعاة شعور المتواجدون للصلاة والعبادة
او واحد ظريف يدخل عليك مكتبك وانت مركز وموبايلة عمال يرن والمصيبة يرد وهو جنبك يخرجك من تركيزك وشغلك وصوتة العالي بشع ولا كانة هاينقذ البورصات العالمية من الانهيار الحتمي
ده غير كمان اللي بيتكلمو في وجدهم في التواليت اه والله العظيم
حاجة بقت زفت
وكلة كوم ونغمات الموبيلات الصيني اللي ب 5 سماعت كوم تاني
ولا كانها سماعات فرح شعبي
عذرا للاطالة بس بقت صور ومشاهد سيئة جدا في حياتنا اليومية