-
زيت موتور لبيكانتو
انا معايا كيا بيكانتو 2013 وعامله 15000 كيلو ولها صيانه فى التوكيل على 20000 عايز احط لها زيت كويس امشى بيها ال 5000 كيو ومحتار احط لها ايه وعايز حد يفيدنى شل فيها زيت ل 5000 وللا لا
مع انهم فى صيانة ال 10000 قولتلهم انا مش بمشى بالعربيه كتير فبلاش زيت ال 10000 عشان ميتركنش فى العربيه فحطولى زيت helix super 20w / 50 وقالولى دا ل 5000 كيو الكلام دا صح وللا غلط لانى بعد كدا سمعت انه بيمشى 3000 كيلو بس
وعايز اعرف احط زيت ايه امشى بيه ال 5000 كيلو دول وللا احط زيت شل ال 10000 وخلاص وينزلوه بعد 5000 فى التوكيل وخلاص ياريت حد يفيدنى يا جماعه
واتمنى حد يفيدنى فى انواع الزيوت افضل زيت ايه اللى يحافظ على العربيه سواء بقى 10000 او 5000 المهم اعرف ازاى احافظ على العربيه
-
بص يا كبير ال 20w50 غلط جدا يتحط لعربيه زيرو لانه تقيل جدا ولسه خلوص الماتور كلها متستحملش ده واداء العربيه يقل والسحب ده غير ان الزيت المعدنى ليس جيد بالمره للسيارات الحديثه لذالك انصحك بزيت تخليقى بالكامل اللى حضرتك بتسميه ال10000 بيتغير كل سنه يعنى حتى لومشيت عليه فى السنه 7000
هو هيحافظ اكتر على عربيتك عربيه حضرتك متوافقه مع shell helix ultra 5w30 بس اعتقد مش هتلاقيه فى التوكيل هتلاقى 5w40 وده هيبقى افضل بكتير من اللى حضرتك حطيته لاحتوائه على اضافات تخليقيه للتنظيف المستمر والحمايه وتحسين منع الاحتكاك
-
أنسب زيت لسيارتك هو الموصى بيه في الكتالوج.. وانسى أي كلام تاني..
معلش.. حضرتك هتتعب شوية وتفتح كتالوج العربية وتعرف إيه المطلوب... وبعد كده اشتري "أي زيت" يحقق المطلوب
وبقولها تاني.. أي زيت .. ما دام بيحقق المطلوب في الكتالوج. . حتى ولو كان زيت التعاون.
ومفيش أي مانع تحط زيت أعلى في المستوى.. ولكن يجب الالتزام بدرجات اللزوجة المنصوص عليها في الكتالوج دون تغيير.
أنصحك تقرا الموضوعين دول قبل ما تشتري
http://www.nilemotors.net/Nile/434256-a.html
http://www.nilemotors.net/Nile/341680-a.html
...
Content Relevant URLs by
vBSEO 3.6.0 PL2