هي الكيا ريو مصفحة من تحت? عشان المطباط بتحك جامد فيها
عرض للطباعة
هي الكيا ريو مصفحة من تحت? عشان المطباط بتحك جامد فيها
فى مصفحة بلاستيك تحت لحد نصف الموتور بس ...
طب و الحل...انا متأزم...كان معايا افيو و عمرها ما حكت ف حاسس بالفرق
لو بتحك معاك في المطبات يبقى المصفحة اصلا مش الحل
المصفحه فعلا مش حل...و بلاش تروح لبتاع عفشه و يفتيلك فيها و يقولك حنعلي ٢.٥ سم و بدون تاثير علي العفشه و الكلام الفارغ ده...دور علي الانترنت علي حل للمشكله دي احتمال يكون في حل يتغير البروفايل بتاع الكاوتش او تغيير الجنط او تغيير السوست او المساعد اكيد حتلاقي حل ولو ملقتش حاول تتعايش علي الاورجينال بتاعها وبلاش فتايين مصر عشان مترجعش تندم..و بعدين حرام عليك تقارنها بالافيو لان الافيو دي مرجيحه
اتأكد الاول ان السوست والمساعدين كويسين
شكرا لردودكم و ذوقكم
لما كنت فى التوكيل دخل واحد بالريو فى الصيانة قال نفس مشكلتك وطبعا كلنا بنشتكى من نفس المشكلة فكان الرد ان العربية فعلا مصفحة من تحت ويقولى حك فى المطبات برحتك بس مش معنى كده انك تكسرها الصراحة انا كنت عايز انزل تحتها وشوف الكلام ده صح ولا ايه بس متقلقش
أصل الموضوع يقلق الصراحة, احيانا لما بتكون معايا والدتي و اى حد ورا يعني 3 اشخاص بيا بتحك, بيضطرو ينزلو والله...على العموم هروح بنزينة و يرفعها و اشوف بنفسي...شكرا للأهتمام
انا معايا ريو 2013 وكيل العربية مصفحة من تحت بالكامل ماعدا طبعا ماسورة العادم ومعظم الحكات حتلاقيها جاية فى التصفيح و الريو من العربيات اللى بتحك مع الاوزان وده للاسف ملهوش حل جذرى