ربنا يسامحهم انا قررت مركبش العربية تانى

**bahaaeldeen** · 07-10-2014 07:49 PM

انا قبل كدة عملت موضوع عن انى بتوتر بسرعة، واغلب اﻻعضاء قدمولى نصايح غالية جدا، والحمد لله بقيت كويس وروحت عملت رخصة وامتحنت على عربيتى ال27 وكنت تمام جدا
ﻻحظت انى كل ما اقول انزل بالعربية اﻻقى ابويا واخواتى يقولولى ﻻ استنى لما ينزل معاك وفعلا سمعت كلامهم بس بقى اليوم اللى اقول انزل فيه يتكنسل ومحدش بقى يشجعنى
حتى اخويا لما جاب عربيته مكانش بيعبرنى ولما انا جبتها بقى عمال يحسسنى انى عيل وطفل وان العربية دى حاجة كبيرة اوى عليا لدرجة انه مش عارف حاسس انه بيكرهنى فيها ويستقل انى بعرف اسوق كويس
اما الحاج بقة عمل دور كبير فى انه يكرهنى فى السواقة واولها لما روحت امتحن فى المرور ﻻقيته بيقولى انت نص نص وهو دة امتحان وانت ملكش فيها اصلا دة غير بقة عصبيته اللى ملهاش اخر وزعيق عمال على بطال
وبعد كل الصراعات دى مسوقتش العربية غير مرتين، جيت فى اول مرة كنت بلف من شارع فرعى ودخلت ع الرئيسي اﻻقى الحاج بيقولى انزل وانا هسوق مع انى معملتش حاجة غلط واتضح انه قالى كدة عشان حس ان اللى جنبي بيكبس ع العربية مع انى كنت مركز وشايف وعارف اعمل ايه...
المرة التانية قررت الحاجة انى اسوقها واروح ﻻخويا والحاج يركب جنبي عشان يعلمنى
فجاة اﻻقيه بيزعق ويقولى حااااسب اقوم انا من توترى ادوس ع الفرامل فجاة مع ان مفيش حاجة تستدعى انى اقف واصلا العربيات بعيدة جدا وانا والله عارف الموضوع دة
وبعدها وانا بسوق كل شوية حاسب، عجلة، استنى، ركز، بص
لحد ماطلعت على طريق رئيسي واﻻقي فجاة الموتور بيسقف، ف بقول ايه الصوت دة
اﻻقي بابا بيزعق بصوت عالى جدا وعمال يقولى مانت واخد غيار غلط
الكلمة دى خلتنى ارتبكت ومبقتض عارف اعمل ايه لدرجة انى بقيت الف الدريكسيون يمين وشمال والعربية ترقص لحد ما مسكت اعصابي وقمت واقف ولوﻻ ستر ربنا الحمد لله
ولما اﻻقى مثلا واحد ماسك صنية شاى وماشي قدام العربية بمنتهى البرود واديله كﻻكس واﻻخر لما اعدى عايز يتخانق ويقل ادبه يقوم الحج قايله معلش اصله جديد
طبعا بقى غير لما دخلت ف الزحمة فى شوارع معفنة داخلية جدا وخلا العربية تتزنق منى وكل دة بزعيقه
دة غير اخويا اللى عمال يقولى هو انت يابنى فاكر السواقة سهلة وخلى حد يسوق مكانك
انا بس اللى مضايقنى حاجة وهى ان الكلية قربت وبروحها من العباسية لحد الزمالك وجبت العربية دى عشان اترحم من الزحمة والبهدلة دة غير انى عايز اوفر وقت
وتانى حاجة العربية مركونة ومبقتش اسوقها وكل ماجى اقول اتمرن لوحدى احس انى كرهتها واتعقدت منها حتى العيد اهو مخرجتش وﻻ فرحت
مع ان اسرتنا بتمر بظروف نفسية ومشاكل خاصة وكبيرة ودة طبعا اثر علي كل حاجة من ضمنهم انى قررت اروح الكلية بمواصﻻت وكل ماركب العربية احس انى مخنوق ومتعقد وخايف
معلش انا طولت عليكم بس انتوا اخواتى واللى بتساعدونى دايما مع ان اهلى خذلونى وافتكرت انهم هيشجعونى على السواقة
وشكرااا

**ENG.MaRk** · 07-10-2014 08:14 PM

خلي عندك هدف إنك هتبقي متمكن من السواقة و سيبك منهم (أنا مش باعصيك علي أهلك) و لكن عايز أقولك إنك مش محتاج حد عشان تتعلم السواقة ... السواقة ممارسة و تعود ... انزل و سوق و اخبط و كسر و اتعلم و مارس لحد ماتبقي فنان ... روح أماكن مش مزدحمة و سوق هناك نص ساعة يوميا لحد ما تفهم العربية و تتعود علي الدواسات و المقاسات

**shiko85** · 07-10-2014 08:43 PM

معلش استحمل شويه و متخليش حد يأثر عليك و بعدين التوتر و العصبيه لوجود والدك معاك ده عادى و كل الناس بتشتكى من ده حتى اللى بقالهم سنين بيسوقوا
اتفق مع حد من اصدقائك بيعرف يسوق انه يركب معاك و اخرج بالعربيه و امشى و اغلط و اتعلم
و شويه بشويه هتتعلم اكتر و التوتر هيقل
مفيش حاجه اسمها مخنوق من العربيه و مش هتسوق و تروح مواصلات, يعنى هى المواصلات كويسه و مريحه ؟!!!!
اهدى كده و توكل على الله و اخرج بالعربيه و اتعلم و ركز فاللى انت عايزه بس و اوعى تيأس او تستلم لان الدنيا كل حاجه فيها صعبه و لو استسلمت مش هتعرف تعيش

**adelghanem** · 07-10-2014 08:47 PM

بص معايا على اللى مخليك متوتر وكاره السواقه
مش الحاج وكمان اخوك
المفروض انك متسوقش وهما معاك...
انت تنزل مع واحد صاحبك وميكونش
بيعرف يسوق علشان ميتفزلكش عليك
وتتمشى فى مكان هادى وبعدين زحمه
شويه لغايه ماتتمكن من السواقه..
وبعدين انزل لوحدك
ومعلش كلنا مرينا بنفس الظروف
وتحياتى

**أسامه الحسيني** · 07-10-2014 10:23 PM

انا بقالى حوالى 6 شهور بسوق وكنت رايح مشوار مع حمايا وكان راكب جنبي قعد يدينى فى نصايح - خد بالك خد الملف على الواسع وكلام من دا كتير -
يا عم كبر دماغك وغير نصيبك لن يصيبك اهم حاجه ركز واتوكل على الله ولا تيأس

**bahaaeldeen** · 08-10-2014 05:30 PM

المشاركة الأصلية كتبت بواسطة eng.mark

خلي عندك هدف إنك هتبقي متمكن من السواقة و سيبك منهم (أنا مش باعصيك علي أهلك) و لكن عايز أقولك إنك مش محتاج حد عشان تتعلم السواقة ... السواقة ممارسة و تعود ... انزل و سوق و اخبط و كسر و اتعلم و مارس لحد ماتبقي فنان ... روح أماكن مش مزدحمة و سوق هناك نص ساعة يوميا لحد ما تفهم العربية و تتعود علي الدواسات و المقاسات

اشكر حضرتك جدا والله انا نزلت النهاردة ومشيت بالعربية ونسيت الخوف واقنعت نفسي زى ماحضرتك قولتلى
والحمد لله جابت نتيجة ممتازة انا فى الاول كنت بخاف اجرى بالعربية وكنت بحدف شوية ع الناس بس الحمد لله اتعلمت انى لازم ابص ف المراية قبل اى تغيير حارة وفى نفس الوقت عينى تبقى متابعة من ورا ومن قدام وفى نفس الوقت خدت خبرة جامدة جدااااااااااااا
شكرااااااااا مرة تانية وجزاك الله كل خير والله :)

**bahaaeldeen** · 08-10-2014 05:32 PM

المشاركة الأصلية كتبت بواسطة shiko85

معلش استحمل شويه و متخليش حد يأثر عليك و بعدين التوتر و العصبيه لوجود والدك معاك ده عادى و كل الناس بتشتكى من ده حتى اللى بقالهم سنين بيسوقوا
اتفق مع حد من اصدقائك بيعرف يسوق انه يركب معاك و اخرج بالعربيه و امشى و اغلط و اتعلم
و شويه بشويه هتتعلم اكتر و التوتر هيقل
مفيش حاجه اسمها مخنوق من العربيه و مش هتسوق و تروح مواصلات, يعنى هى المواصلات كويسه و مريحه ؟!!!!
اهدى كده و توكل على الله و اخرج بالعربيه و اتعلم و ركز فاللى انت عايزه بس و اوعى تيأس او تستلم لان الدنيا كل حاجه فيها صعبه و لو استسلمت مش هتعرف تعيش

اشكر حضرتك جدا لان حضرتك متابعنى على طول أول بأول وبتقف معايا :)
الحمد لله انا نزلت النهاردة واقنعت نفسي وكان كل حاجة تمام ولاقيت نفسي بعمل ردود افعال بسرعة واتشجعت جدااااااااااااا
وكل دة بفضل ربنا ثم حضراتكم بجد ربنا يكرمكم دايما :)

**bahaaeldeen** · 08-10-2014 05:33 PM

المشاركة الأصلية كتبت بواسطة adelghanem

بص معايا على اللى مخليك متوتر وكاره السواقه
مش الحاج وكمان اخوك
المفروض انك متسوقش وهما معاك...
انت تنزل مع واحد صاحبك وميكونش
بيعرف يسوق علشان ميتفزلكش عليك
وتتمشى فى مكان هادى وبعدين زحمه
شويه لغايه ماتتمكن من السواقه..
وبعدين انزل لوحدك
ومعلش كلنا مرينا بنفس الظروف
وتحياتى

تمام اشكر حضرتك بجد انا نزلت النهاردة الصبح من العباسية للزمالك واستنيت شوية لحد ما الدنيا اتزحمت شوية ولاقيت الدنيا تمام وكنت زى الفل
اشكركم جداااااااااااااااا :)

**bahaaeldeen** · 08-10-2014 05:35 PM

المشاركة الأصلية كتبت بواسطة أسامه الحسيني

انا بقالى حوالى 6 شهور بسوق وكنت رايح مشوار مع حمايا وكان راكب جنبي قعد يدينى فى نصايح - خد بالك خد الملف على الواسع وكلام من دا كتير -
يا عم كبر دماغك وغير نصيبك لن يصيبك اهم حاجه ركز واتوكل على الله ولا تيأس

ونعم بالله كلام حضرتك صح جدااااااااااا ومشيت بيه النهاردة والحمد لله كنت كويس اوى :)
ربنا يخلى حضرتك يا استاذ اسامة :)

**amr011111** · 08-10-2014 05:39 PM

حاول تنزل كل يوم الصبح الساعه 6 تسوق والشوارع فاضيه
وخاصة الجمعه والسبت لحد ما تتمكن من السواقه جداً
وبعد كده اطلع فى اماكن زحمه بالتدريج

الموضوع: ربنا يسامحهم انا قررت مركبش العربية تانى

LinkBack

أدوات الموضوع

عرض

-

-

-

-

المواضيع المتشابهه

قررت ارش العربيه تانى بعد شهرين وده اللون الجديد واستفسار عن شويه حاجات

مطب الله يسامحهم

ربنا ستر الحمد لله ( تانى مره )

يوم فى المرور و الحضانة .... خلانى اكرر مركبش العربية تانى خالص

قررت مرحش التوكيل تانى اية رايكوا

الكلمات الدلالية لهذا الموضوع

المفضلات

المفضلات

ضوابط المشاركة