كنت في الساحل في العيد عملت تجربه ايه بقي
من غير تكييف ....من غير شد وحرق ...رجل خفيفه علي البنزين ...السرعه من 100 الي 120 مع مراعاه الثبات علي 110 قد المستطاع
و كنت ممون للزور قبل ماسافر ...وصلت جولف بورتو و عملت مشوار لفيش ماركت جنب هايسندا و العداد عمل 321كيلو ونص فولت للزور تاني الاستهلاك ...........ايوه ............22.2 لت يعني اللتر عمل 14.5 كيلو تقريبا
الزيت كاسترول وعامل 5 الالاف كيلو بيه اوبترا 2013 عامله 20 الف كيلو
مين قال ان الاستهلاك بيتحسب كدا ؟
حضرتك بتحسبه ازاي
انا شايفه معدل جيد وبحسب زيه ايه الحساب الصحيحاقتباس:
المشاركة الأصلية كتبت بواسطة ashourashour
يا جماعه اللي اقصده ان الحساب او انا بحط فدماغي هدفع كام فالشهر بنزين عشان اروح شغلي مثلا
يعني بالله عليه موضوع لمس بدال البنزين ده في الاستخدام اليومي ينفع ؟
حضرتك تقدر تمشي من غير متقفل الازاز اللي هيخليك تضطر تشغل التكييف فالشتا حتى
يعني تشوف التانك هيعمل معاك كام كم باستخدامك اليومي الطبيعي يعني متحرقش ولا تعمل امريكاني لا الطبيعي يعني
دا اللي انا اعرفه
ممكن الناس كلها تختلف معايا لكن ده الاستهلاك الفعلي اللي العربيه بتعمله
يعني اه الاستفاده او العبقريه فالتصميم ان العربيه بلمس البنزين و قفل التكييف توفر فالبنزين
مع احترامي والله مقصدش حاجه بس اللي يقول كدا الوكيل مثلا او الناس اللي بتسوق للعربيه مش واحد راكبها
واخيرا نصيحه من اخوك يعني داري على شمعتك عشان انا اتقرصت جامد جدا في موضوع مشابه قريب
دكتور عماد
غرضه الأساسي انه يحسم الخلاف حول اشاعه ان الاوبترا بتستهلك بنزين
وبيدي تجاربه وانطباعات عن العربيه في مختلف الظروف
وديه مش اول مره يدي تجاربه في استهلاك البنزين ومعدلاته
ده مش دفاع عن الدكتور
بس حقيقي انا مش فاهم قصدك من ان معدلات الاستهلاك متتحسبش كده
Sent from my SM-N900 using Forum Runner
انا فاهم قصد حضرتك عن الاستهلاك الفعلي في ظروف القياده العاديه داخل المدن ..لكن طريقه الحساب للعربيه بيكون زي ماوضحت لحضرتك..و اللي بيتكتب علي البروشور بيكون تقريبا بالظروف اللي انا قلتها ...فعليا الاوبترا داخل المدن تعمل من 10 الي 11.5 كيلو بالكتير .
اقتباس:
المشاركة الأصلية كتبت بواسطة abou-yahia
اولا مش اشاعه
الدكتور عماد على راسي وانا متجاوزتش اي حدود معاه
قصدي انا وضحته ان الاستهلاك بيتحسب خلال القياده اليوميه تحت الظروف الطبيعيه مش لمس البنزين و طرق السفر وانا قافل التكييف
وانا مش بهاجم العربيه انا بتكلم عالشكل القديم عشان اعرفه كويس واعرف عيوبه زي مفتاح النور اللي بيسيح و لمبات الكشافات اللي بتسيح وش الفانوس و السيور بتقطع على 45 الف و قربه الميه بتضرب و الكانستر بيعمل صوت والعربيه بتجيب مساعدين وعيب البوابه الشهير
في حقائق لا تنكر وانا ركبت عربيات اوبترا اكتر من اي عضو هنا باعتباري كنت شغال في منصور زمان
وعلى فكره الاوبترا انا بنصح بيها و مشيها جميل وصالونها حلو ولو عرفت المشاكل اللي ذكرتها دي وعملت حسابك وخدت احتياطاتك هتكون صفقه رابحه جدا
الكلام كله عالاوبترا القديمه
تحياتي
اقتباس:
المشاركة الأصلية كتبت بواسطة د.عماد صلاح
تمام يادكتور ودا اللي انا اقصده بالظبط ان الكلام اللي فالبرشور ده مش اللي بتعمله العربيه في استخدامنا اليومي العادي و 10كم فاللتر برضوا حضرتك سواقتك حريصه جدا جدا ورزينه
انا بتكلم عالشكل القديم معرفش عربيت حضرتك انهي
انا فعلا اعرف عيب البوابه و المساعدين لكن ماسمعش عن الباقي
استهلاك الاوبترا مش كتير فعلا انا معايا 301 نفس الاستهلاك تقريبا
و متفقين ان مفيش عربيه بالسعر ده خاليه من العيوب
استهلاك كويس جدا علي الاوبترا
استهلاك ممتاز و لكن فى ظروف خاصة استحالة نسوق فيها على طول
اقتباس:
المشاركة الأصلية كتبت بواسطة ashourashour
يعنى العربية مفيش فيها حاجة عدلة
غير تاريخ علامتها
نفس الكلام ينطبق على الكروز
عندي اوبترا 2008 اوتو و ركبتها بعد دايو لانوس شايف ان استهلاكها للبنزين لطيف مش حراق وعربية عملية ومناسبة للشارع المصري ومتوسطي الدخل
انا بقى حسبت الاستهلاك بنفس طريقتك طلع 160 كم في الصفيحة !!!!
مع العلم ان العربية مانيوال 2006 و ده كان في الغردقة يعني مفيش زحمة والطريق مفتوح الى حد ما :angry35:
كتير طبعا محتاج تشيك علي العربيه