[youtube]https://www.youtube.com/watch?v=Eg53ktjScDM[/youtube]
https://www.youtube.com/watch?v=j9NIUkRcsA8
مهزلة بجد
عرض للطباعة
[youtube]https://www.youtube.com/watch?v=Eg53ktjScDM[/youtube]
https://www.youtube.com/watch?v=j9NIUkRcsA8
مهزلة بجد
ياسيدي مشي حالك
هي جات على دي ؟؟
هو احنا عندنا رقابه ولو من المستهلك على اي حاجه !!
واحد صاحبي عنده مصنع مخلل صغيّر وفعلا من زمان أكّدلي معلومة الورنيش الأسود في الزيتون, وهو مش بيرضى يعمله عنده مع انّه بيكسّب كتير.
هى جت على المخلل بس
شوف البسطرمة واللانشون والسجق اللى بيتعمل
من اللحوم منتهية الصلاحية والغير صالحة للاستهلاك من اصله
المخلل دا سم للكليتين
كفاية كمية الاملاح اللي فيهم .. الكلي لو بتتكلم هتصرخ من اكيلة الطورشي ..
ده غير المخلل الموجود عندنا بالذات فى المحله عندنا اشهر مطاعم فول وطعميه وزحام دائم عليها من البلد ومن القرى المجاوره اى حد بينزل المحله لازم يتعامل مع المطاعم دى .... المشكله بقى المطاعم دى بتعمل مخلل بكميات كبيره جدا وبتستخدم براميل بلاستيك وكنت بتكلم مع واحد شغال فى معامل المخلل بقول له اشمعنى البراميل البلاستيك دى انتوا مصممين عليها يقول لى اصلا بتسوى المخلل بسرعه رهيبه قلت له لانها اصلا معموله لحفظ المواد الكيماويه وانتوا بتشتروها من شركه الكيماويات الموجوده هنا وطبعا الكيماويات دى سموم البراميل مشبعه بيها ..يقولى ياسيدى المصرى معدته تقرقش الزلط.. حسبى الله ونعم الوكيل ..وللعلم المحله بسبب موضوع الطرشى ومياه الشرب اكتر بلد فى مصر فيها فشل كلوى..مفيش ضمير عند حد
ايام انقطاع الكهرباء اشتريت صباع لانشون كبير من سوبر ماركت شهير مع بعض الاغراض وبعد ماروحت البيت بنفتح الانشون ريحته مش ممكن كان فاسد من انقطاع الكهرباء . رحت تانى يوم للسوبر ماركت قلت احذره علشان غيرى لقيته بيقول لى هاته وخد فلوسه قلتله لا.. انا مش جى علشان كده ..قال لى انت تتحمل الفلوس ليه انا هرجعه للشركه .. وللعلم اسم شركه شهير... قلتله ولما ترجعه للشركه فكرك هما هيرموه .. قالى معرفش هيعملوا ايه ..قلت له هيضيفوا عليه اضافات ويفرموه مع غيره هيرجع تانى .. وفيه بنى آدمين هيشتروه .. اظن حرام .. لقيت البياع بيبص كده باستنكار .. قلتله هى لو مش مواد غذائيه وانا متاكد انهم هيدوروها تانى كنت صممت ورجعتها واخدت فلوسى انا مش لاقيها فى الشارع... المشكله مفيش ضمير .. المهم عند الناس الكسب ويتحرق غيرهم
والله الحمد لله ان احنا عايشين بالمنظر ده
والحمد لله مش بطيق حاجه اسمها زيتون
ربنا يسترها على الجميع
الحمد لله فى بلدنا مافيش حاجه سليمه ولا مضمونه حتى لو اشهر واكبر الشركات وده لاننا مالناش قيمه