الموضوع: افضل كاوتش فى مقاس 13 70 175

المشاركة الأصلية كتبت بواسطة j a g u a r

شوف ال c drive لو موجود فى المقاس ده بلاش a

للاسف معتقدش انه موجود

المشاركة الأصلية كتبت بواسطة eng.m.abdo

اتصلت بتوكيل دانلوب وقالي في موديل
دانلوب sp560 صناعة جنوب افريقيا سعر الفرده عند الوكيل 310 جنيه (175/70 r13)
بس بصراحة انا مش عارف كويس ولا وحش
ممكن تسأل حد يكون جرب دانلوب

شكرا ليك يا باشا بس انا معتقدش انها موجودة فى بورسعيد
لان كل اللى موجود فى بورسعيد محلين اوتلاته كبار والباقى ملوش لازمه

المشاركة الأصلية كتبت بواسطة link3

بصراحة بعد ما قرأت كتير عن الكاوتش لقيت ان افضلها غالبا مش موجود فى مقاس 13 70 175
على سبيل المثال وليس الحصر turanza gr90 مع انه المفروض انه موجود وواخد تقيم عالى هو و toyo vario v2
175 70 13 tyres reviews - tyrereviews


وبعد البحث والتمحيص فى بورسعيد لقيت ان افضل فردتين موجودين



1- michelin energy xm2 انجليزى ب 415 جنيه ودى شكل النقشة







2- yokohama-a.drive-aa01 يابانى ب375 جنيه





على فكرة انا الكاوتش اللى عندى بريدجستون يابانى بقاله 10 سنين

بس للاسف معدش موجود:_alshmokh11:
فما رأيكم دام فضلكم
بس يا ريت اللى يقترح نوع تانى يتكلم على الانواع اللى موجودة فى المقاس ده

توكلت على الله واشتريت الميشلان ب 380 جنيه الفردة

المشاركة الأصلية كتبت بواسطة S O P H O S

مبروك
هو نزلك السعر ل 380
ولا غيرت الموديل

بص يا سيدى !!!!!
-
-
-
بصيت ؟؟؟؟؟

ركز معايا علشان الكلام اللى جاى مهم


انا رحت المحل وقولت للراجل صاحب المحل انت لازم تكرمنى شويه بصلى وقالى يا عم انت بتشترى كاوتش ميشلان ياعم

قولتله بصراحة يا حاج انا شفت الفردة دى عامله 380 جنية !!!!!!!!

طبعا انا ضربت الرقم دا كدة من دماغى هههههههه

بصلى زى كدا وقالى عند مين

هو فيه محل كاوتش فى الشارع اللى وراه قمت قايله عليه بصراحة (كدبه حمرا يعنى)

قالى ماشى هحسبهمللك نفس السعر

فولتلة لا انا هدفع 1500 فى الاربعة قالى لالالالالالالالالا وقام قايلى تانى انت يا عم انت بتشترى كاوتش ميشلان ياعم

قولته مش مشكله ماشى بس تملاهم نيتروجين

قالى كمان؟ !!!!!! قولتله اه

قال للصنايعى قوم ركبله الكاوتش

المهم الصنايعى وهو بيركب قولتله خلى بالك ليها جنب جوا وجنب من برا

قام طالع الراجل صاحب المحل قالى لا ياعم النقشة دى ملهاش

قولتله لا ليها يا حاج --- قال للصنايعى ركبهاله زى ما هو عايز

قولت للصنايعى بس فى جنب مكتوب عليه inside دا بيبقى جوا والجنب التانى

مكتوب عليه outside دا من برا

انا مش بتكبر عليك ولا حاجة بس مش عيب انك تعرف وتتعلم

بس يا سيدى وركبتهم ومشيت