للتصييف - شقة مفروشة فاخرة بالعجمى هانوفيل

**Hazem Salah** · 22-07-2007 04:32 PM

أول نمرة على البحر (كأنك فى باخرة )
كل الغرف على البحر (حتى الحمام )، عدا المطبخ
الدور الرابع
2نوم و حمام و مطبخ و ريسبشن (سفرة و أنتريه شيك)
بلكونة كبيرة
أسانسير خاص
سلم رخام
تليفزيون ، تليفون ، بوتجاز مسطح ، فرن كهرباء ، ثلاجة ، وصلة دش
__________

مطلوب 1500 جنيه للاسبوع فى أغسطس
1000 جنيه للاسبوع فى سبتمبر
__________
للاستعلام و الحجز
الاتصال بالمهندس / حازم صلاح الدين ( 0114445585 / 0101049062 )

**eng/muhamad** · 22-07-2007 06:02 PM

انا نفسى اشترى شقه زيها
ياريت لو عندك تفاصيل بخصوص الموضوع ده تقولى
اشترى من شركه ايه و السعر كام و انا عاوز تسليم فورى و هدفع كاش

**Hazem Salah** · 24-07-2007 12:23 AM

أخى العزيز
فى الحقيقة أنا اشتريتها فى 1993، فأنا من المغرمين بالعجمى
حاليا أنا غير ملم بالجديد فى هذا السوق بشكل عام لامتداد الساحل و امتلائه بالقرى حتى مرسى مطروح ، أضف الى ذلك دخول شركتى داماك و اعمار فى هذا السوق، فولعت السوق نار
عموما خذ بالك من الشركات النصابة فى هذا المجال، لأنه باختصار المتميز خلص..

نصيحة أخ ، الحقلك مكان بالساحل الشرقى ، و على وجه الخصوص العين السخنة بالذات ، للأسباب التالية :
- السعر عمال يتضاعف كل سنتين
- مكان روعة للاجازات و عطلة نهاية الاسبوع لمدة تسعة شهور فى السنة
- ركب تكييف و صيف هناك فل الفل
لو مهتم بالعبن السخنة اتصل، قد أفيدك
مع خالص تحياتى

**Abdallah** · 27-07-2007 01:32 AM

هى العجمى بقت غالية ليه كدة يا جماعة ؟؟؟

**Karim_Monir** · 27-07-2007 01:35 AM

انا بحب العجمي عشان الذكريات
وكمان عشان ميزة ان شقة العجمي لو عايز اروحها في اي وقت في السنة بروحها شهر 12 او واحد مش فارقة
لانها سكنية
مش مهم عندي بحر
وكمان اخر الصحراوي من غير مابدخل اسكندرية
بس ربنا يسهل وتبقي كويسة بعد ماتحرمنا من زيارتها السنة دي

**مهندس محمد صلاح** · 09-08-2007 04:09 PM

اللى عاوز يكره حياته واسكندريه والعالم كله واليوم اللى اتولد فيه .. يروح يسكن فى العجمى وعلى الاخص شارع الهانوفيل .. نصيحة واحد بقاله 15 سنه ساكن فيها.. الله يرحمك ياخواجه عجمى

**emam** · 09-08-2007 04:39 PM

سؤال الى الاخوة الاسكندرانية انا بفكر اروح اسكندرية يومين او ثلاثة تنصحفونى اروح فين ؟ ولو ممكن اسعار اليوم فى الشقة المفروشة وكما اسعار الفنادق اكون شاكر جداً

**مهندس محمد صلاح** · 10-08-2007 10:40 AM

ابعد عن الفنادق اسعارها خيالية .. روح ميامى او شارع ابن الوليد ممكن تلاقى فى حدود 150 جنيه فى اليوم اليومين دول لغاية اخر اغسطس وبعد كده الاسعار بتقل .. ولو عاوز نصيحة من اخوك خليك اول اسبوع فى سبتمبر يكون الزحام قل والاسعار كمان

**Hazem Salah** · 10-08-2007 11:33 AM

البواب كلمنى قالى انه كله تمام و فعلا أنا رحت فى مرور عابر لأخذ أدوات الصيد من الشقة

لقيت الحياة صعبة بشكل مزعج فى الهانوفيل بالذات

أما بالنسبة لميامى و خالد ابن الوليد ، فهى أماكن لا تصلح للمصيف (ان كان لك اختيار) :

كان عندنا شقة فى الدور 14 فى عمارة بركات (اللى تحتها كافيه) بجوار جاد ، على البحر مباشرة :

- معظم المنطقة و الشوارع الجانبية ، مصايف شركات ووزارات ، من كل انحاء مصر
- استحالة تنام الليل أو النهار ( حتى فى الدور 14 على البحر مباشرة..!) النهار بيختفى البحر من كتر الناس اللى فيه
- بالليل طبل و زمر و رقص على البلاج و الرمل ، والله العظيم بينزلوا البحر طول الليل ، نعم بيغرق ناس كتير ..
- الأسعار نار على الجميع
- العيش نادر
- كل الموبقات متاحة فى الشارع (ماتتخيل ومالاتتخيل حتى) و من العصافرة حتى خالد بن الوليد

هذا عرض لواقع ، مش مصدق ، روحلك يومين و شوف ( قد أكون مخطئ :lol: )

-

الموضوع: للتصييف - شقة مفروشة فاخرة بالعجمى هانوفيل

LinkBack

أدوات الموضوع

عرض

للتصييف - شقة مفروشة فاخرة بالعجمى هانوفيل - انشر الموضوع فى :

-

-

-

-

-

-

-

-

المواضيع المتشابهه

أرجوكم بسرعة عايز قرية للتصييف فى مطروح ليا ولاسرتى

شقه بالعجمى

الإخوة فى اسكندرية ممكن تحجزولى شقة للتصييف

عايز شقه للتصييف

شقة فاخرة

الكلمات الدلالية لهذا الموضوع

المفضلات

المفضلات

ضوابط المشاركة