ايه اختيار سيارتك بعد مراجعة التاريخ؟؟

**احمد فهمى** · 08-10-2014 11:46 AM

السلام عليكم اولآ

بعد مراجعة لسوق السيارات والاختيارات عندى ملاحظه ينعكس عليها اكيد اختيار السياره المستقبليه

لو رجعنا لسنة 2007 وكان اختارك ما بين الاتى :
كرولا
ياريس
صنى
ماذدا 3
لانسر
هيونداي
فيكترا
استرا
فوكس
بي ام
مرسيدس
شيروكي
اسبرانزا
بريليانس

فى الوقت ده العربيات الاوروبي والامريكى كانت تقريبأ بضعف اسعار نفس الفئه من اليابانى والكوري والصينى كان ارخص سياره فمصر وده كان سبب انتشارها ونيجى لليوم لو افترضنا ان كل ما سبق يتراوح الكيلومتر الحالى له من 100 ل150 الف كيلو وحالات متساويه ايه سعر اعادة البيع وسرعة البيع؟؟؟

بالطبع اليابانى رقم واحد ثم الكوري واعادة البيع فى مثلا الكورولا بتتباع بسعرها زيرو وباقى الموديلات سعرها قريب من سعرها الزيرو فى 2007

الاوروبى للأسف بالفعل اعادة البيع سئ جداً والسيارات بالفع بتتباع بنصف الثمن واقل

الصينى بنصف الثمن او اقل مع اختفاء بعض الشركات مثل كوموده

والسؤال ما هو اختيارك فى الوقت الحالى ولماذا لو قررت شراء سياره جديده؟؟؟

**amr011111** · 08-10-2014 12:48 PM

فورد فوكاس لو حالتها تمام
لانك هتاخد عربيه محترمه بسعر قليل

**graffittiii** · 08-10-2014 12:57 PM

المشاركة الأصلية كتبت بواسطة ahmed abdkarim

موضوع حلو بس بقيت بزعل جدا لما واحد يشترى عربية معينة و مبرره الوحيد ان سعر اعادة البيع بتاعها كويس . المفروض الواحد بيركب عربية علشان يتمتع بيها .

سعر إعادة البيع مهم علشان :
1- أحيانا بتكون عاوزة عربية لفترة مؤقتة لحد ماتكمل وتشتري العربية اللي إنت عاوزها .
2-في إحتمال كبير إنك تزهق من العربية بعد سنة أوأتنين مش لعيب فيها ولكن مجرد ملل .
3- لو حصل تغير في عدد أفراد أسرتك ومحتاج عربية أكبر .
4-لو ظروف شغلك أتغيرت وبالتالي متطلباتك في العربية أتغيرت .
5-حصل ظرف طارئ وأتزنقت جامد في فلوس ومضطر تبيع العربية .
6-أكيد بعد 3 سنين هتحتاج تجيب الموديل الأحدث .

**nab!l** · 08-10-2014 01:02 PM

سنه 2003 اشتريت استرا مو 2000 استعمال طبعا .. كانت تقريبا بنفس سعر البوما 2003 زيرو اوتوماتيك 1300 !!
لك ان تتخيل فارق السعر حاليا ... لله الحمد على كل حال

**monamize4** · 08-10-2014 02:50 PM

اعادة البيع ف مصر مهمه جدا لاننا بندفع ف العربية اكتر بكتييييير من تمنها الطبيعى
فى حين ان احنا اصلا شعب فقير فا اصبحت العربية سلعة معمرة و جزء من الثروة

و بالتالى المواطن الغلبان بيشترى العربية اللى يبقى مطمن معاها على دم قلبه و اللى بسرعة بتوفرله
سيولة مادية لو حصل اى ظرف و بالتالى الاختيار بالنسباله بينحصر ما بين كورى و يابانى و غالبا
بيميل لليابانى لاسباب كتير ,, او مابين مرسيدس و بى ام (لو ظروفه احسن) و غالبا بيختار مرسيدس

و دا حال السوق من فتره كبيرة و لحد النهاردة لكن ملاحظ طبعا ان فى موديلات اوروبى قليلة رجعت
شوية ثقة للناس ف الاوروبى زى الفانتازيا مثلا ,, و ع فكرة قله الثقة ف الاوروبى عند المواطن المصرى
ليها اسباب اللى بعضها منطقى جدا سواء كانت تتعلق بالعربية نفسها او تتعلق بسياسة الشركة بمعنى ان احنا
موجودين على خريطة تويوتا و متسوبيشى لكن مش موجودين اصلا على خريطة فورد و فولفو و جاجوار

**hugan** · 08-10-2014 03:16 PM

هاتكلم عن 2008 مش 2007
كان معايا شاهين وحبيت احدث واركب حاجه فيها اوبشن
باور وزجاج وتكييف وبتجري عن الشاهين
باركب عربيات من عشر سنوات قبل 2008
يعني عندي خبره معقوله عن العربيات بالاضافه لاءن شغلي في المقاولات يعني في السوق
مش موظف من البيت للشغل
كان المتاح امامي
نوبيرا كانت ملكه السوق وقتها وكانت الاختيار الاول 77 الف
لكن اخر سنه في انتاجها
خرجت من الاختيار
لانوس وفيرنا فئات اقل من 1600 مش عمليه بالنسبه لي وسعرها 69فول او 68 فول اوبشن
صني مانيوال 81 الف
اويترا 91
النترا مانيول في نفس السعر بتاع الاوبترا
غامرت واشتريت اسبرانزا 516 بعد بحث وتدقيق
67 ونصف
وبعد استخدام 5 سنوات وجدت اانها ماتقلش عن اي عربيه في فئتها مع الاستفاده بفرق السعر
وبعتها واشتريت تيجو 2013
يعني لو عربيات وحشه ماكنتش ها كرر التجربه