كان عندى سيفيا وقعدت معايا اربع سنين
وكان عندى نفس المشكلة و الزيت كان بينزل فى الدواسة ومكتشفتش ده الى بعد ملقيت بركة زيت باور تحت الدواسة
قدامك حلين
الاول انك تغير الاسكاترا بواحده تانية بس ده حل مكلف اذا جبتها جديدة واذا جبتها استيراد فمككن تبوظ عالطول لان الاستيراد مش مضمون فى الحاجات دى
الحل التانى انك تعمل طقم اصلاح للاسكاتره وده الى انا عملته وطقم الاصلاح قعد اربع سنين لغاية مبعتها ورحت لواحد مخصوص هناك عند كشرى ابو طارق بس راجل محترم بس للاسف مش فاكر اسمه
وكنت جايب طقم الاصلاح بحوالى 80 جنيه وخد منى مصنعية حوالى 150 جنية شامل زيت الباور الى استعمله
وخلى بالك لانك اول متخش شارع شمبيلون الى فيه كشرى ابو طارق هتلاقى سماسرة كتير عمالين يقولوا كبالن وباور .......... ودول بيكونوا متفقين مع اصحاب الورش
نفسى افتكر اسم الورشة علشان اقولك علية بس هو كان قريب اوى من ابو طارق وكان جانبه محل متخصص فى رولمان البلى بتاع واحد ممثل مش معروف اوى
المفضلات