انت وقعتلنا من السما :)))))))
هما كام 6 اسئله علي السريع و ارجو الاجابه باستفاضه :)))))
1) التأشيره بكام ؟ و الدعوه بكام و منين بالظبط ؟ مش عايز يتنصب عليا ... حد عايش هناك قالي التأشيره 200 دولار ... هل الكلام ده صحيح ؟ ... انا مقدرش اطلب من الشخص ده يجيبلي دعوه للعلم
التاشيرة بتروح تطلعها من السفارة بكل سهولة وهتكلفة 50 دولار المقابلة وتامين صحى بتاع الطيران
كان الاول بناخدها شهر او 3 ونروح هناك نجددها سنة مالتى مفتوح .. دلوقتى بقت اقصى حاجة 3 شهور تقعدها هناك وانا فى مصر علشان اخدها من اول وجديد واروح اشوف هظبط وضعى قانونى ازاى
2) السفاره بتسأل عن proof of fund و وجع دماغ ؟ بيسألو معاك كام و رايح هناك تعمل ايه و لا العمليه بيس زي سفاره روسيا ؟
بص لما قدمت من سنة وشهر ماكنش فى الكلام دة لاننا كنا بنجبها من شركات السياحة .. دلوقتى بقت مقابلة سفارة وانا لسة مالى طلب فيزا مافيش الكلام دة .. وطبعا هبلغك بالجديد لما اعمل المقابلة
3) الاسعار الموجوده في الموقع ده اسعار صحيحه الي حد كام في ال100 ؟ الاسعار المكتوبه بالعمله المحليه (lari)
cost of living in tbilisi, georgia. Prices in tbilisi. Updated oct 2014 الاسعار صحيحة بنسبة 90%
بس الشقق ممكن تجبها ب 350 لارى تبعد عن قلب البلد 10 دقايق بالظبط ومش متطرفة اوى وتكون مساحتها كبيرة وحلوة
والعربيات انا معايا باسات هناك 2003 1.8 تربو جبتها ب 3000 دولار
4) مفيش انجليزي خالص هناك ؟ انا متمكن من الانجليزي و معايا شويه روسي ككلام فقط مش قراءه و كتابه و معرفش حاجه عن الجورجي خالص ... ايه النظام ؟
فى انجليزى طبعا بس قليل.. الاساسى جورجي واللغة التانية روسى فلو بتعرف روسى هيفيدك جدا
5) العرب كتير هناك ؟ خاربين الدنيا زي روسيا كده و لا محترمين ؟
ا
لعرب حاليا قليل عن الاول وللاسف فاضحينا فى كل مكان .وبالذات العراقيين اغتصبو ناس وقتلو وسرقو ويمكن دا من ضمن الاسباب انهم شددو جدا فى الاجراءات مع العرب وتجديد الاقامات والفيز
6) انا ناوي افتح استوديو تصوير صغير ... يمشي هناك ؟ و لا في استوديوهات كتير
يمشى طبعا لو انت فاهم شغلك حلو .. وعلى فكرة دا كان مشروعى هناك بس الظروف ما سمحتش انى اعمله وعملت مشروع تانى وفشلت بسبب انى كنت لسة جديد وخد ايجار غالى ولو نويت وجيت ممكن نشتغل سوا فى التصوير بس نصيحة لاى حد ممكن يفكر فى جورجيا
انت تيجى مثلا الاول تظبط امورك .. وبعد كدة تشترى تمليك علطول
هتقضيها ايجارات هتخسر
لو اشتريت شقة ملك صغيرة على ادك وبعيدة شوية مش جوة البلد تجبها ممكن ب 10000 دولار ولو دعبست اوى تلاقى ب 7000 كمان
وعربية صغيرة تبدا من الف دولار
وممكن تخلى بس محل مشروعك ايجار بس رخيص مش غالى
كدة اقدر اقولك انك تنجح هناك .. انا قضيتها ايجار ف ايجار خسرت كتير اوى وندمت انى مش اشتريت
معلش الاسئله كتير ... و الافاده للكل ان شاء الله