عضم الكابوت فصل و مش عارف اعمل فية اية

ياجماعة انا معايا لانسر 99 وعندى عضم الكابوت فصل من العيال اللى بتقعد علية وشلكة بقى وحش قوى غير انى كل ما انزل لازم افتح الكابوت و ارد الحتت دى عشان ترجع تانى وخلاص بجد اتخنأت و مش عارف اعمل فية اية اغير الكابوت كلو و اجيب تيوانى ولا ينفع يتلزق؟؟؟ ولو ينفع ينفع اقوم انا بالموضوع دة ولا لازم متخصص؟انا سمعت من كذا واحد انو ممكن يتلزق بسيليكون و روحت اشتريت علبة وطلعت هى هى اللى لزقت بيها الفوانيس قبل كدة مش عارف هى فعلا المقصودة ولا فى حاجة تانية للصاج ولو هى مش عارف لية حاسس انها مش هاتعمل حاجة و هتفصل تانى؟؟وياريت طريقة عملها لو ينفع تتعمل ولو حد عملها قبل كدة يقولى النتيجة اخبرها أية
والف الف الف شكر

فى سيليكون مخصوص للصاج علاشان الموضوع ده , بس للاسف بعد فتره سنه مثلا بيفك تانى .

شكرا ياباشا على سرعة الرد
طب تفتكر مافيش انواع نضيفة ممكن تعيش شوية؟؟؟

في هات اي نوع صناعه امريكي بجد ممتاز في واحد قريبي كان جايبه للأكسنت ودلوقتي لسه موجود وفات عليه حوالي 3 سنين
بس بكام ونوعه ايه مش فاكر طبعا

اقتباس:

---

المشاركة الأصلية كتبت بواسطة upnemo

في هات اي نوع صناعه امريكي بجد ممتاز في واحد قريبي كان جايبه للأكسنت ودلوقتي لسه موجود وفات عليه حوالي 3 سنين
بس بكام ونوعه ايه مش فاكر طبعا

---

أبنيمو باشا ورايا فى كل حتة كدة بجد بجد بجد ربنا يخليك
ياريت لو تعرفلى قريبك جابوا منين و نوعة اية؟وسعرة كام؟
والف الف الف شكر ليك

انا كان عندى الموضوع ده فى ال 127 وجيبت سيليكون امريكى اسمه مش فاكره الصراحة بس هوه سيلكون للعظم السمكرى قالى كده وكان ب 35 جنيه الانبوبه وبصراحة جامد ولونه اسود (( ارجو انى اكون افدت مع العربية المتواضعة 127 )) وشكرا

سليكون عظممن واحد بتاع بويات محترم الماني او امريكاني بيكون من 25 الي 30 جنية بس علشان يلزق صح لازم الكابوت يتفك برة لوحدة فاحسنلك شوف سمكري يعملهولك علشان لازم يداس علية بحاجة تقيلة لمدة 6 ساعات

اللى اعرفه ان الصنايعيه بيقولوا عليه شيشلوك

ياباشا كبوت ايه اللى تغيره حرام عليك
امال العربيات اللى بقالها 25 سنه كل سنتين تتفك وترجع على الصاج وتتلم تانى مابتغيرش ليه
زى ماكل الناس قالت لحضرتك ده بيتعمل بسيليكون وبيرجع كما كان ولو سمكرى نضيف مش هايبينه
وبالنسبه للسبب اللى خللى الكبوت يفك فانا احب ارحب بيك فى نادى المتضررين من الجالسين على كبابيت سياراتهم
دى جمعيه اهليه راس مالها غضب اصحاب العربيات وقريبا ستتحول لشركه مستهمه مصريه لانها بقت عاده فى المصريين
الظاهر حبوا يدخلوا الالفيه فلغوا الانتريهات لانهم لقوا ان القعده على كبوت عربيات الناس اريح فى القعده وفى النفسيه اما يحس انه كعاطل بيخسر واحد شغال فلوس عقابا ليه انه شغال وجايب عربيه كمان