الموضوع: معقول العربيه تعمل صيانه ب 2000 جنيه

المشاركة الأصلية كتبت بواسطة yasserk2

شكرا يا باشمهندس على الرد بس فعلا حاجه مستفزه انى ادفع 2000 جنيه والعربيه زل الفل مافيهاش اى حاجه هو انا جايب عربيه مستعمله هصرف عليها بس للاسف انا مضطر لانى من اسكندريه ومفيش صنايعيه كويسين لبروتون فى اسكندريه اضف الى ذلك انى اكتر من انى ادور واطلع معرفش

بص يا باشا في واحد اسمه شحته ورا بنزينه الشاطبي موبيل عنده كل عربيات جين 2 اللي في اليكس

روحلوه اتناقش معاه هوا محترم وفاهم شغله كويس

وعلي اسوأ الفروض اعرف من عز العرب ايه اللي حيتعمل في الصيانه وتعالي قولنا هنا

حنقولك ايه تعمله بره وايه تعمله جوا

ولما تروح الصيانه احذف اللي انت حتعمله بره حتوفرلك ان شاء الله..

بالنسبه للي عاوز تفهمه في العربيه انا يا سيدي ممكن اشرحلك علي سكايب او فون اللي انت عاوزه دي سهله

بس بجد بجد حرااااااااااااااااااااااا ام تركب عربيه وانت مش فاهمها

المشاركة الأصلية كتبت بواسطة omar mahmoud

الله ينور عليك يا باشا بس يا رب متكونش الاسعار دى زادت او اتعدلت

لما كانت عربيتي زيرو كونت بوديها و هي سليمه تماما و مابشتكيش من حاجة و كنت بدفع حوالي 700 ( ده كان سنة 2001) بس لما حسبتها لقيت العربية اللي قبلها و كانت موديل 80 مكنتش بتصرف كده, قعد أحسب سعر الصيانة في التوكيل و بره التوكيل لقيت فرق كبير جدا يعني الزيت بيكون أغلي بخمسين ستين جنية و ياخد مصنعية 30 جنيه , تيل الفرامل كان بحوالي تلت أضعاف سعره غير فرق المصنية

قولت هو أنا جايب عربية جديدة علشان تصرف اكتر فبقيت أشوف جدول الصيانة و أعمله بره , لدرجة ان تغيير فلتر الهواء و البنزين و بوجيهات و تنظيف الكاربراتير أنا اللي بعمله .

واضح ان التوكيل حرامي مفيش سيور بتتغير عند 15 ألف كيلو ده تقريبا نصف عمرها الافتراضي

المشاركة الأصلية كتبت بواسطة khaled_tec

لما كانت عربيتي زيرو كونت بوديها و هي سليمه تماما و مابشتكيش من حاجة و كنت بدفع حوالي 700 ( ده كان سنة 2001) بس لما حسبتها لقيت العربية اللي قبلها و كانت موديل 80 مكنتش بتصرف كده, قعد أحسب سعر الصيانة في التوكيل و بره التوكيل لقيت فرق كبير جدا يعني الزيت بيكون أغلي بخمسين ستين جنية و ياخد مصنعية 30 جنيه , تيل الفرامل كان بحوالي تلت أضعاف سعره غير فرق المصنية

قولت هو أنا جايب عربية جديدة علشان تصرف اكتر فبقيت أشوف جدول الصيانة و أعمله بره , لدرجة ان تغيير فلتر الهواء و البنزين و بوجيهات و تنظيف الكاربراتير أنا اللي بعمله .

واضح ان التوكيل حرامي مفيش سيور بتتغير عند 15 ألف كيلو ده تقريبا نصف عمرها الافتراضي

ياباشا السيور ليها عمر افتراضي بالسنين او ب كيلو متر

بص هو عموما كل التوكيلات حرامية لكن لو الصيانة تستاهل انك تغير طقم الكاتينة هو ده اللى هتلاقيه غالى وممكن يعدى 1000 جندى