جمارك جمارك جمارك جمارك !!!

**AliSayed** · 11-10-2014 06:32 PM

السلام عليكم

مش عارف ليه في ناس معهاها عربيات بتدافع و تقول عشان العربيات كتير و الشوراع زحمه , طيب حضرتك قبل ما تشتري كانت البلد فاضيه ؟ ليه اشتريت و زحمت الطرق علي الناس اللي شاريه قبلك؟

زي ما حقك انك تركب عربيه تحفظ كرامتك و كرامه عيلتك بدل ماتركب مع سواققين مسجليين و شاربين , الناس اللي معهاش عربيات حقها زيك بالضبط

**Hosam_Optrawy** · 12-10-2014 01:46 AM

المشاركة الأصلية كتبت بواسطة alisayed

السلام عليكم

مش عارف ليه في ناس معهاها عربيات بتدافع و تقول عشان العربيات كتير و الشوراع زحمه , طيب حضرتك قبل ما تشتري كانت البلد فاضيه ؟ ليه اشتريت و زحمت الطرق علي الناس اللي شاريه قبلك؟

زي ما حقك انك تركب عربيه تحفظ كرامتك و كرامه عيلتك بدل ماتركب مع سواققين مسجليين و شاربين , الناس اللي معهاش عربيات حقها زيك بالضبط

طبعا من حق كل واحد يحفظ كرامته وآدميته

بس الوضع الحالي للبلد اللى هو الجمارك موجوده والعربيات غاليه والدولار بيزيد ومفيش أماكن في الشوارع العربيات تمشى فيها ولا جراجات ، ومع ذلك الناس مابتبطلش شرا والعدد كل يوم بيزيد والقديم زى ماهو مازال موجود

لو الجمارك إتشالت والناس اللى معهاش عربيات جابت ، واللى معاه عربيه زود عليها واحده و إتنين

ومفيش طرق ومفيش تنظيم ومفيش جراجات ومفيش بنزين يكفى

طب وبعدين ؟

**AliSayed** · 12-10-2014 11:29 PM

المشاركة الأصلية كتبت بواسطة hosam_optrawy

طبعا من حق كل واحد يحفظ كرامته وآدميته

بس الوضع الحالي للبلد اللى هو الجمارك موجوده والعربيات غاليه والدولار بيزيد ومفيش أماكن في الشوارع العربيات تمشى فيها ولا جراجات ، ومع ذلك الناس مابتبطلش شرا والعدد كل يوم بيزيد والقديم زى ماهو مازال موجود

لو الجمارك إتشالت والناس اللى معهاش عربيات جابت ، واللى معاه عربيه زود عليها واحده و إتنين

ومفيش طرق ومفيش تنظيم ومفيش جراجات ومفيش بنزين يكفى

طب وبعدين ؟

اولا : انا بعتذر لحضرتك انا لم اقصد شخص بعينه,انا بسمع من نفس وجه النظر من اصدقاء لي , انا اقصد عموما مينفعش حد يحل مشكلته بحرمان الاخرين

بالنسبه للحلول : مواصلات ادميه تخليك تركن العربيه و تستخدمها للمشاوير العائليه و السفر .

**Hosam_Optrawy** · 12-10-2014 11:56 PM

المشاركة الأصلية كتبت بواسطة alisayed

اولا : انا بعتذر لحضرتك انا لم اقصد شخص بعينه,انا بسمع من نفس وجه النظر من اصدقاء لي , انا اقصد عموما مينفعش حد يحل مشكلته بحرمان الاخرين

بالنسبه للحلول : مواصلات ادميه تخليك تركن العربيه و تستخدمها للمشاوير العائليه و السفر .

يافندم مفيش داعى للأسف احنا كلنا هنا إخوات

أعتقد ان هو دا اللى هايحصل فعلا ، دعم البنزين هايتشال تماما ، والعربيات مش هاترخص وهايبقى إمتلاك العربيه للقادرين فقط ، وفي المقابل يتعمل مواصلات آدميه تخدم معظم الطرق

**raedegypt** · 13-10-2014 12:06 PM

هو لو فتحها بمعايير لحد سنتين من موديل السنه ومش شرط مالك اول و 1600 سى سى بحد اقصى ويدفع فقط 15 الف ( لمن يمتلك سيارة قديمه فقط وليس للمجموع لعدم اغراق الشوارع بسيارات مضافه ) كدة مع قرار عدم تجديد ترخيص اى سيارة لموديل اكثر من 20 فقط المالك يسلم اللوحات مع تحديد مناطق لاستلام السيارات القديمه لتفكيكها واعادة تدوير المواد التى يمكن تدوريها او بيعها فى مزاد عالمى
المهم البلد تتطهر من السكراب ال ماشى فى الشوارع