الموضوع: الوضع الافضل للفتيس الاوتوماتيك اثناء الوقوف

السلام عليكم

موضوع مهم ومفيد للناس اللى عاوزة تحافظ على عربيتها الاوتو

وانا من راى الشخصى لو هتقف اكثر من دقيقة ريح عربيتك وماتورك وفتيسك ورجلييييييييك وهات ال n

لو اقل خليك على ال d

لو هتقف وتمشى تانى زى مثلا فى الاشارات المرقمة بتبدا عد من 90 ثانية يعنى دقيقة ونصف هات ال n وليس ال p

هتقول لو واقف على منزل او مطلع بردة هات ال n وارفع الهاند بريك

خلى ال p دة لما تركن خالص ويفضل بردة رفع الهاند بريك علشان لو حد متخلف حب يزق العربية ميكنش الحمل ساعتها على الفتيس يكون على الهاند بريك

وافضل طريقة علشان تجيب الفتيس على ال p وللحفاظ على تروس الفتيس هات ال n ثم ارفع الهاند بريك ثم ارفع رجليك من على الفرامل كدة العربية بقت متحملة على الهاند بريك ثم اضغط فرامل مرة اخرى وهات ال d ....

طبعا الناس كلها هتقولى اية يا عم الحاج الشغلانة دى ....

هقول دة للحفاظ بزيادة على الفتيس ....

والمعلومة دى عرفتها من توكيل اسكودا اكتافيا لما كنت مع واحد صاحبى لان فتيس الاوكتافيا فضلة خيركم ب 55 الف جنية من التوكيل .... هههههه ... عسل والله

ولقيت بعض الاعضاء بتقول انها مش فارقة ....

طبعا زى مالناس عارفة ان فى عربيات زى ال bmw بتبطل الماتور اوتوماتك لو واقف شوية وبترجع تشغلة تانى لما تضع رجلك على دواسة البنزين ... تكنولوجيا ولاد الاية

وكلنا عارفين ان العربية الاوتوا بتاكل تيل وتنابير وكبالن وبنزين بنسبة اكثر من المانيوال بغض النظر عن اسلوب القيادة فلو انت واقف على الوضع d مدة كبيرة كل دة عمال يتأثر فلية منريحش عربيتك وماتورك وفتيسك ورجليك زى ما قلت ونجيب وضع n

وخلوا بالكوا يا جماعة الخير اغلب العربيات الاقتصادية زي الكيا والهيونداى والشيفرولية وخلافة غير مصنعة ومصممة لتحمل الوقوف على وضع ال d مدة كبيرة او كل شوية نفضل نجيب من ال d الى ال n بدون ان تتاثر .... لية ......

لان يا سادة احنا هنا فى بلدنا الحبيبة لا تصلح الا قيادة التكاتك والموتوسيكلات فقط لا غير احنا بنتكلم على الفتيس علشان الزحمة طب اخبار العفشة اية والجنوط ال 17 مع المطبات الجميلة والبلاعات اللذيذة وغيرة وغيرة وغيرة

العيب مش فى العربية العيب فى شوارعنا بس ادينا بنحاول نوصل لافضل اسلوب قيادة للحفاظ على العربيات الجديدة اللى هى من وجهة نظرى (خيش وقش)
امام شوارعنا الجبارة

اعتذر للاطالة ..... والسلام ختام