فين الأراء ؟؟؟؟؟
عرض للطباعة
فين الأراء ؟؟؟؟؟
الاوبل مثلا لو وقفت في اشارة وكنت جايب الـ d وماسك فرامل
ثم تركت الفرامل مرة واحدة ستجد ان السيارة تنتظر لبرهة صغيرة ثم تبدأ في الانطلاق بدون الضغط على دواسة البنزين
وذلك يعني ان الموتور اثناء الضغط على الفرامل ينتقل لوضع الخمول حفاظا على البنزين والفرامل واشياء اخرى
اتحدث عن اوبل استرا 2005
جرب الامر مع سيارتك اذا تركت الفرامل فهل ستنطلق السيارة فور تركك لدواسة الفرامل ام ستنتظر لثانية او اقل قبل الانطلاق
اظن ان السيارة اذا انتظرت فهذا مؤشر جيد على عدم وجود مشكلة في الاستمرار على وضع الـ D
الفتيس الاوتوماتيك صمم ليغنيك عن نقلات الفتيس العادي
فكرة برضه .... لكن الحقيقة ده مابيحصلش معايا
العربية بتمشى على طول
اقتباس:
الفتيس الاوتوماتيك صمم ليغنيك عن نقلات الفتيس العادي
دى حقيقة ...
هو ده الكلام المظبوط وضع n مع شد فرامل اليد و ده لسببين ......الاول انى بريح الموتو لأنه أكيد الموتور بيعمل شغل أكتر و هو على ال d ( و أنا بأكتمه بالفرامل ) أكتر من السلانسيه n و الدليل على كده زى ماحضرتك قلت ان ال rpm على ال n أقل بشكل ملحوظ منه و هو على ال d ..................السبب التانى أنى بريح رجلى من الدوس المستمر على الفرامل
الحقيقة أنا شايف إن اللي بيقول ده أحسن ولا ده أحسن بيتكلم بناء على حاجة من اتنين:
إما إنه شايف إن كده صح نتيجة خبرته أو راحته النفسية..
أو يكون سمع الكلام ده من حد تاني.
بس يمكن لو فكرنا بطريقة تانية.. زي مثلا إننا نعرف ونفهم إيه اللي بيحصل أصلا.. وبعدين نبقى نحكم.
بس بصراحة .. ومن المواضيع اللي شفتها على النت.. ما زال الفتيس الأوتوماتيك لحد دلوقتي يعتبر حاجة مبهمة لكتير من الناس.. حتى المتخصصين في السيارات.
بس علشان أبقى واضح من الأول... أنا مش خبير في الفتيس الأوتوماتك.. بس بحاول أفهم..
ملخص الكلام... إن الفتيس فيه مشكلتين أساسيتين:
أول واحدة: محول العزم
http://www.railmotorsociety.org.au/i...tc_page_00.gif
وبدون الدخول في تفاصيل معقدة... الجزء ده هو بديل الدبرياج في الفتيس المانيوال..
بس فكرته إنه عامل زي مروحتين قصاد بعض.. واحدة فيها كهربا وشغالة (اللي جاية من موتور العربية).. والتانية مفصولة من الكهربا (اللي رايحة على الفتيس).. بس بتلف بردو علشان تيار الهوا اللي جاي من المروحة المقابلة خلاها هي كمان تلف.
محول العزم بيستخدم الزيت بدل الهوا... علشان ينقل الطاقة الكبيرة اللي جاية من الموتور ويقدر يحرك وزن العربية.
في الحالة دي... فيه عمود طالع من الفتيس وراكب في محول العزم... وهو اللي بياخد الحركة من محول العزم إلى الفتيس.
طيب لو حبينا نجيب الوضع N... هل ده معناه إننا بنفصل العمود ده من محول العزم ؟؟
أبدا... العمود متعشق باستمرار
أمال الوضع N ده ازاي بيفصل كل السرعات؟؟
هي دي تاني مشكلة....
ببساطة... الفتيس فيه مجموعات كلتش داخلية على كل تعشيقة تروس
http://upload.wikimedia.org/wikipedi...ission_cut.jpghttp://image.cpsimg.com/sites/carpar...clutchpack.gif
لما مجموعة الكلتش دي بتتعشق.. الفتيس بيحول على الغيار اللي تم اختياره حسب دوسة البنزين وسرعة العربية.
يعني الفتيس الأوتوماتيك فيه مرحلتين كلتش... واحد خارجي (محول العزم).. وواحد داخلي (على كل غيار)
لما حضرتك بتجيب الوضع N... كل اللي بيحصل إن كل الكلتشات الداخلية بتبقى فاصلة... إنما محول العزم موصل حركة للعمود الرئيسي.. وده ما بيتفصلش.
نيجي بقى للأضرار اللي ممكن تحصل نتيجة الوقوف في الإشارة على الوضع N....
ممكن يكون فيه تأثير على مجموعة الكلتش الداخلية الخاصية بالترس الأول أو التاني.. ويحصلهم تآكل على المدى البعيييييييييييد.
بس لما تيجي تفكر فيها كده... مش الكلتشات دي بتفصل وتعشق بردو طول ما العربية ماشية؟؟؟
من وجهة نظري... يمكن الاستخدام المفرط في استخدامهم ممكن يعمل مشاكل... إنما المفروض حسب الاستخدام العادي ما يحصلش حاجة.
يعني مثلا.. مش كل ما تلاقي العربيات هدت قدامك تقوم جايب N وترجع تجيب D لما السكة تفتح.. ده كده اسمه استخدام مفرط وبدون داعي.
طيب نيجي للأضرار اللي ممكن تحصل نتيجة الوقوف في الإشارة على الوضع D....
بصراحة.. أنا شايف الأضرار هنا محسوسة أكتر...
أولا... محول العزم بيبدأ يفوت الطاقة اللي طالعة من الموتور.. وبالتالي الزيت اللي جواه بيسخن جدا... وده بيأثر على قوة وكفاءة السحب.. وده معناه استهلاك بنزين أعلى.
ثانيا... الوضع ده بيقصر عمر محول العزم بشدة... نتيجة تزايد معدل التآكل في الريش الداخلية في محول العزم.
ثالثا... الوضع ده بيعمل مقاومة جامدة جدا على الموتور أثناء التوقف.. والموتور بيحاول يفضل شغال... يعني بتصرف بنزين أكتر بكتير من المعتاد لو انت واقف بدون حمل.
رابعا... الحمل الزايد ده معناه كمان أحمال مالهاش لازمة على أجزاء الموتور الداخلية وخاصة السبايك .. بالإضافة للإجهاد اللي الزيت بيتعرضله .
خامسا... أجزاء نقل الحركة بالكامل بتكون مضغوطة وأي رولمان بلي داخلي فيها بيبقى معرض للضغط... بدون داعي.
سادسا... الفرامل بتتأثر كمان خصوصا لو رجلك بدأت تخف من على الدواسة وبدأت العربية تتحرك... ده معناه احتكاك وتآكل.
ملخص الكلام...
لو لقيت إن الإشارة هتطول أكتر من نص دقيقة .. حول على N.
...
كتالوج اللعربية عندى مكتوب فية تحظير من وضع الفتيس على d لمدة اكثر من ثلاث دقائق
فطبعاً لما بكون فى اشارة بكون على وضع n لحد لما الاشارة تفتح
الله ينور عليك والله العظيماقتباس:
ملخص الكلام...
لو لقيت إن الإشارة هتطول أكتر من نص دقيقة .. حول على N.
اييييييييييه الشرح الجامد ده ؟؟؟
تسلم ايدك :Ta_clap[1]::Ta_clap[1]::Ta_clap[1]::Ta_clap[1]:
الطريقتين صح والدليل علي كده مفيش حد حصله مشاكل من مستخدمي اي الطريقتين.يبقي نمشي زي ماحنا متعودين ياما نجيب مهندس ميكانيكا سيارات يكون معاه ترخيص فتاوي