سوق العقارات فى مصر

**sherif Anton** · 28-10-2008 07:29 PM

سوق العقارات في مصر في القترة القادمة سيعاني من هبوط ... ياريت لو تسمعوا وتشوفوا وتقروا الاخبار الاقتصادية سواء على القنوات الفضائية او الاخبار المحلية ,,, واللي يبقى فاهم عكس كده يبقى مش عايش في الدنيا وبيعيش فى وهم الماضي (او بيحاول يفهم الناس عكس كده لغرض ما في نفسه ؟؟؟ !! )

**dreslam** · 28-10-2008 07:45 PM

المشاركة الأصلية كتبت بواسطة sherif Anton

سوق العقارات في مصر في القترة القادمة سيعاني من هبوط

... ياريت لو تسمعوا وتشوفوا وتقروا الاخبار الاقتصادية سواء على القنوات الفضائية او الاخبار المحلية ,,, واللي يبقى فاهم عكس كده يبقى مش عايش في الدنيا وبيعيش فى وهم الماضي (او بيحاول يفهم الناس عكس كده لغرض ما في نفسه ؟؟؟ !! )

لا يا عم مافيش اغراض ولا حاجه...هوه فيه حد بيقف في وش الطوفان؟؟؟

**Abo_Lina** · 28-10-2008 08:27 PM

على فكرة ازمة العقارات في امريكا و اوروبا بقالها 6 اشهر مش حاصلة اول امبارح طب احنا ليه ما اتأثرناش لحد دلوقتي مستنيين ايه..يعني في امريكا البيت الي كان ب 120 الف $ البنك بيبيعه على 20 الف احنا ليه ماحصلش عندنا الكلام الحلو ده ?

لو فيه هبوط للاسعار كان حصل في عز الازمة و على فكرة التجار في مصر مش طيبين زي مانتو متوقعين كده يعني لو الحديد بقى ب 1000 كمان التاجر هايقولك ماليش دعوة انا الي باني جنبي في نفس المكان بايع الشقة على 100 الف مثلا ابيع انا على 70 ليه..

عموما الايام جاية و ياسلام لو الشقة ع النيل ترجع تبقى ب 500 الف هو احنا نكره

**dreslam** · 28-10-2008 08:30 PM

المشاركة الأصلية كتبت بواسطة Tyler_Durden

على فكرة ازمة العقارات في امريكا و اوروبا بقالها 6 اشهر مش حاصلة اول امبارح طب احنا ليه ما اتأثرناش لحد دلوقتي مستنيين ايه..يعني في امريكا البيت الي كان ب 120 الف $ البنك بيبيعه على 20 الف احنا ليه ماحصلش عندنا الكلام الحلو ده ?

لو فيه هبوط للاسعار كان حصل في عز الازمة و على فكرة التجار في مصر مش طيبين زي مانتو متوقعين كده يعني لو الحديد بقى ب 1000 كمان التاجر هايقولك ماليش دعوة انا الي باني جنبي في نفس المكان بايع الشقة على 100 الف مثلا ابيع انا على 70 ليه..

عموما الايام جاية و ياسلام لو الشقة ع النيل ترجع تبقى ب 500 الف هو احنا نكره

تاني مافيش فايده
لو نفهم بس انها ازمه سيوله يبقى ما نتكلمش كتير
ولا عمرنا نتأثر بامريكا ولا نيله هو احنا يهمنا حاجه
ده احنا نفوت في الحديد والاسمنت اللي حيملوا البلد والفلوس حترطرط زي الرز عندنا

**sherif Anton** · 28-10-2008 08:50 PM

الى الأستاذ / سمير يونس

اعذرني لو ها اتكلم في شئون شخصية لكن في النهاية لك كامل الحق في ان ترد او لأ على الأستفسار التالي :
حضرتك اعلنت عن بيع شقة بتاريخ 19 سبتمير 2008 ثم تراجعت عن البيع في تاريخ 27 اكتوبر 2008

http://www.nilemotors.net/Nile/showthread.php?t=39390

برجاء نريد معرفة هل سبب الألغاء هو حالة الركود بالسوق ؟؟؟

ارجوا تقبل اعتذاري مرة أخري ... ولكن في حال ردك على الأستفسار السابق نطلب من حضرتك الشفافية الكاملة ....
مرة أخري حضرتك غير مطالب بالرد .... وشكرا

**Abo_Lina** · 28-10-2008 08:51 PM

المشاركة الأصلية كتبت بواسطة dreslam

تاني مافيش فايده
لو نفهم بس انها ازمه سيوله يبقى ما نتكلمش كتير
ولا عمرنا نتأثر بامريكا ولا نيله هو احنا يهمنا حاجه
ده احنا نفوت في الحديد والاسمنت اللي حيملوا البلد والفلوس حترطرط زي الرز عندنا

يا سيدي اقنع نفسك باي كلام انت عايزه انت حر بس دي وجهة نظري..

**dreslam** · 28-10-2008 09:02 PM

المشاركة الأصلية كتبت بواسطة Tyler_Durden

يا سيدي اقنع نفسك باي كلام انت عايزه انت حر بس دي وجهة نظري..

وجهه نظر تحترم على عيني وراسي وانا مش اكتر من راي انا راي واحد فقط يحتمل الخطأ ويحتمل الصواب..

**سمير يونس** · 28-10-2008 09:07 PM

المشاركة الأصلية كتبت بواسطة sherif Anton

الى الأستاذ / سمير يونس

اعذرني لو ها اتكلم في شئون شخصية لكن في النهاية لك كامل الحق في ان ترد او لأ على الأستفسار التالي :
حضرتك اعلنت عن بيع شقة بتاريخ 19 سبتمير 2008 ثم تراجعت عن البيع في تاريخ 27 اكتوبر 2008

http://www.nilemotors.net/Nile/showthread.php?t=39390

برجاء نريد معرفة هل سبب الألغاء هو حالة الركود بالسوق ؟؟؟

ارجوا تقبل اعتذاري مرة أخري ... ولكن في حال ردك على الأستفسار السابق نطلب من حضرتك الشفافية الكاملة ....
مرة أخري حضرتك غير مطالب بالرد .... وشكرا

أولاً يا سيدي العزيز الموضوع أبسط من كدة بكتير و مش محتاج لكل هذه الإعتذارات و أشكرك على اسلوبك الراقي و ذوقك العالي

مما لا شك فيه إن نزول سعر الحديد و الإنهيار الإقتصادي العالمي جعل الكثير من الناس تتريث في الشراء على أمل هبوط أسعار العقارات بسبب الركود المتوقع و نقص السيولة القادم لا محالة في مصر

و أنا على فكرة كنت عملت إعلان في جريدة الأهرام و لكن معظم اللي اتصلوا لم يكونوا جادين في الشراء و اظنهم كانوا يرغبون في معرفة السعر و يشوفوا هل بدأت أسعار العقارات في الرحاب في الهبوط أم لا

و بما إني كنت ناوي أبيع الشقة عشان أعمل بفلوسها بيزنس معين فقررت تأجيل البيزنس إلى أجل غير مسمى و قررت إني أقوم بتأجير الشقة قانون جديد (خصوصا إن هذه المساحة بتتأجر ب 1500 جنيه في الشهر) حتى تتضح الأمور و تمر فترة الركود على خير و ساعتها هقرر إن كنت هبيعها و لا لأ

تقبل تحياتي يا أخ شريف