السيارات فى مصر تمرض و لا تموت
مش شايفين كمية المومياوات و العربيات الزومبى اللى ماشية فى الشوارع من الخمسينات و انت طالع و فيات قردة اللى لسه شغالة تاكسى
عرض للطباعة
السيارات فى مصر تمرض و لا تموت
مش شايفين كمية المومياوات و العربيات الزومبى اللى ماشية فى الشوارع من الخمسينات و انت طالع و فيات قردة اللى لسه شغالة تاكسى
ههههههههههههههههه
لو تقصد تموت سوقيا فدا مع ندرة قطع الغيار و غلو ثمنها ----فاكرين الطاونوس
لو تقصد تموت مع صاحبها فدا بالبارومة او شاسيه اتعوج عوج مؤثر على القيادة
اقولك حاجة انا عربيتى عاملة 92700 بس من سنة كام بقى 1994 والعربية بتحطنى فى مواقف زفت اصراحة بس مش خاصة بالماتور او حاجة لا يعنى ريداتير ترموستات الكوع اللى الله يحرقة بجاز وسخ ان شاء الله يقفش يخلى الدنيا تخرب طبعا بس ايا كان العداد ملوش دعوة بحالة العربية
العربية عمرها بحسب اهتمامك انت بيها فى ناس حاجة تحصل فى العربية طااانش العربية تسقف طنش عطلت بية قبل كدة ومعملتهاش تانى يغايت مرجع طنش هتفضل يطنش لغاية معمرها ينتهى او بمعنى اصح عمر فلوسه اللى هيدفعها عليها هينتهى
العربيات فى مصر لا تفنى و لا تستحدث من العدم
زى قانون بقاء الطاقة بالضبط
يعنى البيتلز و الفيات قردة و غيرهم, عايشين من أيام الحرب العالمية لحد النهاردة و بيركبلهم زينون و جنوط كمان !!!
مفيش عمر افتراضي طالما الصيانه و الاصلاحات ممتازه
ممكن التاكسي دافيه صفر زياده ف القرايه
عربيات النقل عادي تجيب مليون كيلو
مي ن اللي قال ان العربيات ما بتموتش في مصر
بتنتهي طبعا
لكن مش بالاستهلاك والفناء
بتنتهي بقانون النشوء والارتقاء
التطور
يخلي جيل ينتهي ويظهر محله جيل جديد
لو نلاحظ
ابتداء اختفاء
25و24 و1300 وريتمو وعلي استحياء 504 و32 و31 ابتدوا في الندره
خلال 5 سنوات علي الاكثر مش هايكون لهم وجود
فى مصر السيارات لا تموت بل اصحابها هم الذين يموتون الشاطر يعمل فيها حسنة علشان تفتكره ههههههههههههه**
العربيات عندنا مش بتموت
حتى لو قطع الغيار بتاعتها
اختفت بنولف ليها قطع !!!
ولما نغلب نغير الماتور والكشافات
والعدادات والجنوط وتبقى ماشيه
استحاله تعرف ماركتها..لانها حوالى
20 موديل راكبين على بعض.