ارجو الافادة من وحوش الاوكتافيا الكرام

**lozaa** · 09-10-2014 10:52 AM

صباح الخيرات علي الجميع انا معايا اوكتافيا 99 مانيوال ربنا اراد ان العربية عندي تجيب ماتور بسب السخونة قدر الله ما شاء فعل الحمد لله علي كل حال المهم جبت ماتور استيراد من اسبوعين كلفني في حدود 5300 ماتور بورا عامل 59 الف كيلو تفريبا طبعا انا ما بعرفش في الاسعار المهم العربية مشيت زي الفل ركنت العربية فترة العيد وبعديها لقيت العربية بتدور الصبح بالعافية بسنة بنزين بس مش دي المشكلة المشكلة ان العربية وانا ماشي مخنوقه قوي قوي وبعد الشغل العربية بتدور زي الفل وتمشي ولا كأن في اي مشكلة في السحب يا تري يا شباب المشكلة تكون في ايه انا حاتجنن؟؟؟؟؟؟؟؟؟؟؟؟؟؟؟؟ والسؤال التاني معلش انا طولت عليكوا ايه الاجراءات اللازمة لاثبات الماتور علي الرخصة وحيكلفني فلوس اد ايه مع العلم انا مرور النزهة .

**طارق _عبد السلام** · 09-10-2014 01:59 PM

الخنقه دى ممكن الميكانيكى يشوفها متقلقش منها انت لسه فى التظبيط والنقاهه بعد العمليه الجراحيه :)

بس سؤال هو انت غيرت الموتور بالفتيس ولا لا .. ولو من غير الفتيس هل الموتور ركب مستريح على الفتيس

وهل عملت سيرفس كامل للموتور الجديد ولا لا

ومن ناحيه اثبات الموتور الجديد هات الاول الافراج الجمركى للموتور الجديد وبعد كده كلها امور بسيطه

**lozaa** · 12-10-2014 02:06 PM

يا شباب الخنقة دي طلعت حساس كرنك واتغير ب 300 جنيه

**mo7a_mo7a** · 12-10-2014 11:15 PM

الحمد لله
الف مبروك علي الصيانة ربنا يبارك لك فيها ويديك خيرها ويكفيك شرها
اما بالنسبة للاجراءات لازم الورق يروح المرور بتاعك وتعمل فحص هناك
في موضوع في ساحة المرور هنال في المنتدى عن الحكاية دي

تحياتي