ملاك الرانجلر 2010 وما فوق ولكل خبير
السلام عليكم
انا معايا نيسان اكس تريل 2500 سي سي دفع رباعى 4 سلندر 190 حصان طبعآ تسارع خيالى وفى الصحرا شغاله تمام دفع رباعى اوتو ولوك بتحكم جميع الكماليات اوتوماتيك وبصراحه ولا كلمه ولا عيب واحد الحمد لله واعتماده لأقصى الحدود وصفر استهلاك قطع غيار بس صديق لى معاه رانجلر 2010 كنا شارينها زيرو مع بعض من عز العرب وكل تاريخها اودامى هى عامله 90 الف كيلو وفيها دي فى دي اصلى وكاميرا خلفيه وكامل الصيانات توكيل هى عامله 90 الف كيلو حالياً وبالفعل بحالة الزير وهو بيبيعها وانا بصراحه بحب العربيه دى جدآ والسؤال هو الاتى:
الفرق جوهرى بين 2010 و2015 غير المتور والطابلوه؟؟
ايه السعر المناسب لها؟
وانا عربيتى بتعمل 170 كيلو فى ال20 لتر ومش هواة الجرى والشد ايه الفرق؟
النيسان قمة الاعتمادى عكس الاوربى اللى كفرنى معاه هل الامريكى نفس الوضع؟؟
قطع غيار النيسان اكيد اغلى من الرانجلر لكن مش بتعطل ايه نظام الرانجلر؟
صديقى كان ماشي 130 وبيكلمنى على الموبيل وانا لا سامع هوا ولا غيرو وبيقولى مفيش طبعآ تسريب هوا كل الوضع صوت الهوا الخارجى فجسم العربيه وانا متفهم ده لأنها زيرو اير دينمكس هل حد له رأى؟؟
قصة وجع الضخر والكلام المنتشر ده حقيقى؟؟
وتسجيل العربيه كام فى المرور والضريبه مع العلم هى موديل 2010
فى انتظار الاجابه واتمنى نقاش مفتوح من الجميع وشكراً
