الموضوع: تعارف و سؤال للاخوة الاحبة

المشاركة الأصلية كتبت بواسطة sromolla

سلام الله عليكم و رحمته و بركاته

اولا اعرفكم بنفسى : اخوكم فى الله
عبدالمنعم على
مدرس
اشتريت عربية سكودا فليشيا موديل 1996 و اللى اشترالى اظن انه اعطانى هدية جزاه الله خيرا
فأساسيات السيارة كويسة جدا ,,
دواخل و الفرش و الصالون و السقف و القوايم و الشنطة بالفعل فابريكة , الماتور ناعم و اعتقد انه سليم , كل هذا حسبما قاله الاصدقاء و الاقربون و و لم اجد نقدا لها الا ان قطع غيارها غالية و غير متوفرة بشكل جيد
و دى التجربة الاولى ليا فى عالم السيارات , فعلاقتى قبلها بالسيارات كعلاقة شاشة الكمبيوتر بسندوتش الفول

===============================

ثانيا احب اشكر الاخوة الافاضل فى المنتدى خصوصا فى قسم الفليشيا , لان و الحق يقال ما رأيت الا تعاون و تواصل رائعين , اسأل الله دوام الود و التأخى بينكم , و اتمنى قبولى بينكم ضيف خفيف , و لو انى سأبدأ بالاسئلة و الاسفسارات , و ده لانى جديد جدا فى هذا العالم و رجائى ان اتعلم منكم ما استطيع , و احسبكم لن تبخلوا عليا فى التعليم جزاكم الله كل خير عنى و عن الاخوة المنبتدئين امثالى ,,

===============================

تجربتى البسيطة جدا مع السيارة ,,
الحمد لله , تجربة جميلة البداية و رقيقة التعارف بينى و بين الفليشيا , انا اتعلمت عليها القيادة و الكلام ده من حوالى اسبوعين ,, فالحمد لله السيارة ناعمة و ليس بها اى عيب ظاهر غير البسيط مثل :

1- العربية بتشرق كتير جدا , ( باستعمل بنزين 80 ) فهل المشكلة من عندى خصوصا انى رجلى تقيلة و انا مش عارف اريح العربية ؟

2- العربية بتحتاج زيادة مياه كل يوم و بكمية كبيرة قد يكون ثلث القربة تقريبا , فهل ده طبيعى ؟( بزود المياه من الحنفية)

3- الزيت بيقل , ,,, اول ماخدتها غيرت زيت و كان مستوى الزيت اعلى من العلامة المطلوبة , الوقتى و بعد سير حوالى 100-150 كيلو اليوم لاقيت مستوى الزيت فى منتصف المستوى المطلوب فى مقاس الزيت فهل ده طبيعى ؟

4- بتستهلك بنزبن بفظاعة , فحسب المسافة المقطوعة استهلكت + 30لتر بنزين هل ده عيب فى العربية ؟ و يتعالج ازاى ( انا بامشى بيها تاتا تاتا ) لان الشوارع عندنا متبهدلة كمان لسة فى مرحلة تعليم الا فى مشوار بسيط فتحت بيها على سرعة + 80 كم /س و كانت رائعة و بتسحب كويس

===============================

اسف:zb_sor1[1]: على الاطالة و كتر الاسئلة و عشمى فى الاخوة ما بيقصروا و لا تنسونا بالنصائح اللى تساعدنى فى الحفاظ على العربية و تساعدنى فى تلك الفترة كمبتدئ فى القيادة و كمبتدئ فى عالم السيارات عموما و جزاكم الله خيرا

وعليكم السلام ورحمة الله وبركاته

استاذنا المربى الفاضل نورت القسم**

احنا هنا احتمال نخليك تقدم استقالتك من وزارة التربية والتعليم وتفتح مركز عالمى لصيانة اسكود بس انتا خليك متواصل معنا فى كل صغيرة وكبيرة قبل ماتخد اى قرار اعرض المشكلة هنا الو واحنا بمشيئة الرحمن لن نبخل عليك بالنصح الناصح النصيح****

اولا المشكله الاولى والرابعة اعتقد سببها واحد وهو عدم وجود موزع البنزين ودا بيبقى راكب تحت العمة يمين داخل ليه خرطوم البنزين اللى جاى من الطلومبة وخارج منه خرطومان احداهما ذاهب الى الكاربرتير ودا الخرطوم السفلى والعلو عائد الى النتك (خرطوم الراجع )بس كدا الاول وشوف هل الموزع موجود ام لالالا؟؟؟؟انتهى

مشكلة نقص مياة التبريد مع عدم وجود تطحين فى الزيت يعنى لونة مش زى الطحينة يبقى السبب معروف فيه تسريب فى دورة التبريد افحص الدورة تمام ودور الغربية وافتح الكابوت وزود بنزين من الاكسرتير نهاية واير البنزين لو مش عارفه قول نصورهولك وانتا بتزود حتكتشف تسرب المية وهذا اعتقد انه يكون من الخراطيم او القربة نفسها**انتهى

مشكلة نقصان الزيت بالفظاعة دى مع نعومة الموتور اكيد مش شنبر والعياذ بالله دا اكيد برضو تسريب زيت عاوزك تبص على كارتيرة الزيت من تحت ها ناشفة ولامزيتة والزيت ناشف ولا بيلمع لو سببها يبقى حتحرق على مسامير الكارتيرة وعددهم 19 مسمار بمفتاح بيبة 10 **

بص كدا جنب طنبورة السير اللى نتحت لو فيه زيت خلف الكنبورة دا يبقى اولسية الكرانك***

بص كدا على وش الكستبينات اللى تحت البوجيهاتشكلة بيضاوى بيربط بصواميل 10 لو حلية ترشيح زيت حرق عليهم***

بص كدا على وش التاكيهات اللى فية غطاء الزيت مرشح زيت نازل على البوجيها لو مرشح حرق شوية بس بحزر على الصامولين ال 10**

يعنى عاوزك تبص على الموتور من الجواني ومن اسفل علشان تعرف نقطة تسريب الزيت **وربنا معاك ومتتاخرش علينا ***انتهى*****

المشاركة الأصلية كتبت بواسطة sromolla

اسعد الله مساكم يا اخوة
بعد الفحص الغير دقيق تبين :
موجود موزع البنزين , عبارة عن علبة بلاستيك خارج منها الخرطومين كما تفضلت بالايضاح
ترشيح الزيت موجود فى اكتر من مكان , خصوصا عند نقطة تلاقى الكبالن بجسم الفتيس , كمان تحت جسم الموتور
ترشيح زيت بيلمع , بمعنى انه مش قديم , و لا جديد فمش عارف ان كان اثر لتنقيط و لا ايه بالظبط

ترشيح زيت عند ملتقى الكوبلن دا زيت الفتيس ياريت تكشف عليه بيبة 8 وفك نهاية واير السرعة وخرج ترس السرعة وبص على الزيت بييبقى باين بالنظر لو ناقص يبقى حتحاج تغير اوليسهات الكوبلن ودى حاجات عادية جدا لكل مشترى لفليشيا مش عارف الناس بتبيع العربية بعد اهانتها ةاهمالها ربنا يسامحهم***

ترشيح الزيت حضرتك محددتش طيب عاوز تتعلم انك تصور الموتور ومناطق نزيف الزيت لو وترفع لينا الصور فيه درس فى السلسة عن كيفيه التصوير ورفع الصور ولو معرفتش انا تحت امرك**

المهم خد العربية لبنزينة محترمة واطلب غسل الموتور بالكاملالموتور مش العربية تروح يلمعلك الزجاج والصاج لالالالالالالالالالا ان عاوز يلمع الموتور بالكامل بص حط كيس بلاستيك على مجموعة الكهرباء الموبينة والمشط والاسبرتير ***

بعد الغسل حضرتك حتعرف بالظبط فين تسريب الزيت وتكون اتعلمت التصوير بالموابيل ورفع الصور لينا هنا تحت امر حضرتك ****