تجديد رخصه العربيه في منتجع اكاسيا السياحي باسكندريه (ايه العظمه دي)

**SHNORY** · 09-10-2014 06:55 PM

المشاركة الأصلية كتبت بواسطة monamize4

ماشاء الله ,, هو النادى دا فيه شيشة كمان ؟!!!!
بغض النظر ان اول مره اسمع عن نادى فيه شيشة ,, بس كدا يبقى لوز العنب

مين مينا دا ؟!!!!!

معلش انا اسف كان معانا عضو فاضل زمان اسمه ميناميزا او كان اسمه ميزا بس نقريبا
وانا اتلغبطت (:

نرجع مرجوعنا بقي
النادي فيه شيشه
وفيه جيم تحفه وحمامات سباحه ومكان اسمه السينيور منفصل عن النادي ممنوع الدخول فيه لاقل من 16 سنه علشان الناس اللي مبتحبش دوشه العيال
اينعم هو علشان رخيص فهو لامم شويه
بس فيه بودي جاردات برضه لراحه الاعضاء من صياعه السرسجيه وقرفهم

**J A G U A R** · 09-10-2014 07:02 PM

الاماكن السياحيه بيبقى الخدمه فيها محترمه لا وكمان شيشا تفاح دى تبقى حاجه زى الفل
ده الواحد مش بيعرف يشرب كوبايه شاى فى المرور بتاع عربيته ده غير الحر والزحمه والتعب والقرف

**SHNORY** · 09-10-2014 07:19 PM

المشاركة الأصلية كتبت بواسطة amoor89

[img3]http://2.bp.blogspot.com/-kp7ry8w7tpu/ula0aoyixyi/aaaaaaaaadg/z21g6_gfe60/s400/%d8%b3%d8%b9%d9%8a%d8%af+%d8%b5%d8%a7%d9%84%d8%ad+ +%d9%8a%d8%a7+%d8%af%d9%8a%d9%86+%d8%a7%d9%84%d9%8 6%d8%a8%d9%89+%d8%a7%d9%8a%d9%87+%d8%a7%d9%84%d8%a d%d9%84%d8%a7%d9%88%d8%a9+%d8%af%d9%8a%d9%87.png[/img3]

عقبال متبقى النضافة فى كل حتة مش فى النوادى بس

المعامله هناك نضيفه
المكان نضيف
الموظفين نضاف
بيعاملوك انك عضو نادي وليك امتيازات وبيحاولوا يريحوك
الناس لما بتشوف مستوي التعامل ده غصل عنهم بيتعاملوا بنضافه
ووجود امن وتنظيم بيحكم الموضوع اكتر

**SHNORY** · 09-10-2014 07:26 PM

المشاركة الأصلية كتبت بواسطة m_m_sh_a

هو اللي حصل معاك في تجديد الرخصه جميل ..بس الأجمل بقى ..لو يخلوني أنسى المرور ده بيتراح منين ويبقى التجديد عندهم والفحص كمان عندهم ..يا ا اا ا ا ا ا ه ..أهو ده بقى يبقى الخيال بجد ..إترحم من الفحص والوقوف في طابور البصمه ..إخيه على ده مشوار في المرور

المشاركة الأصلية كتبت بواسطة shnory

7-تجديد رخص السيارات
تقريبا يا بيحددولك ميعاد تروح فيه المرور ويستناك مندوب من النادي
او ممكن يكون زي نظام البطاقه برضه وفيه ميعاد للناس اللي حتفحص
بس في كل الاحوال بيكون ليك خدمه مميزه
لما اروح الاسبوع الجاي اخد الرخصه حسال في الموضوع ده
لاني حجدد شهر 6 الجاي برضه وحفحص

باشا اضافه للرد السابق صديق ليا قالي انهم بيجمعوا عدد عربيات (20 عربيه تقريبا)
يوم او يومين في الاسبوع (مش متاكد) الثلاثاء والخميس او الخميس بس
وبيفحص (:
حتي لما تروح المرور يقولولك اصل المهندس في اكاسيا فوت علينا بكره (:
لان النادي قريب من مرور محرم بيك
بس تصحيح للموضوع ان الشهر العقاري بس الي متاح لغير الاعضاء
انا حبعت للاشراف يعدلوا الموضوع

**sakr_skoda** · 10-10-2014 10:16 PM

لسة علينا بدرى التكنالوجية وتقنية الاتصالات الحديثة بنستخدها خطء حتى اليوم ليه ميكنش فيه مكاتب منتشرة فى كافة المحافظات تقدم مثل تلك الخدمة وتكون خدمة مدفوعة يعنى انا بجد شف الويل فى اثبات فقط موتور على رخصة سيارتى روحت المنصوره 3 مشاوير كانت مشاوير عذاب ومش بس كدا لا كمان لازم اشخلل علشان اخلص دفعت شخلله بس 120 جنية مع ان ممكن الموضوع دا ينتهى بتكة ماوس والدخول على شبكة مرور الجمهورية ويتم استخراج اى شهادات نمن اى مرور ومن اى مكان تتواجد فيه حرام والله العذاب اللى بنشوفة لسه علينا بدرى ربنا يهون **