هو انا كده اتنصب عليا فى تغيير عداد الكهرباء؟؟

**new_man** · 09-10-2014 06:51 PM

مساء الخير يارجاله
دلوقتى انا مشترى شقه تمليك في عماره مرخصه من التمانينات وصاحبها كان مغير العداد بعداد ديجيتال 2007

المهم انا حبيت انقل الكهرباء بأسمى فاروحت الكهربا بتاعت شمال اللى جنب نادى 6 اكتوبر اللى في حلمية الزيتون اللى انا تابع ليها بالعقد وكله تمام فقالولى انهم لازم يشيلوا العداد الديجيتال ده ويستبدل بعداد ديجيتال اخر

وبيقولوا عشان مينفعش العداد الديجيتال يكون غير بأسم شخص واحد ولو الاسم هيتغير يبقى العداد هيتغير كمان

المهم دفعت 381 جنيه مصاريف العداد الجديد وقالو هيركبوه فخلال اسبوع

روحت وكلمت صديق ليا شغال في الكهربا بتاعت جنوب فقاللى اللى حصل ده نصب وان العداد الديجيتال يتغير لما يعدى عمره 20 سنه انما مع تغيير المالك العداد يفضل زى ماهو ويتاخد 20 جنيه مصاريف تغيير الاسم فقط وكلمت مدير صديقى في الكهربا واكدلى نفس المعلومه وقاللى ان مفيش قرار ان مع كل تغيير ملكيه يتغير العداد وان كلام الموظف اللى هناك ده غير حقيقى وانهم لبسونى فعداد جديد

مدير صديقى قاللى اعمل شكوى على موقع الوزاره وبلغ حماية المستهلك

دلوقتى ايه الحل واعمل ايه وهل الكلام ده حقيقى؟؟
وهل حد مر بالموضوع ده قبل كده؟؟

**new_man** · 09-10-2014 07:55 PM

انا لقيت الكلام ده على موقع كهرباء شمال القاهره فى الاسئله والاجوبه

-ماهى رسوم تغيير العداد بأسمى مع العلم ان لدى تنازل موثق فى الشهر العقارى من المالك القديم فقط وارغب فى معرفة التكاليف؟
مقابل فحص 33.6 جنيه + مقابل انتفاع 1.5 جنيه

الكلام ده معناه ايه؟؟

**ahmed1981** · 09-10-2014 08:02 PM

روح الفرع تاني وقابل المدير وإشتكيله ومتمشيش إلا بعد حل المشكلة
الوصولات حافظ عليها وخليها معاك لغاية ما تسترد فلوسك

ـ

**new_man** · 09-10-2014 08:07 PM

شكرا ليك يافندم
يعنى كده الموضوع نصب فعلا!!!
طب ليه عملو كده؟؟

**ahmed1981** · 09-10-2014 08:10 PM

المدير هيوضحلك
انا مش متأكد
وعرفه إنك سألت في فروع تانية وعرفت الصح إيه

هما فيهم نصابين ونصبوا عليا قبل كده من عشر سنين

ـ

**mhoreya** · 09-10-2014 08:13 PM

حصلتلى نفس الحكاية من حوالى 7 شهور فى كهرباء مدينة 6 اكتوبر ... شقتين و عدادين كهرباء بغيرهم باسمى و معايا تنازل موثق من صاحب العداد .. دفعت حولى 380 للعداد الواحد و لكن نفس العداد الى راكب مش عداد جديد

**new_man** · 09-10-2014 08:30 PM

المدير هيوضحلك
انا مش متأكد
وعرفه إنك سألت في فروع تانية وعرفت الصح إيه

هما فيهم نصابين ونصبوا عليا قبل كده من عشر سنين

انا فعلا هعمل كده وهروح يوم الاحد واشوف الموضوع ده

حصلتلى نفس الحكاية من حوالى 7 شهور فى كهرباء مدينة 6 اكتوبر ... شقتين و عدادين كهرباء بغيرهم باسمى و معايا تنازل موثق من صاحب العداد .. دفعت حولى 380 للعداد الواحد و لكن نفس العداد الى راكب مش عداد جديد

ده الموضوع متكرر كده..ده انا قالولى هيجيلك عداد جديد!!

**tamermadi** · 09-10-2014 09:05 PM

انا لما اشتريت شقتي والعداد ديجيتال اخدت المالك ورحت شركة الكهرباء وعملي تنازل عن العداد ودفعت 100 وشويه
والفواتير بقت بتيجي بإسمي من غير تغيير للعداد ولا حاجه

**new_man** · 09-10-2014 09:29 PM

هو الرسمى المكتوب ان المصاريف 35 جنيه
مش عارف بقى ال 381 وال 100 دول نظامهم ايه
انا هنزلهم الاحد واشوف نهاية الموضوع ايه

**Pukka** · 09-10-2014 09:57 PM

اللي اعرفه ان التنازل لشخص اخر بيتم دون رفع العداد
الرسوم معنديش فكرة بصراحة

الموضوع: هو انا كده اتنصب عليا فى تغيير عداد الكهرباء؟؟

LinkBack

أدوات الموضوع

عرض

-

-

-

المواضيع المتشابهه

اتنصب عليا في شقه .. لله الأمر

اتنصب عليا

اتنصب عليا ولا لا

هو انا اتنصب عليا كده جامد ؟

حاسس اني اتنصب عليا

الكلمات الدلالية لهذا الموضوع

المفضلات

المفضلات

ضوابط المشاركة