تحذير : لكل اللوجانويه والنيو لوجانوية ....الكاوتش فيه سم قاتل ...؟
طبعا انا كنت لازم انبه لكل مشترى للوجان
ﻷن خضت تجربة سيئة جدا ...ما احبش حد منكم يخوضها ...وهى عدم تغيير الكاوتش الباروم فور شراء السيارة
فى الاول انا كنت بحسب الفرامل سيئة اول ما اشتريت العربية ...2012 مانويل
وبعد مناقشات وجدال واستفسار ...مع اعضاء المنتدى اتأكدت ان كاوتش الباروم مع الفرملة على سرعة متوسطة بيزحف على الارض ....لو فرملت فجأة ...
وفعلا اﻷى اكد لى كثير من اعضاء المنتدى مالكى اللوجان لمهم انا قلت بينى وبين نفسى ...اشترى نفسك يا واشترى عربيتك بالفين جنيه ....ثمن اربع فرد جديدة
وانا كنت ساعتها عامل حوالى 23000 كيلومتر
وعمال افكر ادبر الفين جنيه منين ....وعدى يوم او يومين على تفكيرى بعد ما اتاكدت ان العيب مش من الفرامل العيب من الكاوتش ماركة باروم
وكان يوم 28مايو 2013
من اسوأ ايام حياتى
الحمد لله كل ايام ربنا حلوة بس اللى حصل لى فى اليوم ده فضلت لغاية شهرين فاتوا بعانى منه
ليه ؟
اقلكم وانا رايح الشغل يوم سبت وفى مطب صناعى عربية بيجو 505 دبابة فرملت مرة واحدة وبعدين
وراها لانوس فرملت عشان البيجو وقف وفرمل
لبست فى البيجو
يجى وائل افندى يلبس فى اللانوس
وكانت الخسائر كالتالى على فكرة السرعة كانت 80كم
وانت فرملت من مسافة معقولة ...لكن العربية فعلا زحفت
1-ردياتير
2-سربنتينه
3-فانوس يمين
4-مقدمة الكابوت اتبقت بشكل خفيف
5-
الترموستات اتغيرت
6-
شاسيه الاكصدام اتعوج وقفل على طلمبة الميه
7-البلية الثابته وبلية الشداد
8-رش الكابوت سمكرةدوكو
9-
رش شاسيه الاكصدام الجديد ﻷنه اتغير
10-ودة مخليها فى الاخر عشان دى تمنها مكلغنى 40%
من تمن الحادثه الت وهو الكمبروسر وثمنه 4200جنيه
الحادثه كلها انكلفت 10000مقفولين
وممكن اجيب لكم هنوان موضوعى ساعة الحادثه ...اللينك بتاعه يعنى
طبعا مش كل اللى معاه لوجان يعرف عيب كاوتش باروم
فانا حبيت انبهكم قبل ما الفاس تقع فى الراس
على فكرة العربية رجعت زى الاول بعد ما صلحتها ...وكله فى التوكيل
واخيرا انا بعت العربية ...عشان انا سافرت بره مصر ...لكن لسه بحب عربيتى اللى بعتها
...واخيرا غيروا الاربع فرد فورا
وشكرا لكل لوجانى ...وكل لوجانيه.معلش انا باكتب من الموبايل فممكن تلاقوا بعض الاخطاء المطبعيه
اللينك بتاع الحادثه فى المشاركة الجايه