لما الكهرباء ممكن تستمر بدون تخفيف احمال بيقطعوها ليه؟!

**Pukka** · 09-10-2014 10:35 PM

انهاردة اليوم الخامس بدون قطع كهرباء
ومسمعناش التبريرات بتاعة انهيار الشبكة والعجز والقدرات .. الخ
معنى كدة ان المشكلة مش مزمنة او انه مفيش مشكلة اصلا
طب ليه بنخفف الاحمال لما ممكن منخففش
ومحدش يقولي انخفاض درجات الحرارة
لانه من اسبوع واحد كانت بتقطع 3 مرات في اليوم
هل هناك تفسير مقنع؟

**rotanamasoud** · 09-10-2014 11:26 PM

هى درجات الحراره
لما درجات الحراره بترتفع بيزيد الاستهلاك بطريقه جنونيه بسبب المكيفات الاف الميجا واط
فى نفس الوقت التوربينات بتسخن اكتر بسبب الحراره وارتفاع الاحمال وتشغيلها بالقدره القصوى
فى نفس الوقت المحطات بتستهلك اعلى نسبه وقود
تخفيف الاحمال بسبب الحمل الزايد يعادل ساعه او ساعه ونص
تخفيف الاحمال بسبب توفير الوقود ده اللى بيوصل الموضوع لساعات كتير
يعنى احنا عندنا مشكلتين المحطات غير قادره على استيعاب الاستهلاك واصلا معندناش وقود يكفيها يعنى لحل المشكله لو مثلا المفروض نبنى محطه كل سنه عشان بعد خمس سنين يدخل كل سنه الخدمه محطه جديده توازى الزياده فى الاستهلاك مش حيكون معانافلوس للوقود(ده اصلا لو معانا فلوس نبنى محطه كل سنه)

**elpilot** · 10-10-2014 12:05 AM

المشكله انهم بيحبوا يوفروا في الوقود فمبيديش المحطات كفايتها من الغاز فتضطر تشتغل بالسولار وتنخفض كفائتها ل70% يحدث عجز شوية ويضطروا يشغلوها بالمازوت فتخرب الدنيا وتنخفض كفائتها ل50% وتقطع طول النهار
يعني النظام فاشل
ده ميمنعشي ان الاستهلاك ذايد عن الحد الاقصي بس برضو هم بيستهبلوا ومتأكدين ان محدش هيتكلم
كل لما بفتكر الموضوع ده وسكوتنا عليه بعرف البلد ماشية ازاي
خد الصورتين دول يوضحوا البلد ماشية ازاي

**mk3** · 10-10-2014 01:36 AM

هى الكهرباء لسه بتقطع..لا بجد انا شايف ان الموضوع انتهى على الاقل فى القاهره..ممكن اعرف انت منيين

**mmolazem** · 10-10-2014 02:13 AM

ترويض

**Bassem Youssef** · 10-10-2014 03:24 AM

هو حضرتك منتظر ايه من الحكومه المصريه ؟؟؟؟؟

**SeiffoZ** · 10-10-2014 02:18 PM

اجازات .. مصانع وشركات اجازة ...

**طارق _عبد السلام** · 10-10-2014 03:08 PM

المصانع هتشتغل بكل طاقتها من يوم السبت ان شاء الله
ومع بروده الجو بردوا خرجت التكيفات والمراوح من الاحمال

بس بردوا مش مبرر لازم حلول لان الكهرباء ليست ترفيه ده شى اساسى لكل انسان فى حياته وشىء اساسى فى النمو الاقتصادى...واخيرا فهموها من شهرين عندنا فى المحله وتم استثناء البلد الا فى الحالات القصوى لان المحله مدينه صناعيه من الدرجه الاولى وفهموا ان اقتصاد البلد بيضيع ازيد ماهو ضايع... لازم حلول سريعه بالتزامن مع حلول طويله لمراعاه الزياده السكانيه