-
كيا سبورتاج
بسم الله الرحمن الرحيم
بعد التحيه
عايز اعرف من اللى جربوا كيا سبورتاج فقط، عايز اعرف كل عيوب و مميزات العربيه وعايز اعرف ايه اخبار ثبات العربيه فى الملفات ولحد سرعة كام بتبقى العربيه ثابته و هل العربيه مريحه ولا مش مريحه .
ياريت تجاوبوا على الاساله بصرااااااااااحه
-
-
متابع استخدام بنزين 92 او 95
-
السلام عليكم
انا مجربتش ٢٠١٥ بس كان معايا الكورى موديل ٢٠١٣ لمدة ٨ شهور والسلوفاكى موديل ٢٠١٤ لمدة ٣ شهور فلو انت مهتم تعرف التفاصيل بشكل عام عن العربية ممكن افيدك بس مش فى ٢٠١٥ لان حصل تعديل face lift وممكن يكونوا عدلوا فى شويه حاجات الله اعلم
-
انا اصلا بتكلم عن الموديل الكورى . ياريت تفيدنى
-
و هل كان فى فرق بين الكورى و السلوفاكى؟؟
-
بالنسبة للكورى 2013 العربية كانت ممتازة جدا والصراحة انا اتفاجأت من مستوى التقفيل وجودة الخامات لان انا كان معايا تويوتا ياريس 2008 وسيراتو 2010 والتويوتا طبعا كانت احسن فى الخامات الداخلية ونعومة الموتور وسرعة استجابته عن السيراتو مع ان الياريس 1300 سم³ ومن مميزات الكورى:-
- نعومة الموتور
- اكياس بلاستيك لحماية الكراسى والكنبة (فضلت فيها لغاية لما بعتها بعد استخدام 8 شهور)
- مستوى العزل ممتاز جدا لدرجة ان ايام الخماسين ما تلاقيش اى تراب على التابلوه ولما كنت بجيب منديل وامسح الاكياس البلاستيك برضه ما تلاقيش اى تراب
- استهلاك البنزين مقبول جدا فى عربية من الفئة دية (8.7 لتر / 100 كم) مع بنزين 92
- الخامات الداخلية ملمسها ناعم وريحة الفبريكة كانت فيها لغاية لما بعتها
- الدريكسيون جلد طبيعى خياطة
- كفاءة التكييف هايلة
- درجة عزل الزجاج الحرارى ممتازة ودا بيساعد التكييف فى التبريد بسرعة
- فرامل اليد كانت بدال على الشمال زى المرسيدس وكان الكونسول بين الكرسيين واسع وتقدر تستفيد منه انك تحط حاجات كتير
- خامة الفرش القماش كانت زى الووتربروف
- العربية ثابتة لغاية 170 بس مش بتاعة غرز ضيقة
واضريت ابعها بعد 8 شهور لانها اتخبطت من ورا وعلشان انا موسوس قلت ابعها واجيب واحدة جديدة اللى هيا السلوفاكى 2014 بس للأسف لقيت فيها:-
- صوت الموتور عالى
- كان فيها اكياس بلاستيك زى بتاعة الصيانة واتقطعت على طول
- لازم ترزع الابواب علشان تقفل
- استهلاك البنزين عالى (10.5 - 11 اتر / 100 كم) مع بنزين 92
- الخامات الداخلية ملمسها عادى ومفيش ريحة الفبريكة اكنها مستعملة
- الدريكسيون فيبر مش جلد طبيعى خياطة!!!!
- كفاءة التكييف اقل من الكورى
- درجة عزل الزجاج الحرارى عادية ودا بيأثر على كفاءة التكييف
- فرامل اليد كانت دراع زى اى عربية وكان الكونسول بين الكرسيين ضيق
- خامة الفرش القماش كانت وحشة عاملة زى الصوف مش ووتربروف
- استبدلوا الساعة ب alarms مالوش اى لازمه
علشان كده بعتها بعد 3 شهور بس غير مأسوف عليها.
-
العربية زي الفل في كل حاجة
ما هدا الغرز الضيقة زالفرامل المفاجئة الجامدة
بتعوم فيها
-
يعنى هى احسن من بيجو ٣٠٠٨ اصل انا حاسس ان البيجو خامات اعلى من السبورتاج وثبات احلى و فخامه اكتر والتصميم الداخلى اكثر من رائع ( و خصوصا الكونسول) .
و فى ناس ركبوا السبورتاج و قالو مش حلوه ومش مريحه هل الكلام ده صحيح
و السبورتاج ولا بيجو ٣٠٠٨ ولا سوبارو xv؟؟؟
Content Relevant URLs by
vBSEO 3.6.0 PL2