اسباب سخونة العربية

**zizotito85** · 12-10-2014 03:39 PM

على سبيل المعرفة ياريت حد من الزملاء يشرح لينا مراحل دورة التبريد

**CaptaiN-AhmeD** · 13-10-2014 06:31 PM

العربيه عندي اي مشوار لازم ازود ميه وكل ١٠٠ كيلو القربه بتفضى خالص ولو ملقحتهاش العربيه بتسخن ولازم اقف اسيبها تبرد وازود ميه من جديد ممكن حد يقول اغير قربه ولا اعمل ايه(؟
مع العلم القربه شكلها مصدي

**Abo_Mazen** · 13-10-2014 08:18 PM

باشا ..قيس درجة حرارة الكولانت بالكمبيوتر ..أنا كان في عندي غليان مياه في القربه ..بتاع الريداتيرات كان مصمم إن دي مشكلة ثرموستات ..مع إن العربيه عندي مفيهاش ثرموستات ..لكن فيها حساس حراره ..المهم رحت لمركز صيانه جنبنا ..حط العربيه على الكمبيوتر ..ولقيت النتيجه كالاتي

المروحة بتشتغل لما درجة حرارة المياه بتوصل 98 درجه ..بس مش عارف بصراحه الدرجه دي فهرهنايت ولا مئوية
وبعدين تفضل المروحه شغاله لغاية درجة حرارة المياه ما تنزل ل 95 درجه وبعدين تفصل

الفني بتاع مركز الصيانه بصلي وقالي حساس الحراره عندك سليم ..دورة التبريد سليمه ..إنت عندك الغطا بيسرب ..غيرت الغطا .إتحلت المشكله

روح قيس حرارة الكولانت بالكمبيوتر..لإن ممكن تكون أعراض الحراره اللي حضرتك بتوصفها دي مبالغ فيها شويه