الموضوع: وســـــقــطــت الامـــــــــــطار

لو علمتم الغيب لاخترتم الواقع


النهاردة كنت راجع من مشوار ومروح ع البيت وانا ادام البيت وخلاص هركن كان نصيبي اني اغير اتجاهي وارجع ومروحش واقول اني هروح مشوار تاني مكانش مهم بس النصيب

وانا ماشي ناحية الموقف الجديد عندنا بالاسكندرية فجأة سقطت الامطار وسريعا اصبحت غزيرة وفجأة ميكروباص من الجانب الاخر تقريبا اتزحلق ولا ايه اللي حصل الله اعلم طلع فوق الرصيف واصطدم بعمود نور موقعا به على الجانب الاخر من الطريق اللي انا ماشي فيه وكان امامي سيارة سقط امامها عمود النور فتوقفت السيارة وانا توقفت وجميع السيارات توقفت من المنظر الفظيع

كل الناس نزلت من الميكروباص والله يكون في عونهم مصابين ونفاجيء جميعا بطفلة صغيرة لا تتعدى ال 7 سنوات للاسف مقطوعة الارجل ( لاحول ولا قوة الا بالله )

طبعا جميع السيارات واقفة في حالة ذهول من الموقف

واذن نفاجيء جميعا بميكروباص اخر قادم من الخلف في طريقنا وتقريبا حصل نفس اللي حصل للميكروباص الاخر

ولكن الميكروباص دخل في جميع السيارات اللي واقفة ( لاحول ولا قوة الا بالله )
وبعد اصطدام جميع السيارات ببعض ومن ضمنهم سيارتي ولكني الحمد لله لم اصطدم بالسيارة الموجودة امامي

فقط اصطدم بي تاكسي من الخلف وانا قاعد داخل السيارة وفي حالة ذهول من اصوات التخبيط والتكسير

وساعتها محدش فكر انه ينزل من سيارته كله كان همه الاول والخير انه يمشي من هذه المنطقة ولا حتى حد فكر يقول لحد انت خبطني ليه

وطبعا انا سمعت صوت الخبطة في خلف سيارتي اخدت بعضي ومشيت , وانا ماشي واحد واقف قالي انت بسيطة مفيش حاجة

ركنت على جنب نزلت بصيت لاقيت خبطة في الرفرف الخلفي ولكنها كبيرة شوية وكمان بوية السيارة سقطت

وساعتها ببص على باقي السيارات وكان منظر مؤسف جدا والله يكون في عون السيارات دي وفي عون الناس اللي كانو في الميكروباص وفي عون الطفلة الصغيرة

انا عارف موضوع مؤلم شوية بس انا حبيت احكي التجربة دي مع المطر لعل وعسا تكون عظة

وانا اسف طولت عليكم

والحمد لله

مش عارفه انا مصدومه من اللى قريته ولا انا مخى توقف ولا انا مش فاهمه اصلا

هى البنت الصغيره دى كانت فين اصلا