معرفه الطريق

**amgedreefat@ya** · 10-10-2014 09:16 PM

لو سمحت انا مابعرفش طرق كتير عاوز حد يوصفى ببساطه .
عايز اروح سوق السيارات من المرج ، امشى ازاى .

**hesham fawzy h** · 10-10-2014 09:40 PM

هتطلع من المرج على السلام و بعد كدة تطلع كوبرى السلام و بعدين كوبرى الحرفين و بعدين الكوبرى الجديد الى عند الكلية الحربية و بعدين تاخد اول شمال فى يمين كدة انت بقيت فى الشيراتون تاخدة لحد متلاقى كبرى 4.5 اطلعة و خد تانى شمال فى اول يمين كدة انت بقيت فى حسن مامون كملة لاخرة لحد مسجد السلام و السوق بيبتدى من هنا

**amgedreefat@ya** · 10-10-2014 09:52 PM

طب معلش ياجماعه ، لو انا وصلت لصلاح سالم عند الكليه الحربيه ، امشى ازاى علشان اروح لسوق السيارات

**hesham fawzy h** · 10-10-2014 10:23 PM

ادخل طريق الشيراتون امام الكلية الحربية الناحية التانية و كمل زى الشرح الى فوق

**mohamed_selim** · 10-10-2014 10:51 PM

الافضل و الاسهل امشى دائرى اتجاه السلام و انزل نفق السلام و كمل على الدائرى بس متنزلش نفق كلية الشرطه ... من فوقه يمين و تمشى شويه هتلاقى نفسك فى السوق