ياجماعة دا اول موضوع ليا فى نايل موتورز و يااااارب مايكنش الاخير
انا عايز استعين بخبرتكم معايا فى تسعيير عربيتى النيسان عشان لما اقرر ابيعها محدش يضحك عليا و لا اظلم حد، العربية بالمواصفات الاتية:
نيسان صنى الشكل القديم موديل 2011 - مانيوال - عدادها 150 - 155 الف كم (العداد دا معمول 85% منة طرق سريعة)
العربية بقى كل صيانتها فى التوكيل (بالفواتير) كل حاجة فيها معمولة فى التوكيل من تغيير الزيت لحد فردة الكلاكس (لدرجة انى عميل VIP فى السبع اوتوسيرفيس :Oc_sun1[1]:)
العربية بيتعملها صيانة كل 5000 كم و بتغير زيت 10000 كم و اى حاجه عايزة تتغير بغيرها فى وقتها فوراااا الحمد لله
العربية راشه الشنطة و الرفرف اللى ورا يمين و جزء صغير من العتبة اليمين فى التوكيل برضو (دفعت فيهم حاجة محترمة :eee:)
متركب فى العربية جى بى اس خارج التوكيل عشان التوكيل مابيركبهوش (بس هاخدوا لما ابيعها) و متركبش غير لما العربية عدت ال 100 الف عشان ماخرجش من الضمان
العربية الحمد لله مافيهاش خبطات بس شوية تجريحات فى الكبوت مش باينة بس للامانة انا شايفها عشان حافظها بسبب بعض الحيوانات الاليفة فى شوارع مصر
بتغسل شاسية كل شهرين مرة و بتغسل موتور كل شهرين برضو
بس كدا دى كل حاجه عن العربية ممكن تدونى تمن ليها (بس اخرها يعنى)
شكرا ليكم :)