أختى عندها كيا بيكانتو وفيه صوت تكتكة ظهر فى المحرك كل مابتدوس
على البنزين ... صوت كدة زى صوت الفيشار وهو بيتعمل جوة حلة معدنية كدة ...
ياترى ممكن يكون ايه .؟؟
هى خايفة يكون عيب مكنة مع ان العربية ماشية 44000 بس وهى موديل 2010
عرض للطباعة
أختى عندها كيا بيكانتو وفيه صوت تكتكة ظهر فى المحرك كل مابتدوس
على البنزين ... صوت كدة زى صوت الفيشار وهو بيتعمل جوة حلة معدنية كدة ...
ياترى ممكن يكون ايه .؟؟
هى خايفة يكون عيب مكنة مع ان العربية ماشية 44000 بس وهى موديل 2010
بص يا نجم هاقولك عن تجربتي
الاول اكشف عل العربيه عند ميكانيكي - امين -علشان يشوف ع الطبيعه
ثانيا
التوكيل -المعفن- بيحط زيت غير مناسب للعربيه دي علشان كده مواتيرها بتجهد بسرعه
المفروض تحط زيت ٥ -٣٠ زي الكتالوج بس هما بيحطم ١٠-٤٠
اتاكد بس انت بتحط ايه وابقى طمنا
تمام ياعزيزى
هسألها وهرد عليك
لكن تفتكر لو رجعت وحطت الزيت المناسب
الصوت هيروح والا يبقى حصلت مشكلة فى المحرك؟؟؟؟؟؟
ياريت يروح
طيب ياترى لو كشفنا عليها بالسكانر ( الكمبيوتر )
نقدر نعرف سبب التكتكة ؟؟؟
باشا غير زيت الموتور و فلتر هتبقى تمام
تمام أ/ أحمد
هنجرب كدة
شكراااا
لا مش ها يتفع تحط زيتها الطبيعي 5 - 30 و لازم تمشي عل الزيت التقيل ..|
و الله اعلم كده الموتور بيبقى خشن شويه - مش تعبان - و ممكن تحطله محسنات ترفع من كفاءه الزيت
لو الصوت بيظهر والعربيه باردة بس ويختفي لما حرارة الموتور توصل للوضع الطبيعي ده يبقى بلوف الصبابات
وانا شاكك في البلوف
لان ديه مشكلة الكوري كله البلوف بتاعته صوتها بيعلى بعد فترة استخدام قليله
ولو المشكلة فعلا بلوف ديه مفيهاش اي حاجة
هو مجرد صوت مزعج في بدايه الدوارة
لا تؤثر على السيارة اطلاقا خاصة ان الصوت لسه ظاهر جديد
بس للحفاظ على البلوف متمشيش بالسيارة اول ما تدور خاصة لو بارده
سيبها تاخد 3-4 دقايق دايرة قبل ما تتحرك بيها ولما تتحرك متقرصش على الغيارات لحد ما مؤشر الحرارة يوصل لمكانه الطبييعي في النص
ده بيحافظ على البلوف فترة اطول
انما عموما لو البلوف خشنة مفيهاش مشكلة ومتركزش معاها
متشكر جدا أ/ تميم
ربنا يخلليك
ويارب تكون زى ماحضرتك قلت كدة وتكون الحكاية بسيطة
هو الصوت أنا سمعته وانا واقف بعد مادورت العربية وفضل شوية لحد ما مشيت بيها بس ماحسيتش إنه راح كليا
ربنا يستر