سؤال اتمني اجابته من الخبراء فقط *سيراتو2014

**amromdiab** · 11-10-2014 03:16 AM

سؤال فني
هل يوجد سوفت وير جديد لسيراتو 2014 ؟
وما هو الجديد في السوفت وير ؟
و ما علاقة السوفت وير باستهلاك البنزين الهستيري علي السلانسية ؟؟
و ما فائدة البوجيهات الايرديوم ؟

**Dr . Mohamed** · 11-10-2014 12:40 PM

السوفت الجديد للكيا ريو سمعت عنه انما سيراتو لا
البوجيهات الايرديوم دى عمرها طويل حوالى 100 ألف كيلو و بتقلل استهلاك البنزين و لكن مش زى ما حضرتك متخيل يعنى نسبة بسيطة

**mr.moustafa** · 11-10-2014 01:35 PM

ايه الاستهلاك الهستيري اللي عندك ده ؟؟

**amromdiab** · 11-10-2014 05:29 PM

المشاركة الأصلية كتبت بواسطة mr.moustafa

ايه الاستهلاك الهستيري اللي عندك ده ؟؟

معنديش مشكلة في الطرق السريعة ... الإستهلاك بيكون فيها معقول

الكارثة الكارثة بالنسبة لي في السلانسية!!!

بمعني
اني ممكن مؤشر عداد البزين يوصل لنص التانك و العربية معملتش 100 الي 150 كيلو

هتقولي حسبتها ازاي؟
هقولك
انا مقيم من فترة في احد المدن غي الأقاليم
والطرق بطيئة جداااا لسوء الطرق
و بصراحة جبت اخري بعد ما رحت فرع المقطم بتاع الوكيل و بكل زوق غيروا البوجيهات مجانا و عملوا reset للسوفت وير

حد عنده حل ؟

**borio1704** · 11-10-2014 07:34 PM

اللي حضرتك بتوصفه ده طبيعي جدا لسببين:

أولا.. العربية أوتوماتيك.. يعني بتستهلك بنزين أكتر بكتير بالذات لما تقوم العربية من السكون.

ثانيا.. العربية 6 سرعات.. يعني الأول بتاعها أبطأ من الأول المعتاد في العربيات الأربع والخمس سرعات .. وبالتالي الموتور بيدور أكتر ويستهلك بنزين أكتر... والطبيعي في السيراتو إنك لو ماشي على الأول بيكون معدل الاستهلاك حوالي 35 لتر/100 كم... والتاني حوالي 25 لتر/100 كم

نصيحتي ليك... غير طريقة سواقتك بحيث تبقى اقتصادية أكتر شوية.. واعمل التالي:

1- حول العربية دايما على الوضع اليدوي.. ده هيوفر معاك الهدر في الدوران اللي بيحصل في الطلعة الأولانية... وابقى انقل على التاني بمجرد ما العربية تتحرك

2- اضبط البيانات اللي بتطلع في الشاشة بين العدادات بحيث تجيبلك معدل استهلاك البنزين.. وخلي عينك على استهلاك البنزين اللحظي في العداد... وخف رجلك من على البنزين.

3- اضبط ضغط الهوا في الكاوتش على 36-38 psi.. ده هيخلي العربية أسرع كتير في الطلعة.

4- حاول تقلل من تشغيل التكييف.. الجو مش مستاهل تكييف .. خصوصا إن الشتا داخل.

5- ما تحطش بنزين 80... خليك دايما على 90-92

6- أي أوزان زيادة في العربية شيلها... لو حاطط أي حاجة تقيلة في الشنطة تخلص منها فورا.. وكمان مش لازم تشيل معاك ناس كتير في العربية.

7- لو متوقع إن العربية هتقف لفترة أكتر من دقيقتين.. اطفي الموتور

8- حاول تقلل من المشاوير القصيرة (أقل من 8 كم) بالذات لما العربية تكون لسه باردة.. لإن أي عربية بتستهلك بنزين كتير جدا في الأول لحد ما الموتور والزيت وكل حاجة تتظبط في العربية.. وده محتاج وقت.

وربنا يباركلك في عربيتك

...

**borio1704** · 11-10-2014 11:57 PM

المشاركة الأصلية كتبت بواسطة echo7

مش كتير؟ الكتالوج بيقول 32

لو معظم سواقته بطيئة يبقى مش كتير.. خصوصا إذا كان هيظبط الهوا عالساخن

ال32 دي تتظبط عالبارد.. يعني العربية ما تكونش اتحركت أكتر من 1.5 كيلو بالكتير.. طبعا لازم يكون واقف قبلها 3-4 ساعات عالأقل.

عالعموم.. الكاوتش يقدر يستحمل لحد 40 عالبارد بدون مشاكل... والرقم تحديدا مكتوب على فردة الكاوتش.

وحضرتك لو دورت في النت على موضوع توفير البنزين... هتلاقي ناس كتير بتنصح بزيادة ضغط الهوا لحد أقصى حد مسموح بيه على الإطار.. بس إني مش بحب كده.. فبزود شوية في حدود 2-4 psi بس اللي هما في أغلب الأوقات مقدار التمدد الطبيعي بتاع الهوا لما يسخن.

...

**borio1704** · 13-10-2014 09:41 AM

المشاركة الأصلية كتبت بواسطة amromdiab

شكرااااااااااا جزيلاااااااااااااا للإجابة الوافية

سؤال تاني

لما اروح ازود نيتروجين
وطبيعي العربية بنسبة 99% هتكون ساخنة
ايه المقاس في الحالة دي لجنط 17

هما بيقولوا إن تمدد النيتروجين أقل بكتير من الهوا العادي... مع إن الهوا العادي 78% منه نيتروجين

عموما.. على حسب كلام المقتنعين بالنيتروجين.. حضرتك مش محتاج تزود الضغط.. خليك زي الكتالوج على 32 psi

...

-

-

الموضوع: سؤال اتمني اجابته من الخبراء فقط *سيراتو2014

LinkBack

أدوات الموضوع

عرض

-

-

-

-

المواضيع المتشابهه

سؤال ومش عارف اجابته؟

سؤال مهم مش عارف اجابته ؟

اتمني الا تنخفض الجمارك .. بل اتمني ان تزيد قليلا !

سؤال غيب مش عارف اجابته

الكلمات الدلالية لهذا الموضوع

المفضلات

المفضلات

ضوابط المشاركة