مساعده من رجالة الاسكودا فيليشيا

**الاسد المهاجر** · 11-10-2014 12:37 PM

السلام عليكم
محتاج مساعدت رجالة الاسكودا
دلوقتي ان شاء الله هبيع الانوس نظرا لظروف وكنت بفكر في كذا عربيه وقررت اشوف الفيليشيا ان شاء الله هيكون المبلغ المتاح من٢٥٠٠٠ الي٣٠٠٠٠ بالكتير ويفضل اقل من٣٠٠٠٠ يجيبو موديل ايه وبكماليات ايه وهحس بفرق بين الانوس والفيلشيا ولصالح مين بالنسبه للصيانه /السحب/مشاكلها /ثبات
ومميزات وعيوب الفيليشا ايه
معلش طولت عليكم

**أحمد جودة** · 11-10-2014 03:49 PM

فى البداية طبعا مينفعش نعمل مقارنة بين الاتنين لاختلاف الفئة والسعر بين الاتنين لكن لكل عربية منهم ميزات وعيوب
يعني باور ونعومة وسحب وتكييف كل دة هيكون لصالح اللانوس

بس متانة الصاج والثبات هيكون لصالح الفليشيا

بس طبعا حضرتك لازم تكون فاهم ومقدر الفرق اللى هتلاقيه لان الفليشيا من عيوبها صوت الموتور خشن .... السحب بالنسبة للدايو مش تمام ... مفيش باور ولا تكييف والعربية ناشفة فى الطرق المكسرة والمطبات

وميزات الفليشيا متانة العفشة والصاج والشاسية ...... ثبات غير عادي على السرعات العالية .... إقتصادية فى البنزين وبتشتغل كمان بـ 80

**أحمد جودة** · 11-10-2014 03:53 PM

اة نسيت اقولك ان من 25 الف لحد 30 الف تجيب فليشيا معقولة لحد 97

أما لو حابب تركب اعلي من كدة فمن بعد الـ 97 هتلاقي 98 و 99 و 2000 ودة موتور انجكشن بس فى السعر هتبقي اعلي من كدة معاك لحد 35 الف وتزيد ...... الموضوع راجع لامكانياتك المادية

**هاله محمود** · 11-10-2014 05:12 PM

المشاركة الأصلية كتبت بواسطة mohamed878

الفليشيا عربيه رجالي شويه دبرياج تقيل و مفيهاش باور هتتعبك نصيحه بلاش

طب البونتو الي بتبقى بردو موديل التسعينات ونفس الرينج ده هتبقى تقيله بردو ولا ايه

**أحمد جودة** · 12-10-2014 09:32 AM

المشاركة الأصلية كتبت بواسطة mohamed878

الفليشيا عربيه رجالي شويه دبرياج تقيل و مفيهاش باور هتتعبك نصيحه بلاش

لا أختلف مع حضرتك فى الرأي الفليشيا رجالي وحريمي أولا الدبرياج مش تقيل ولا حاجة وموضوع الباور العربية مش تقيلة بردو للدرجة دي هيا مشكلتها فى الركنة بس خصوصاً لو بتركن بين عربيتين يعني يادوب المكان ياخد العربية بالظبط

يعني انا اصلا بشوف ستات بتركب لادا بشوف ستات راكبين فليشيا يبقي اللي يركبو لادا مش هيعرفو يركبو فليشيا

**أحمد جودة** · 12-10-2014 09:10 AM

المشاركة الأصلية كتبت بواسطة هاله محمود

انا بردو معايا نفس المبلغ ومش عارفه اجيب ايه
مفيش خيارات تانيه غير السكودا
وهل في حاجات بالسعر ده واتوماتيك

فيه خيارات كتير غير الفليشيا وتناسب حضرتك منها السوزوكي ماروتي على سبيل المثال أو الكيا برايد كلها أو دايو هاتشباك

وبالنسبة للاوتوماتيك منصحش حضرتك بيها فى الموديلات القديمة دي (( الاوتو فى الجديد ))

**أحمد جودة** · 12-10-2014 09:12 AM

المشاركة الأصلية كتبت بواسطة هاله محمود

انا بردو معايا نفس المبلغ ومش عارفه اجيب ايه
مفيش خيارات تانيه غير السكودا
وهل في حاجات بالسعر ده واتوماتيك

فيه خيارات كتير غير الفليشيا وتناسب حضرتك منها السوزوكي ماروتي على سبيل المثال أو الكيا برايد كلها أو دايو هاتشباك

وبالنسبة للاوتوماتيك منصحش حضرتك بيها فى الموديلات القديمة دي (( الاوتو فى الجديد ))

بس طبعا لو هقارن بين الفليشيا وباقي العربيات دي الفليشيا تكسب المقارنة

الموضوع: مساعده من رجالة الاسكودا فيليشيا

LinkBack

أدوات الموضوع

عرض

العرض المتطور

-

-

-

-

-

المواضيع المتشابهه

مساعده من رجاله الاسكودا على وجه السرعه

مساعده في الاسكودا فيليشيا

ممكن مساعده من رجاله الاسكودا

مساعده انا جديد مع الاسكودا فيليشيا عايز اعرف اجيب قطع الغيار دى منين

مشكلة في محرك الاسكودا فيليشيا

الكلمات الدلالية لهذا الموضوع

المفضلات

المفضلات

ضوابط المشاركة