اللهم لا اعترض
ده تعليق كل زملكااااااااااااااوى مقهور وانا اولهم
عرض للطباعة
اللهم لا اعترض
ده تعليق كل زملكااااااااااااااوى مقهور وانا اولهم
انا مغلطش في حضرتك علشان استذوق أو ارمي كلام وخلاص
متضايق من فرقتك طلع همك فيها
بلاش كلام علي لاعيبه بتعرف ربنا ومبتغلطش في حد علشان يتقال عليها بركه وحظها
وكلام مالوش لازمه
ولو عامل الموضوع للزمالكوية بس ...ابقي وصي حد من الاشراف يكون زملكاوي
يمنع دخول الاهلاوية
وسلامي اخيرا لحسن سوسته
هو حضرتك بتقول فيها انا اليوم ده كنت بتفرج الصبح على ماتش مانشستر وكنت هاكسر التليفزيون من الغيظ بس هاعمل ايه هو المان يونايتد لما بتقفل معاه بتبقى بالترباس بس بيلحق نفسه وان عندى ثقة فى المان يونايتد واتفرج الماتش الجاى مع ويست هام فى مسرح الاحلام وشوف اللى هيحصل
وكان باليل فى ماتش الزمالك والاولمبى قلت فى عقل بالى انا زعلت الصبح بس يمكن افرح باليل ولكن سبحان الله تاه عن بالى خالص ان الماتش شغال ولما افتكرت فتحت التليفزيون لقيت الماتش فى الدقيقة 80 والزمالك خسران بهدفين وكمان مطرود من الاولمبى واحد قمت قافل التليفزيون وقلت كفاية اوى عليا كده انهاردة
مش كده ولا ايييييييييييييييييييييييي ه
ناس كتير بتقول ان الموضوع موضوع ادارة لابد من تغييرها
بس انا اظن ان الموضوع ابعاده اكبر من كده بكتير
و عموما بكرة الادارة تتغير و نشوف اذا كان ده هيجيب نتيجة
انا اهلوية
بس و الله العظيم نفسي الزمالك يرجع زي زمان عشان ارجع احس بمتعة مشاهدة مباراه بين الاهلي و الزمالك
صدقني مش مبسوطة و انا شايفه الاهلي مفيش حد قدامه
اللي بيخلي المشاهده ليها متعة هو التكافؤ و لو لدرجة متقاربة بين الفريقين
و للاسف ده غاب في الوقت الحالي
و عموما و الله انا عارفه انها بقت حاجة تحرق الدم لجمهور نادي الزمالك
فنصيحتي لحضرتك كأخت انك تبطل تتفرج علي كورة خالص لحين انتهاء الازمة اللي ربنا وحده اعلم هتنتهي امتي
لانو بقي شيء يخنق بصراحة
و كفايه علي الواحد حرقة الدم اللي عايشينها في كل شبر في حياتنا جوه مصر
مش هتبقي في الكورة كمان
انا اسفه لحضرتك اني بشارك و انا اهلوية
بس انا فعلا و الله العظيم حاسه بخنقتك و خنقه كل زملكاوي
و حاطه نفسي في مكانكم
اكيد حاجة تخنق
بس دوام الحال من المحال
و ان شاء الله نادي الزمالك يرجع تاني ينافس و بقوة
و مقدرش اقول لحضرتك شجع الاهلي لانو اساسا الزملكاوي بجد او الاهلاوي بجد مينفعش يشجع اي حاجة تانية غير فريقه مهما خسر و احبط جمهوره
لان حتي الكورة فيها انتماء احيانا مبيقلش عن الانتماء الوطني
لك احترامي و تقديري
مع احترامى للجميع مفيش اهلاوى عايز الزمالك يرجع لان احنا بقينا عايشين فى زمن القطب الواحد مع الاسف ناد واخد كل شىء وناد يلهث وراء اى شىء الحل من وجهة نظرى مش صعب بدليل فترة رئاسة ا/ مرسى عطا الله كانت فترة محترمة وفترة د/ كمال درويش ودول فى العصر الحديث يعنى ممكن يرجع الزمالك لو الادارة اللى ماسكاه ناس فاهمة
فيديو لعمرو اديب بعد ماتش الاوليمبي
http://videohat.masrawy.com/view_vid...category=:no4:
أنا أهلاوي جداً جداًاقتباس:
مع احترامى للجميع مفيش اهلاوى عايز الزمالك يرجع لان احنا بقينا عايشين فى زمن القطب الواحد مع الاسف ناد واخد كل شىء وناد يلهث وراء اى شىء الحل من وجهة نظرى مش صعب بدليل فترة رئاسة ا/ مرسى عطا الله كانت فترة محترمة وفترة د/ كمال درويش ودول فى العصر الحديث يعنى ممكن يرجع الزمالك لو الادارة اللى ماسكاه ناس فاهمة
و كنت في قمة السعادة من مستوى أداء الزمالك في ماتشي الاهلي في بداية الموسم
حسيت فعلاً ان الزمالك مستواه ارتفع و تحس ان فيه فريق في الملعب و ند للنادي الاهلي و الدوري هيبقى ليه طعم و منافسة و تبقى مستني اخر ماتش في الدوري و مش عارف مين الي كسبان ( زي ماتش الاهلي و انبي و الزمالك و الاسماعيلي ) .
المشكلة يا جماعة من وجهة نظري انها مش إدارة و لا جهاز فني المشكلة لعيبة لعيب لعيبة
مثال جمال حمزة ياما ناس هتفت بأسمه ( طول عمري بقول عليه و لا ليه فيها ) بسبب عدم إيجابيته على المرمى اسهل حاجة عنده التمثيل ( راجعوا معظم ماتشات جمال حمزة ) مع ان المواقف الي بيمثل فيها دي ممكن بدون تمثيل تصنع فرص حقيقية و لاكن بيستسهل .
و بالمثل طبعاً عبد الحليم علي
و مصطفى جعفر و و و و و و و
الناس دي لو عندها حمية ما كانش ده يبقى منظر الزمالك ( كان منظر مخذي بصراحة ) أي حد من الأولمبي يمسك كورة تلاقيه في فرصة تهديف ( في حاجة غلط في الاعيبة )
لكن تغييير جهاز فني و الابقاء على نفس الاعبين قرار فاشــــــــــــــــــــــ ـــــــــــــــــــــل زي الي هياخد القرار ده ( أنا سمعت انه محمود الجوهري )لا تعليق .
لازم تغير لاعبين من قطاع الناشئين اول الاعبين
1- جمال حمزة . ( بدلاً منه شريف اشرف )
2 - عبد الحليم علي . ( بدلاً منه أجوجو )
3 - هاني سعيد . ( سيبوه يروح الاهلي )
4- طبعاً محمد أبو العلا . ( خلوا مكانه فاضي لانه اصلاً مالوش لازمة )
5-محمد عبد المنصف ( أعطاء الفرصة لاي حد بدلا منه ليكون جاهز بدلاً من عبد الواحد )
6- محمود سمير ( بيضر الفريق اكثر مما يفيد )
7- أحمد مجدي ( ممكن يجي منه )
و اقولها مرة اخرى قرار تغيير الجهاز الفني في الوقت الراهن قرار فاشـــــــــــــــــــــل .
انا اهلاوي بس بجد دمي محروق و الله بجد
ارجوا ان اكون ما سببتش ديقة لاي حد .
أنا ازاي مشفتش الموضوع ده الا الوقتي بس
بالرغم اني زملكاوي جدا جدا و كنت زعلان زي معظم الزملكاوية الشرفاء على الاداء الهزيل امام الاوليمبي بس قلت رب ضارة نافعة ان شاء الله الوضع يتحسن بادارة جديدة . تاني حاجة فرحتني من الموضوع ده ان فيه زملكاوية كتير بالمنتدي لأن كان عليا هجوم حاد كوني زملكاوي في موضوع بمنتدى الاخبار المنقولة .
المهم ربنا هيكرم الزمالك و هيقوم من كبوته .
بالنسبة للتمثيل بقى ايه رأيك في فلافيو الحائز على اوسكار بالتمثيل و اعتقد دا واضح للجميع .
بالنسبة لأبو تريكة و أسامة حسني و الله الاتنين بركة يا جماعة و ماشية بركة دعا الوالدين.
الاهلي عايز هاني سعيد يا ريت يشبعوا بيه و الزمالك يرميه ببلاش .
أحمد السيد و شادي و أنيس و حسام اعتقد دا بركة دعا الوالدين لأنهم أساسا حرام يلبسوا فانلة الاهلي .
عماد متعب أكبر مكسب للاهلي انه سرحه بره .
أمير ( لا تعليق ) انتوا عارفين اكتر مني .
اعتقد ممكن الكل يوافقني بس فعلا الاهلي له ادارة مستقرة مفيش مشاكل و دا السبب في نفسية لاعبيه أكتر من كده لا شئ .
الاهلي لا فيه لعيبة زي الناس و لا حاجة بس مدرب قوي و ادارة قوية
انا في رايي ان الزمالك لو ادارته مستقرة هيكون احسن بكتير لأن لاعبي الزمالك أحسن من لاعبي الاهلي بس يا خسارة .
الزمالك ازمته نفسيه مش فنية و اللعيبة محتاجة تحس ان فيه حد بره مش هايرحم و مش هايقبل الدلع ..الفريق عاوزله مدير فني محترم شخصيته قوية زي جوزيه كده و ليكن حسام حسن بس يهدا شوية